مواجهات ومقابلات جريئة وصريحة بين (الشباب والبنات) .. أدخلوا وشاركوا ..!!!

**طائر النورس** · 05-03-2006, 18:49

احبتى الغوالى
ان هناك بعض الصفات والتصرفات التى يقوم بها البنات ونحن الشباب نراه انها اشياء منفرة او مامقبولة بالنسبة لنا .... وايضاً هناك بعض التصرفات والأفعال التى نقوم بها نحن الشباب يروها البنات بأنها افعال مامحببة بالنسبة اليهن ... او هناك اسئلة عامة يحب الشباب توجيهها للبنات وبالعكس ...
انا هنا احب ان اطرح هذا الموضوع وليقوم كل شاب بذكر صفة او فعلة لا يحب مشاهدتها فى البنات او طرح اى سؤال عام موجه اليهن وكذلك تقوم اى بنت بطرح اى تصرف تراه منفراً او ماجميلاً يتصرفه الشباب او اى سؤال عام يوجه اليهم ...
ويستخدم كل شاب فى رده حقه كمحامى عن بقية الشباب فى الدفاع عنهم او اثبات التهمة عليهم وايجاد الحلول لتغيير ذلك التصرف المعين وكذلك كل واحدة تكون فى ردها محامية لتدافع عن بنات جنسها فى التهم الموجهة اليهن من قبل الشباب او توافق وتؤمن على الاتهام وتذكر لنا الحلول للتخلص من هذا الفعل الماجميل ...
احبتى ارجو من الجميع المشاركة عشان نشوف شنو الصفات المابحبوها الاولاد فى البنات وماهى الصفات المابحبوها البنات فى الاولاد او اى سؤال يحب اى طرف طرحه للطرف الآخر ..!!!
ملحوظة : كل رد بكون قابل للتعقيب والمناقشة.

وابدأ انا بالاتهام الاول للبنات :
* ليه البنات عندنا قليلات الاهتمام بالرياضة سواء ان كانت من ناحية المشاهدة او الممارسة ؟!

مشمشه · 05-03-2006, 21:02

**طائر النورس** · 06-03-2006, 18:03

الجميلة المبهرة مشمشة
شكراً على المرور وكما عودتينا دوماًً بأن يكون لتواجدك فى اى موضوع له مزاق يحمل خاصية الطعم الفريد ..
اذاً انتى تنفى الاتهام وتؤمنى على ان الكثير من الفتيات السودانيات يحببن الرياضة ويتوقن الى ممارستها بل وابعد من ذلك فى انهن يمكن ان يحضرن حتى المباريات ولكنك ترى ان الاشكالية فى عدم اتاحة الفرصة لهن وعدم وجود الدور الخاصة بهن التى يمارسن فيها الرياضة وعدم وصول العقلية المسؤلية الى القناعة بأن ( تدخل بنت الاستاد ) وتحضر مباراة كرة قدم او حتى الوضع العام السودانى لسة ماوصل لان يتفهم النقطة دى ...
طيب دة دفاع اختنا مشمشة عن بنات جنسها فى الحتة دى وهو دفاع مقبول ...

لكن ماوريتينا سؤالك شنو للشباب او الظاهرة المابتعجبك فيهم ؟؟

ونواصل احبتى وياللا نوجه اسئلتنا ونطرح الاتهامات الموجهة من كل طرف للطرف الاخر ولكل طرف ( حق الرد ) على الطرف الآخر ..!!

**AyMaN** · 06-03-2006, 18:17

احييك على الطرح يا نورس

موضوع حيوي وجميل .. وفكرتو لذيذه

سؤالي .. لنوعيه معينة من البنات .. طبعاً ما كلهم

ليه ما بتحبو عاداتنا القديمة
الجرتق + الحنة + لبس التوب وحتى الجلابية في الرجال ووو

؟؟؟

مقياس التواصل · 07-03-2006, 20:41

اكثر ما يضايقني في البنات .. المبالغة في المظهر وحب الظهور .. ومسألة احب اسألهم ... حكاية البوس دي جبتهوها من وين ؟؟ غايتو ما أظن حبوباتنا لما يتلاقو كانو بيعملوها !!!!!!!

**طائر النورس** · 08-03-2006, 15:37

اها يااخواتنا العزيزات
ديل سؤالين ( مسخنات ) من اخوينا ايمن ومقياس التواصل
ياللا نشوف مين الحتدافع عن البنات وتبرر هذه التصرفات وتجاوب على التساؤلين المطروحين او واحد فيهم ... ولو فى اضافة اسئلة من الاخوان برضو يتفضلوا

bintalbadia · 05-05-2006, 14:43

غايتو يا أيمن انا ما عارفة انت الكلام دا جبتو من وين لكن انا من المؤيدين تماما لعاداتنا الجميلة ولو في معارضة حقو تورينا رأيها

3ashg hana · 05-05-2006, 17:38

الجميل (طائر النورس) حقيقة موضع جميل جدا"
وأنا اجد فيها فرصل لنتبادل كل ما هو جميل من الطرفين ونخرج بحصيلة مفيدة للجنسين
بس أن اتمناء انو يكون الطرح صريح وجادي لنخرج بثمارة طيبة
أن عندي سؤال لاكين كدي بالأول نشوف رد للكم سؤال بتعين الاخوان السبقوني
بس شكلو كدة البنات ديل نايميييييييييييييييييييييييين ولا عملو (نايمين )ما عارف
يلا شباب لينة رجعة لو ربنة هون (انشاء الله )
لك التحية (طائر النورس) الجميل

غفران · 05-05-2006, 17:48

النورس العزيز مشكور على موضوعك الراقى جدا

اما عن سوال العادات الجميله مااظن انو هناك من البنات من تكتمل فرحة زفافها بدون الجرتق

والدليل انو حتى السودانيات فى امريكا برسلو لى احضار حطب الدخان ولوازم الجرتق من السودان

والتانى حكاية البوس دى تقليد اعمى ومافيها اى نوع من انواع الحب والشوق وهذا راى الشخصى