سلامات يا أخضر ..!!!

**معتز زيزي** · 07-03-2006, 20:58

تعرض مشرفنا السياسي (شجراوي) لوعكه صحية ألزمته سرير المرض منذ يوم الجمعة الماضية ولكن والحمد لله قام بالسلامة وها هو الأن بيننا بعد أن تماثل للشفاء (سلامات يا كابتن)...

-تخريمة- بدات أعراض الحمى تظهر عليه بعد قام باداء بعض التمارين الرياضية (جكه) مع كل من (عباس ريري و الكتيابي) مساء الخميس الماضي بمدينة الرياض علماً بأن الكوتش (هشام عوض) ركز في التمرين على تمارين (الكرشه) أقصد (تمارين البطن) .... مما دعا (فنجان جبنة) لتحضير وجبات دسمه إلتهمها الثلاثي (ريري ، الكتيابي وشجراوي) في منتصف الليل في محاولة منه لتخفيف معاناة التمارين الشاقة .... شكراً (فنجان جبنة) وسلامات يا كابتن (شجراوي) ....
مع العلم أن أخونا (عمري أنا) تخلف عن التمرين .... (عملتها ظاهره يا كابتن) ...

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،

**رغــَــد** · 07-03-2006, 21:27

ألـــــــف لا بأس عليك .. أيها الأخــــضــــر... وان شاء الله أجر وعافية.. وحمد لله على السلامة..

لكن قصة غريبة خلاص..
ناس بتتريض... (شجراوي وريري والكتايبي)
وناس بتدرب بدون ما تتريض ... (هشام عوض)
وناس لا بتتريض ولا بتدرب ولا بتتفرج حتى ... (فنجان جبنة)
وناس بتراقب ... (المراقب زيزي)
وناس شفوت ... (عمري انا)

أحييكم ياشباب على العمل الجماعي دا ... يديكم العافية... !!

ابو اسراء · 08-03-2006, 10:17

الاخ المشرف /شجراوى الاخضر
الحمد لله على السلامة وانشاء الله ما تشوف شر
وبطلب بأقالة الكوتش وتعيين كوتش جديد يتفهم امكانيات ومقدرات اللاعبين مش يرهق هم اكثر من اللازم وبعدين السفسفة الجابها فنجان دى براها دايرة لياقة ولازم كان يعمل حساب ليها

ويديكم العافية يا شباب

شجراوى · 08-03-2006, 12:46

الثلاثى الرائع زيزى ورغد وابواسراء .... سلامات يا غالين ...
(حمى ) وعدت ويبدو ان عامل السن قد بدأ يلعب دوره ...

لكم الشكر عن سؤالكم عنا

شجراوى ( الاخضر )

عوض مجذوب عبدالماجد · 08-03-2006, 16:47

ياخي بعد الشر عليك .... سلامتك و عمري انا كرامتك ، لكن يارب ( عمري ) انا ولا ( عمري انا ).

عمران عامر · 08-03-2006, 19:42

هههههههههههههههههههههه دقيقة دقيقة يا شباب أولا أنا كنت بعيد جدا منهم ولما حكيت ليهم عذري هشام ده ضحك علي واسع يا هشام بقول ليهم كلامك لكن ما في داعي ، بعدين يا شجراوي يا خوي انت خلالالالالالالالاص ما تخليني أمرق الفضائح بس حاسب على عمر النبوة ، فنجان جبنة تعال هنا انت كنت وين وبعدين شنو الخيانات دي البتعمل فيها دي تجيب الحاجات من ورانا صبرك على لما أجيك في البيت إلا ام العيال تدخل واسطة بينا .

يا رغد أيوا تفتيحه أنا بلعب بعمري مع المنظراتيه ديل ههههههههههههههههه اتاريهم طلبوا مني أجيهم بطلب بس أنا كان غيرت راي من الحضور بس بكره باذن الله أوريهم التمارين الصاح .

وربنا يديكم العافية يا أحلي مجموعة من الناس التقت واجتمعت على الحب والإخاء الصادق والذي يراهم وهم يتمازحون يظن بأن المعرفة بين هؤلاء الشباب تمتد لعشرات السنين وفعلا باذن الله تمتد لباقي العمر . بس عباس ريري ده يبطل يعمل فينا نظرياته البسويها لينا أنا ومعتز زيزي في شقته ههههههههههههههههههههههههه .

مع حبي

البـــ الحديقة ـــت · 09-03-2006, 00:58

يا اخضر

الف سلامة عليك وان شاء الله لا تشوف شر لا شين
وحمد لله على سلامتك
بس بالله حافظ على التمارين بتاعت الرشاقة دى مفيدة جد ليك

عمرى انا

تخلف عن التمارين عشان كبة الزوقة ومشى لى هناية قال تمارين شنو النشوف نفسنا الاول هههههه
بالله دق الصفايح وطلعا ا لفضايح

**معتز زيزي** · 09-03-2006, 12:39

اقتباس:

بس بالله حافظ على التمارين بتاعت الرشاقة دى مفيدة جد ليك

أنا زاتي قلت ليهو كده ....

اقتباس:

عمرى انا

تخلف عن التمارين عشان كبة الزوقة ومشى لى هناية قال تمارين شنو النشوف نفسنا الاول هههههه

طيب ما تقول لينا كدا يا عمري من الأول ... يعني كان في داعي للفضائح دي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،

عاشقة السودان · 09-03-2006, 15:00

سلامات يا شجرواي ان شاء الله ماتشوف شر وان شاء الله دايما في رعاية الله

سلااااااااااااااااااااااااااااااااااام