افيدوني افادكم الله

3ashg hana · 19-03-2006, 14:51

احبتي لكم مني كل الود والتحاية العطر وكامل حبي ..

أريد ان اتحدث عن العلاج وكيفيت التخلص من الامراض بمبالغ لا يستطيع الأ مجموعه معينة من الناس المغتدرة علي العلاج بمبالغ ضخمة ولاكين السؤال هل يستطيع المواطن الفغير من دفع المبلغ المحدد ليتعالج وتكلمة لسؤال هل فعلا" القيمة العلاجية مدعومة ومن طرف الحكومة وهل يمكن ان كان هي فعلا" كما يقال ان تصل بعض الادوية العلاجية مبالغ تفوق تماما" مغدرة المواطن البسيط للحصول عليها وهل لكل مواطع الحق في العلاجة ان لم يكون مستطيع افيدوني علما" في كل يوم هناك مشكلة يجب الوقوف عليها فلتكون مشكلة العلاج هي اولها في هذا الصرح اخوتي ان جاز التعبير هناك من يحتضرون لعدم تمكنهوم من العلاج ولو بي صورة مبسطة افيدوني هل من بصيص امل لهولا الادميون السوداني المسلمين اخوننا الغبش اصحاب اليومية البسيطة ..(لك الله يا وطني )..

لايستقيم الظل والعود أعوج (فكيف الخروج من هذة المحنة )...؟

(ليس لنا الحق في العيش ولغيرنا الموت وهم يصارعون المرض فكن لغيرك قبل ان تكون لنفسك

لكم مني كل التحاية المصحوبة بطلب الرد علي هذا الموضوع لا يهم انا كانت اجابية او سلبية الهم نتبادل الاراء

لكم كل حبي وتقديري

المحقق كونان · 09-05-2006, 15:48

الف تحية لك عاشق هناء وربنا يخليها ايك (قريت جرستك)

ما اعظم ان تحمل هم من هم دونك .... يدل عل روعتك ايها العاشق

ما عظم من يرحم من لا راحم لهم ....... يدل علي رحمة الله ....

الله ما حوجنا وما حوجهم ,,,,,, ويكتب ليهم الشفاء

مافي يا عاشق هناء غير (الله)

ولك الف تحية مرة اخري وافادك الله وافادني

**هشام عوض** · 10-05-2006, 00:32

أبلغ رد على ما جاء أعلاه هو قول أحدهم :

وزراء أمن ..
وزراء صحة ..
ووزراء دولة ..
***
ولا في أمن ..
ولا في صحة ..
ولا في دولة ..
***
في غضون ال37 يوم التي قضيتها بالسودان بعد غياب وصل لستة أعوام ..تأكدت تماماً من صحة المقولة " لو عندك قروش .. تقدر تعيش ملك في السودان ..." ..
المال وحده صار المعيار " لأدمية " .. الزول السوداني ... ليس هذه قناعة فكرية ..ولكن وبكل أسف صارت الحقيقة المرة التي نعيشها في السودان .. أنت تملك المال ..إذن أنت تستحق الإحترام ..
لا يهم من أين أتى ..!! حلال أم حرام !!
عندك قروش تتعالج في أحسن المستشفيات .. " بل قد يصل الأمر لإنك ما تتعالج لأنك أصلاً ما بتمرض !!!!! إلا يكون مرض الخلعة ( الماشفتو في بيت أبوك بيخلعك ) ..أو " مرض التخمة من الكاش .. أو لعنة الدينار الدنيتو هناء وأخرتو ناااااااار " ..
عندك قروش ..تقرأ .. طب.. هندسة.. فلك ..حتى لو كنت أدبي ..وراسب في الشهادة الثانوية .. !! بل ممكن تحضر درجات عليا وإنت متخرج من الثانوية .. قبل ما تكمل سنة ثانية .. بسبب الضعف الأكاديمي !!!!
عندك .. تركب الهواء ..ونركب نحنا التونسية .. وتصاقرنا الملاريا ..أصلو باعوض السجم ده ما بيقرب إلا من الناس الدمها حار ..و أصلو كان ما لقينا القروش والكروش معقول نفقد
" الحرورية " دي ..
وبي ده كلو الله يخلي لينا الدكاترة الإنسانيين .. زي دكتور "..... " أخصائي ومشهور وكشفه بخمسة ألف جنيه فقط .. ويوم ما تدخل عنده تتخيل إنك آخر زول في الكون دخل هناك ...زحمة زحمة ..والراجل صابر صبر أيوب .. وغالباً ما عيادته بتقفل أبوابها بعد الساعة 2 صباحاً ..وعلى فكره هو ساكن أم درمان وعيادته في أبو حمامة ..ولا عندو موبايل ..ولا عربية .. بعد ما ينتهي من شغله في تكسيين موجودين جمب باب العيادة ..والماعندو زبون فيهم بيوديهو بيتو وهو في قمة الإنهاك والتعب .. !!!!
السودان بخير.. لكن خيرو مسرووووووووق ..وكلكم عارفين منو السارقو ... والماعارف أحسن ليهو يتعالج من مرض " عدم معرفتو ده " حتى ولو دفع دم قلبو ...