|
ريماز وفاطمة الزهراء دروس وعبر
كانت ريماز فتاة تبلغ من العمر ثلاثة عشر عام وكانت فتاة لاتعرف الكثير عن الاسلام وعن السنة
والقران فقد نشئت ريماز فى بيت كلة طرب ولعب ولهو وكان الاب مشغول بعملة وشلتة التى يحب
ان يقضى معهم اغلب الوقت فى لعب الورق وفى القصص والبطولات والمغامرات التى قام بها فى سن الشباب وغيرة من الكلام والونسة والنميمية وهتك الاعراض والكلام فى الناس
وكانت الام ايضا ليس لديها عمل غير الونسة والمشاوير والمجاملات خاصة مجاملات الافراح والحفلات من خاصة وعامة وكانت الام كثيرة الشجار مع الاب ونشئت ريماز فى هذا الجو المتشبع
بهذة المفارقات الكثيرة
كانت ريماز فتاة وتدرس فى الصف الثامن اساس وبحيث ان اسرتها تقطن فى بيت ايجار فقد انتقلوا اخيرا وقبل بداية العام الدراسى الى منزل اخر فى احد الاحياء فى مدينة ام درمان ولهذا فقد حولت ريماز الى مدرسة قريبة من المنزل الجديد
وتصادف ان اجلست ريماز فى الفصل الى جانب فتاة اسمها فاطمة الزهراء
فاطمة الزهراء فتاة تلبس الحجاب ونشئت فى بيت الاب رجل لايعرف الا عملة وطريقة الى المسجد
ومن المسجد الى المنزل والام زوجة صالحة نشئت فى بيت دين وادب فقد كانت الام نادرا ما تخرج من البيت الا فى زيارة الى اهلها او فى اداء واجب وكان من عادتها ان لاتخرج الا بعد ان تاخذ الاذن
من زوجها الطيب والد فاطمة الزهراء
فى اليوم الاول من الدراسة وفى فسحة الفطور دار الحديث ا لتالى بين ريماز وفاطمة الزهراء
فاطمة الزهراء ----- السلام عليكم ياختى انا اسمى فاطمة الزهراء وانتى ما اسمك
ريماز -------- اهليين وياهلا بيك انا اسمى ريماز لكن ماما وبابا بدلوعنى ويقولوا لى ريموز
فاطمة الزهراء --------- طيب يا اختى ريماز ريماز دى معناها شنو
ريماز ---------- واللة انا ماعار فة معنى اسمى دى شنو لكن ماما قالت سمعت الاسم دة فى مسلسل مصرى وقالت المسلسل كان حلو بشكل وعجبها الاسم بتاع البطلة
فاطة الزهراء ---------- طيب انتى عارفة ياريماز انا مسمينى على منو من النساء
ريماز ------ ا نا ايوة عارفة فاطمة الزهراء دى بنت سيدنا ابوبكر الصديق مش كدة
فاطمة الزهراء --------- لا ياريماز فاطمة الزهراء دى بنت الرسول صلى اللة علية وسلم
ريماز --------- طبعا انا بدات دراستى فى الكمبونى وكان حصة الدين على كيفينا نحضرها ولا ما نحضرها وعشان كدة انا فى حاجات كتيرة ماعارفها وكنت بحب فى حصة الدين اطلع والعب مع المسحييات باسكت بول
فاطمة الزهراء ------ طيب ياريماز انتى بتصلى ولا ما بيتصلى
ريماز --------- انا ما بصلى وانا ماصغيرة ولما اكبر وابقى عجوزة ببدا اصلى وامشى كمان الحج
فاطمة الزهراء ---------- انتى ياريماز ما عارفة انو الاطفال لما يبلغوا سن السابعة مفروض يبدوا
يتعلموا الصلاة وتبدا البت فى ان تلبس الحجاب عشان تتعود علية وانتى عارفة الكلام دة
ريماز ------ لا انا ما عارفة انو واجب على وفى سن صغيرة زى دى اننى اصلى وانا ماما وبابا قالوا
لمن الواحد يبقى كبير ممكن يصلى ويمشى الحج وبابا وماما هم قالوا بصلوا وبمشوا الحج برضو لما يكبروا ويبقوا عجايز
فاطمة الزهراء ----- طيب ياريماز الواحد مننا ممكن يضمن نفسو يعيش حتى يوم بكرة ا و يعيش
تانى خمسة دقائق او حتى دقيقة واحدة
ريماز ---------- طبعا انا ماشايفة فى اى سبب انو الواحد مايعيش لبكرة ولا بعد بكرة يعنى هسع انا ما صغيرة وعمرى ثلاثة عشر عام وصحتى اهو زى البمب وماعندى اى حاجة ولامرض ولا حتى وجع راس لية ما ممكن اعيش وراينى سبب واحد بخلينى اموت ولا ما اعيش لبكرة
فاطمة الزهراء ------- ايوة طبعا ياريماز ممكن كمان ما تصلى البيت من المدرسة وتموتى فى السكة وممكن تضربك عربية فى الشارع ولا فى اسباب كثيرة ممكن تموتى بيها ياريماز
ريماز -------- انا ذاتى ما قاعدة امشى جنب شارع الزلط ولابقطع لى شارع زلط و قاعدة اصل الى البيت با لشوراع الجوة الحلة
فاطمة الزهراء ----- اسمعى ياريماز لو ربنا كتب ليك تموتى بصدمة عربية ممكن العربية تجى جوة بيتكم ومحل انتى موجودة وتقتلك انتى وبس عارفة الكلام دة ولا ماعارفة
ريماز ------- وللة دى قصة غريبة انتى بتقولى لى فى كلام غريب وانا عمرى ما سمعت بحاجات زى الكلام بتاعك دة ومعنى الكلام دة شنو يافوطمة
فاطمة الزهراء ----- اولا ياريماز انا اسمى فاطمة الزهراء ومش اسمى فطومة واسمى بحبو شديد
وماعايزة اى اسم تانى بدلو ومعنى الكلام دة ياريماز انو هناك شى يسمى الايمان وهو اجز اء كثيرة ومنها الايمان بالقضاء والقدر خيرة وشرة ومتين الزول يموت وكيف الزول يموت ووين الزول يموت
ريماز ---- اسمعى يافاطمة ماتزعلى منى انا بس كنت دايرة اديك اسم د لع لانو اسمك دة طويل بشكل واسم قديم لكن معليش انا متاسفة وبعدين انا عمرى ما سمعت بحاجا ت زى دى فى البيت
ولا من ماما ولا من بابا
فاطمة الزهراء -------- طيب ياريماز انتى ما عندكم قنوات فضائية وبتحضرى قناة اقراء وقناة الشارقة
الدنيية والقنوات العلمية
ريماز -------- ايوة نحن عندنا ديجتل وفيهو قنوات كثيرة خالص ولكن ا ليوم كلوا نحن فاتحين قنوات
روتانا واخواتها وقنوات الفيديو كلبات الغربية والعربية وحاجات حلوة بشكل يجنن
فاطمة الزهراء ------ نحن ياريماز برضو عندنا ديجتل ولكن قاعدين نشوف فيهو القنوات الدننية زى اقراء وزى قناة الشارقة الدننية وبنشوف الاخبار وبنشوف مرات افلام الكرتون وانا بحب قناة اقراء
ريماز -- لكن ماما وبابا قالوا مرة لود خالتى كان بايت معانا وهو عمروا قدرى كدة قال داير يحضر قناة
اقراء وبابا وماما كانوا بحضروا فى فليم حلو بشكل وقالوا ليهو قناة اقراء دى مشفرة عندنا وصحى هى مشفرة يافاطمة الزهراء
فاطمة الزهراء ------ واللة ماسمعت بكلام زى دة قبل كدة ولكن شوفى انتى لما تلقى فرصة احضرى القناة دى وفيها فائدة كثيرة ليك
ريماز ------ هى قلت لى اسمها شنو قناة قرى ولاشنو عشان اكتب اسمها
فاطمة الزهراء ------- القناة اسمها قناة اقراء
ريماز ---- طيب يافاطمة انتى ماصغيرة وحلوة شديد وشعرك طو يل شديد وحلو وانا يو م داك شفتك لما اتوضيتى وطلعتى الطرحة من راسك وشعرى اطو ل من شعرى وانا مفتكرة انك لابسة الطرحة عشان شعرك قصير وما حلو وخشن كمان وانتى ماعمرك زى عمرى ماتخلى شعرك ساكت مثلى
فاطمة الزهراء ------- ياريماز انا مغطية شعرى لانو البنت مفروض من ما تبلغ ويكون عمرها مابين عشرة سنوات الى ثلاثة عشر عام يجب عليها ان تلبس الحجاب وتغطى راسها وليس ما البسة
اسمها طرحة الاسم الصحيح الحجاب وانتى برضو ماعارفة كدة ولاشنو
ريماز ----- انا تصدقى ماعارفة كدة لانو ماما وبنات اهلى الكبار بمشوا الاعراس والمناسبات وشعرهم مفكوك وبلبسوا التوب ومابختوة حتى التوب فى راسهم لانو قالوا بخرب التسر يحة
بس بخليوة مرمى فى الكتف ساكت
فاطمة الزهراء ---- عليك اللة ياريماز صحى الكلام دة ولا انتى بتكذبى على وقاعدة تضحكى وتهزرى معاى وجد جد كلامك دة
ريماز ---- انا ما قاعدة اهزر معاك جد جد كلامى القلتو ليك وهسع الاسبوع الجاى عندنا عرس فى
النادى السورى وممكن تمشى معانا وانا عازمك وكمان عشان تشوفى كلامى جد ولا هزار
فاطمة الزهراء --- انا مابقدر امشى معاك لانو الاختبارات الشهرية قربت ودايرة اقراء وبرضو انا ماعندى معرفة با اهلك وما فى معرفة بين اسرتك واسرتى الى الان ولايمكننى ان اذهب معاكم
ريماز ------ طيب يافاطمة انتى ماتقولى لناس بيتكم وقولى لماما انك جاية تقرئى معاى وانا ممكن امشى معاك يوم العرس واكلم مامتك واقول ليها خلى فاطمة تمشى تذاكر معاى فى البيت
ونمشى بعد داك العرس وفى الليل نحن بنوصلك الى بيتكم
فاطمة الزهراء ---- اولا ياريماز كان امى كان ابوى ما بعرفوك عشان من اول يوم يخلونى امشى
وادرس معاك وثانيا انا ما ممكن اكذب على اهلى او على اى انسان لان الرسول قال المسلم لايكذب ابدا ابدا
ريماز ----- لكن يافاطمة دى ماكذبة بيضاء وما فيها حاجة وانا طوالى قاعدة اسمع فى الافلام المصرية انو الكذبة دى بيضاء وحتى ماما مرات بتكضب على بابا وصديقتها وبتقول دى كذبة بيضاء
ذهبت فاطمة الزهراء الى المنزل وحكت كل الحصل بينها وبين ريماز الى امها وابوها وحكت اليهم بالتفصيل ا لمملل الحاصل
فما كان من الاب الا ان ذهب فى اليوم التالى مع فاطمة الزهراء فطلب من المديرة ان تحول ابنتة
من الفصل الخنساء الى الفصل الثانى اسماء وعندما سالتة السيدة المديرة عن السبب قال لها وبطريقة دبلومسية ان الفصل الثانى يقال انة اقوى
وهكذا قفلت الفتاة الذكية فاطمة الزهراء الباب الذى ممكن من خلالة تجيب الريح والمشاكل الى نفسها والتى تبدا با لكذب وشوية شوية الى ان يقع ما لايحمد عقباة فى حياة الفتاة والسبب الصديقات والحكايات والمغامرات والتقليد والكذب على الاهل
وهكذا تكون التربية فكلنا قدنرى الفرق بين البنات الاثننين والعاقل من اتعظ بغيرة من الناس والقصص وارجو ان اكون قد وفقت فى القصة الى من الممكن ان يستفاد منها فى التربية الى الابناء
وخاصة البنات فى هذا الزمان
ولكم الشوق والود والحب
مع تحيات اخوكم
نور الاسلام مصطفى بن نور
فا
|
العرض العادي
