##دعوة عامة والما بيدخل ذنبه على جنبه##

**معتز زيزي** · 17-04-2006, 21:27

بهذا ندعوكم جميعاً للمشاركة معنا في (سماية) أخونا فنجان جبنة سابقاٌ

عوض مجذوب عبد الماجد (حالياً)

شجراوى · 17-04-2006, 21:32

( العضة العضة )

مليون مبروك وعقبال ( الــ............... ) ولا بتخاف يدقوك ... !!!!

الحقنا يا الدخرى

شجراوى ( الاخضر )

عوض مجذوب عبدالماجد · 17-04-2006, 21:53

زيزي يا لذيذ شكرا ليك ودائما سباق لكن في اكل زي ما بجيبوا معاه بيبسي وانت يا شجراوي جايي وايديك فاضية مالك عليك الله اسمي ده ما بملأ ( الخشم )..... اسمع يا زيزي ما تكلم ناس (الكشيح) يقوموا على حس اللحم ده يتجننوا ..... مليون سلام لفنجاني الرائع المحفور بداخلي

**معتز زيزي** · 17-04-2006, 22:59

حبينا عوض ...
والله قربت أدقس وأكتبها (فناجينو)

حبيبنا (شجراوي) جاءك (ناطي) أول زول شكلوا كدا اليوم ما (أتغداء) ....!!! ولكن لحظه العاثر لقى الوجبة (كبسه) وأنا عارفوا ما بحبها .....لمن كنا بالرياض دائماً ما كان يعرج بي إلى (زقاقات منفوحة) لإتهام الوجبات السودانية .... خلاص كلم ام الدخري تظبط ليهو ملاح (نعيمية باللبن) وباقي الكبسه دي عشان الضيوف جاءيين ......

سودانى · 17-04-2006, 23:12

ما شفتة عوض يا ساري الليل

مبروك الاسم الجديد يا اخونا

ود زيزي والله ما قصرتة

بس ما يكون البتاع دة نعيمي

لانوا دار جعل بحلف يمين ما يدخل يدوا

ابو اسراء · 17-04-2006, 23:42

ودمجذوب
مبرووك والف مبرووك الاسم الجديد لنج يا ملك

ود زيزى
الكبسة ريحتها طاقة بس وين لبن المراعى؟؟؟

النكد ... جا · 18-04-2006, 01:06

عوض ومجذوب وعبدالماجد كمان ....... عشنا وياما ح نشوف

جمانة · 18-04-2006, 11:57

مبروك تغيير الاسم و زيزي سبقني و الله يا( فنجان جبنة) اقصد

يا عوض مجزوب

بتين حنتعود علي الاسم الجديد يا ربي؟؟؟؟

**معتز زيزي** · 18-04-2006, 12:13

اقتباس:

مبروك تغيير الاسم و زيزي سبقني و الله

سبقناك عشان ما تعملي لأبو الدخري دعوة خالية من (الولائم)
تجينا تكتبي ليهو (مبروك) حاف وتشتتشي ...

وفي إنتظار (التحليه) ولا نقوم نحول الموضوع للمنتدى العام ...!!!

جمانة · 18-04-2006, 12:29

ههههههههههههههه

عرفتك حتقول عايز تحلية
هههههههههه

حول الموضوع احسن بس ما للمنتدي العام طبعا

فينك يا قلب ...انت روحتي بلدك و لا ايه