ما عرف لي منو يا شباب بس تكون لي منو

طبزة · 29-08-2004, 19:14

بيكتلنى الأسى

!!..قبال أشوفك

وقبال

العيون الطاشة

!!..ترتاح فى جُروفك

أنا

يا بهجة الأمل المنور

حنين

!!..مندسى فى داخل حروفك

أنا لو شفتى

بس يانى البهاتى

واعانى اللوعه

!!..من حظى ..وظروفك

شن بنسوى

فى قدرن غدرنا

وجمعنا

!!.. بلا تشوفينى وأشوفك

بقيتى حنين

تزغردى فى دفوفى

وانا هيمان

!!.. بنقز ..فى دفوفك

وفى جوف الزمان

مثل الحكاوى

عشقتى الطيف

وانا زيك مهموم

أشابى ليك

واعانق فى طيوفك

جرحتك

فى الهوى

بى حد سيفى

وقلبى الدامى

!!.. بى طعنات سيوفك

وتبكى براك

فى جوف الليالى

وانا ببكى

وأمد الكف عشانك

واحس فى الضُلمه

!!..اتمدن كفوفك

تصورى

كيف تكون الدنيا

لما..

تشوفينى عديل

أنا بى حقيقتى

و انا زيك

حقيقه عديل أشوفك

اللورد · 30-08-2004, 12:45

والله يا طبزة كلام قمة في الروعة

ودا بعكس زوقك العالي .

selvister · 30-08-2004, 15:28

والله قصيدة جميلة ومعبرة

مشكوووووووووووووووووووووووووووووووووووووووور

طبزة · 31-08-2004, 12:51

شكراً يا شباب بس الزهج يولد الابداع في نفس الانسان :
اللورد شكراً كتير يا غالي علي المرور بي القصيدة الغريبه دي :

والله يديك العافية يا غالي.

اخي وحبيبي الغالي : selvister مشكوووووووووووور يا غالي على المرور بي الموضوع .

وتقبل مني كل الحب والتقدير اخي الغالي

عاشق المراة · 31-08-2004, 16:28

الله الله الله

ايه الجمال ده كلو

**طائر النورس** · 02-09-2004, 17:43

الاخ الحبيب طبزة .... كلماتك احسستنا بأنها آتية من جوف انسان بتتقافز بداخله الاحاسيس ونوازع العواطف باحثة عن مخرج وعن مكان تستكين فيه بعد ان تخرج نحمد الله على انها خرجت معبرة عن ما بدواخلك ... ونشكر الله بأننا كنا المكان ال>ى استكانت فيه لنمر عليها باعيننا ونستقى من روعة سلسبيلها العزب ....

دمت لنا دوماً باعثاً للسعد فينا

OmeR4eVeR · 02-09-2004, 19:22

اظهر لينا مواهبك الشعرية يا طبزة
مشكوووووووووووووووووور

طبزة · 16-10-2004, 00:07

لا ادري من اين ابدا ولا ادري مذا اقول لي اصحاب تلك الاسماء التي تجلجل في سماء كل المنتديات اسماء تجعل الانسان يشعر وهوا بين سلاسل من العبق الشعري لا اجد مبرر سوأ ان اقول لكم شكراً احبابي والله ليس موهبه ولاكن نوع من انواع الزهج الزي يتملك الانسان وهوا بعيد عن دار الاهل والاحباب والاصحاب كيف يهدا لي بال وانا بعيد عنهم :

فجاتو اثتقيس في احضانكم لي اجد مكان بينكم فكانت احضانكم هي التي كانت لي ملجاء في غربتي وفي ازمتي وفي كل شي :

انتم اناس يفخر الانسان بهم في كل زمان وفي كل مكان :

شكرررررررررررررراً كتيرررررررررررر اخواني