|
حفل الجالية لوفد جهاز المغتربين/متوكل طه محمد
فى امسية راقية من أماسى السعيدة العاصمة اليمنية صنعاء أقامت الجالية السودانية حفلا بهيجا على شرف وفد الامين العام لجهاز تنظيم السودانيين العاملين بالخارج الاستاذ المهندس تاج الدين المهدى ووفده الميمون والذى اكمل امس يومه الرابع باليمن فى زيارة تفقدية لابنائه وبناته باليمن وبدأ الحفل بكلمة لرئيس الجالية الاستاذ خالد بشير الذى رحب بالضيوف وقدم المهندس تاج الدين المهدى الذى القى كلمة رصينة خاطبت الوجدان السودانى موصيا فيها ابنائه الطلاب بالبذل والعطاء وذكر اهداف زيارته لليمن التى يكن لها ودا خاصا وقال انا اليوم وسطكم وانقل اليكم تحيات اهلكم وتحيات القيادة السياسية بالسودان ، وفى الحفل الرائع كان السلام الجمهورى حاضرا وابدع طلاب وطالبات المدرسة السودانية بصنعاء ووقف الجميع للوطن ونزلت وجاء فنان الطنبور محى الدين اليمنى والذى قدم له الاستاذ محمد الامين مصطفى مسئول الاعلام بجهاز المغتربين بقوله( ماتزال العلاقات اليمنية السودانية راسخة رسوخ الحضارة اليمنية والسودانية وعندما هاجر عبد الرحمن مرعى اليمانى من اليمن الى السودان فى مطلع العام 1947واستقر به المقام فى القرير وتزوج امنة بت غالى وانجبت له الاولاد والبنات جاء ابنها محى الدين اليوم ليغنى لكم وكانت اغنية محى الدين التى حركت الدموع وليال الشجن وحلم العودة
بلادى أنا بلاد ناسا مواريثن كتاب الله
ونمضى معها الى ان نصل
وآسفاى لو ماكنت سودانى واهل الحارة ما أهلى
اما اسامة عبد المحمود فقدغنى للوطن وهو يردد
وطنا.. الباسمك كتبنا ورطنا أحبك مكانك صميم الفؤاد
وباسمك اغنى.. وتغنى السواقى خيوط الطواقى
سلام التلاقى ودموع الفراق واحبك ملاذ
عند هذه الكلمات هاجت القاعة وضجة بالتصفيق والدموع وردد الجميع
وناسك عزاز أحبك حقيقه.. وأحبك مجاز وأحبك بتضحك
وأحبك عبوس بعزة جبالك ترك الشموس
شارك ابن المهدى تاج الدين واعضاء السفارة السودانية والجالية السودانية الفنان الرائع وعلى خشبة المسرح غنوا
وما بين ظلالك افتش وأكوس أفتش طفولتى وملامح صباى
بناتك عيونن صفاهن سماى وهيبة رجالك بتسند قفاى
صحى بتملا عينى.. وتشّرف غناى بحضرة جلالك..
ومرة اخرى جلس الجميع وهم يرددون
بحضرة جلالك يطيب الجلوس
مهذب أمامك يكون الكلام
لأنك.. محنك عميق الدروس
بعد ذلك غنى هانى محى الدين اليمنى روائع وطنية سالت بموجبها الدموع غزيرة عندما سالت دموع الاستاذ محمد صالح التى شاركه فيها القائم بالاعمال الاستاذ خالد محمود ورددت جنبات القاعة بالتصفيق
وعنك بعيداً أبيت الرحيل وبيك اعتزاز الصباح الجميل
جميع الأغانى اتكالن عليك جميع الأغانى اتكالن عليك
اما المبدعة علا سيف فقد حلقت بنا عاليا مع روائع الراحل سيد خليفة وابكت الجميع وكرمها جهاز المغتربين ومعها هانى اليمنى لحضور المخيم الشبابى فى اغسطس القادم وامتد تكريم الجهاز للمدرسة السودانية بمبلغ محترم من الدولارات
ومع تباشير وساعات الفجر الاولى انتهى الحفل الرائع الذى كرمت فيه الجالية السودانية وفد جهاز المغتربين وشارك فى التكريم رابطة مروى وسنار ونوباتيا والجزيرة وامانة المراة.
وتفرق الجميع وهم يرددون
نسافر ونرجع بلدنا نطوف الريف والمدينة
نفتش لو نلقى زيك يمين زيك ما لقينا
خيالك عائش معانا مع الدفيق والرتينة[/center][/size]
|
العرض العادي
