ما أجمل أن تقابل قبل الفجر
تبتعدين
تتعرين
تقتربين
تتحدين
يتساقط عرقي ما أروع أن نتقابل كل مساء
أصبو
أحنو
أترنح
يتبلد عرقي تبتسمين ما اجمل أن يولد الطفل الآن
.......لا ترتبط احلام الشباب بالهجرة والاغتراب فحسب وانما (حياتهم) ترتبط بالفرار
للغربة نافذين بجلودهم من جحيم (العسكر) الذى لا يطاق.....!
كيف لا يهاجر من لا يجد قوت يومه ..؟؟ من لا يجد العلاج ؟؟ من لا يجد الكساء..؟؟
وان كانت معظم الهجرات للخليج لا تحقق اى احلام حمراء او بنفسجية وانما تحقق
الحد الادنى للحياة فقط........!!
عزيزى النورس ......نحن شعب يعيش تحت خط الفقر (بامتار) كثيرة و(العسكر) يسرقون
بلاده .........!!!!.
.......نحن شعب (الباعوض)هو فراشات داره ونجفة السقف(عنكبوت).........!!!!!
شكرا ليك يا طائر النورس على مواضيعك المتجدده والدائما بتتحفنا
المشكلة يا طائر النورس في الزمن ده انو الاجيال الجديدة في السودان طلعت اجيال اتكالية (لانو اباء الاجيال الجديدة دي معظمم مغتربين زي ما انتا ذكرتا سابقا) فعشان كده معظمم ما عندوا ارتباط وثيق بالسودان وما حاسي انو السودان قدم ليهو شي ، فعشان كده كلو زول في الاخر بيقول يا روحي وليه انا اضحي واحاول اجتهد واقعد واطور البلد (يعني انا ال حأغرق المركب) خلي ديل ازا اصلا اولاد السودانيين الحقيقين بيعتبروا انو السودان ما قدم ليهم حاجة عشان كده بيحاولوا يتخارجوا عشان يلقوا الحاجة دي في حتة تانية، وللأسف بيقا اي واحد داير يصل للراحة والثراء السريع بدون مجهود يذكر.
والله موضوع الاغتراب انا معك في ان الغربة هي صعبة شوية علي فئة الشباب او اي كان لكن هنالك سلبيات وايجابيات تتمثل في مستقبل الشخص حيث اري با ن هنالك فئة ذهبت من اجل هدف وحققته واخرين ا اتوا خالين الوفاض وايضا ان الهجرة اخذت الكثير من العقول لانو ناس البلد همشوهم وعشان كدة الواحد افكر يعمل خارج السودان ويجد اناس يحترمون خبرته
الرائع طائر النورس
تحياتي لك
انت تدق على الوتر الحساس
وتطرح السؤال الكبير لماذا لا نحقق احلامنا الا بالهجرة والاغتراب؟
وايضا السؤال المهم ما هي احلامنا وطموحاتنا؟
وايضا كيف تنبني احلامنا وطموحنا؟
والمزيد المزيد من الاسئلة
شكرا لك ايها النورس فانك تفتح نافذة علها تسمح للضوء بالدخول فينا.
احبتى الغوالى
الحلبى - المسافر - رياح الشمال - على حسين
مروركم كان بمثابة انتعاش لفكرة ( الحلم والواقع ) ففعلاً كما جاء فى كلماتكم البليغات فى انه هناك ظروف دافعة واوضاع مظلمة تعتم علينا واقع تواجدنا وتجعلنا ننشد الفرار والولوج الى عوالم الاضواء حتى نتعمعم بفيض امنيات خلناها لانفسنا وكى نحقق لانفسنا مستقبل ناصع البياض نرجوه .... ولكن تبقى دائماً قائمة تلك النار التى تعقب الحلاوة وهى فقد الاشياء المعنوية التى لا تعوضها اموال الغربة مهما كانت ....
اقتباس:
تمنياتنا لجميع المغتربين بالعودة إلى ديارهم سالمين غانمين
ربنا يستجيب دعوتك يالحلبى
اقتباس:
كيف لا يهاجر من لا يجد قوت يومه ..؟؟ من لا يجد العلاج ؟؟ من لا يجد الكساء..؟؟
وان كانت معظم الهجرات للخليج لا تحقق اى احلام حمراء او بنفسجية وانما تحقق
الحد الادنى للحياة فقط........!!
اتمنى يالمسافر ان نحقق الحياة الادنى للحياة داخل بلادنا وحسبى انه لو قنع الانسان بما لدية من قدرات ووظفها التوظيف الصحيح داخل هذا الوطن لوجد اكبر من الحد الادنى للحياة .
اقتباس:
الاجيال الجديدة في السودان طلعت اجيال اتكالية (لانو اباء الاجيال الجديدة دي معظمم مغتربين زي ما انتا ذكرتا سابقا) فعشان كده معظمم ما عندوا ارتباط وثيق بالسودان وما حاسي انو السودان قدم ليهو شي
كلام جميل جداً يارياح الشمال وفعلاً الاجيال الجديدة دى بتشوف ان المسؤال منها ( الشخص المغترب دة ) هو المعيشها وهو البنفق عليها ... وبكدة اترسخ فهم عندهم ان السودان دة مافيه شئ او بلد معدم لايحققون فيه اى شئ او لا يقدم لهم اى شئ لان قدوتهم مغترب فلذلك كل يكون فهمه فى ان يغترب حتى يحقق حياة كريمة ينشدها وكل فرد فيهم يقتدى بقدوته فى الفكر لذلك يتطبع وينفطر منذ الصغر على الترحال والهجرة .
اقتباس:
هنالك فئة ذهبت من اجل هدف وحققته واخرين ا اتوا خالين الوفاض
وهنا تكمن المشكلة ياعلى الحسين فى انه يمكن ان تكون الغربة حلم تحقق ويمكن ان تكون آمال تحطمت ... وفى الحالتين تكون سنين فقدت من العمر وحتى ان تحقق الحلم فيمكن ان يتحقق بعد فوات الاوان او يصبح طعمه مسيخ ومامستساغ .
اخى ود الصول
وهذا هو مارميت اليه ان نتدارس ونتداول افكار بعضنا البعض عشان نطلع باطروحات وحلول يمكن بها ان نعزف عن الاغتراب ...
وان شاء الله قريباً تكون العودة لكل الطيور المهاجرة لعش الغناوى طوعية لا جبرية او قسرية
