[motr]قصيدة بت الزوات [/motr]
^&)§¤°^°§°^°¤§(&^للشاعر / عادل بعنيب ^&)§¤°^°§°^°¤§(&^
من منطقة السيالة مدينة عطبره محافظة الدامر ولاية نهر النيل
داير اقولك يا بنية الجاية من بلد الزوات
ريدنا مابعرف فوارق مادة ما بتعرف لغات
الا بس عالمكم انتو بحرو عام والزيي مات
والعريس عند اهلك انتي بالمواصفة ما الصفات
***
انتي يابت طينة تانية وما بتلمني بيك علاقة
يا عروسا في خيالي الزيك انتي اكيد طلاقة
زي ونستك دي وكلامك نحنا بنقول انطلاقة
وبنطلونك دا وقميصك بس ولد حتى الحلاقة
الا غايتو نفر سماحتك ما اظن زول زيي لاقة
يا العيونك سمحة لامن علمت قلبي الشلاقة
***
يا بنية القصة اكبر من رصيدك في البنوكة
وشايكة واكبر من حكايةً فوق خشوم الناس تلوكة
انتي زينتك ما شبهنا نحنا ناس مرواد وتوكة
وحتي جلدك زي حريرنا ما جلد بحملو شوكة
تبقو دنيا ونحنا دنيا الا بس ديتنا روكة
***
المسافة البيني بينك بي حساب مالك طويلة
شن بلم كرنك بفلا وديب فريز بي قليلة
انتو ناس بوفتيك وباسطة ونحنا ناس كسرة وبليلة
***
القرش سلطان زمنكم توصلولوا بايي حيلة
ونحنا ما مابينو الا شفنا سكتو مستحيلة
وايي واحد فينا غرضو يغنى ما بين يوم وليلة
الا عندنا شرط واحد ما بنبيع بيه الفضيلة
***
والحرام داك دربو هين وفيهو لو تهنا ومشينا
كنا نسكن في العلالي وكان بيوتنا هجرنا طينا
وكنا في الطيبات شبعنا وبدري فارقنا السخينة
وكنا في الغربات نبدل كان وكان لوكان رضينا
***
الا شان الزول قناعه يبقى شق الحيطة زينة
ويبقى برم السنة زهره ويبقى ريدك زكرى لينا
ونبقى بين الكون دا كلو سبنا عزة روحنا فينا
ونبقى بين العز دا كلو سبنا عزة روحنا فينا
اخوكم : دبورة
.gif)
العرض العادي
