مواجهات ومقابلات جريئة وصريحة بين (الشباب والبنات) .. أدخلوا وشاركوا ..!!! - الصفحة 3

السمحة · 30-05-2007, 21:23

ليس بالضرورة ان ترغب الفتاة ان تكون الاخري ولكننا في بحث دائم
عن الافضل يعني اي واحدة ممكن تعجب بتوب لابساه واحدة تانية
او تسريحة مختلفة وما بالضرورة انها تقلدها ممكن انها تحاول
تصلح من نفسها باعتدال وفي بنات ما عندهم ثقة بالنفس او
قدرة علي الابتكار والتغيير وديل فئة بسيطة .......
سوالئ للشباب لماذا قل الطموح لديهم وليه نسبة العطالة
اصبحت رهيبة بالشكل ده؟؟؟؟؟؟؟
وليه معظم الشباب بيكونوا معظم الوقت في النت او قاعدين
في الشارع قدام البقالات يعاكسوا البنات رغم انهم بنات حلتهم
وليه كل العلاقات العاطفية عندهم ما جادة يعني سنوات طويلة من المواعيد
واللقاءات وفي النهاية الواحد يرفض يتزوج من البنت البتحبوا وانتظرتوا بحجة
نوا ما ممكن يثق فيها لانها اتنازلت وكذبت علي اهلها وقابلتوا من وراهم
ده اذا كان ناوي يتزوج اصلا او عندوا الطموح انوا يكون اسرة ..وليه بعض
الشباب وصلت بيه الجراة انوا يرفع صوته علي امه ويتجادل معاها لو سالتوا
عن سبب تاخيره باليل ويطلع الصباح عادي بدون ما يعتذر ليها
امثلة كثيرة وده ما معناه انوا مافي شباب صالح ولكن بنسب اصبحت
بسيطة اتمني اجد اجابات وليس استنكارات ورفض ونكران لصور اصبحت
ظاهرة مخيفة...

الصريح · 30-05-2007, 23:06

اقتباس:

سوالئ للشباب لماذا قل الطموح لديهم وليه نسبة العطالة
اصبحت رهيبة بالشكل ده؟؟؟؟؟؟؟

الاخت السمحة بعد التحية والسلام:

الطموح لم يقل لدينا ولكن لا يوجد اصلا شئ لنعمل به فقد اصبح طالب كلية الطب

الذي تخرج بأمتياز تلقاه ما لاقي شغل عشان يشتغلو.....تلقيهو شغال بتاع اورنيش ولا اي حاجة

والكلام دا ما في السودان بس تقريبا في كل الشرق الاوسط والكلام دا ما يعني اننا ما عندنا طموح...

اقتباس:

وليه معظم الشباب بيكونوا معظم الوقت في النت او قاعدين
في الشارع قدام البقالات يعاكسوا البنات رغم انهم بنات حلتهم
وليه كل العلاقات العاطفية عندهم ما جادة يعني سنوات طويلة من المواعيد
واللقاءات وفي النهاية الواحد يرفض يتزوج من البنت البتحبوا وانتظرتوا بحجة
نوا ما ممكن يثق فيها لانها اتنازلت وكذبت علي اهلها وقابلتوا من وراهم
ده اذا كان ناوي يتزوج اصلا او عندوا الطموح انوا يكون اسرة ..

الشباب القاعد في النت بيتقسم الي 3 اقسام:

نمرة واحد:الشاب البيقعد في النت مرات بيقعد عشان بفتش لي وظيفة مرات مرات

ودا طبعا ما بتدري تولميه...

النوع الثاني:الشاب البيقعد في النت بي غرض التسلية وتضيييع الوقت

ودا طبعا اصلا منهي لأنو عارف ان ابوه عندو ثروة ومافي جدوة اني يشتغل

النوع الثالث:

الله يحفظكم الشاب الصايع الضائع الصعلوك مع كل احترامي اخوتي الاعزاء

الشاب الي بيدخل النت بغرض المتعة الحرام البيدخل عشان يشاهد

الافلام الخليعة...ودا النوع الفاسد من الشباب...

ود هو النوع البيعمل كل المصائب من معاكسة واي شئ....اجاركم الله

سامحوني اخوتي علي استخدام هذه المفردات

اما عن العلاقات العاطفية فدا بقي حال الاغلبية العظمي

اقتباس:

ولكن هذا لا يعني انه يوجد هنالك شباب جادي في العلاقات العاطفية...
الشباب وصلت بيه الجراة انوا يرفع صوته علي امه ويتجادل معاها لو سالتوا
عن سبب تاخيره باليل ويطلع الصباح عادي بدون ما يعتذر ليها
امثلة كثيرة وده ما معناه انوا مافي شباب صالح ولكن بنسب اصبحت
بسيطة اتمني اجد اجابات وليس استنكارات ورفض ونكران لصور اصبحت
ظاهرة مخيفة...

الشباب الايام دي عاوز يثبت انه راجل مع انه فاهم غلط مفهوم الرجولة

الرجولة هي تحمل المسؤلية قدام الابوين ..,الشباب فاهمها انه تاخر

وانه يجي البيت صلاة الصبح....في النهاة اختي اريد ان اثبت لك ان في

النهاية ومع كل هذه الامثلة هناك الشاب الصالح في كل هذه النواحي...

وارجو ان اكون قد جاوبت علي تساؤلاتك..

سؤالي للبنات هو....؟؟

ليه البنت دائما لمن تكون جميلة بتكون مغرورة وما شغالة لي زول يعني ((راكبة عالي))

ودائما امير احلامها لازم يكون رجل اعمال او زول مرموق وما بترضة للقسمو ليها ربنا...

ودمتم اخوتي...

salahnasr · 31-05-2007, 21:48

مع ان البنات مش عاوزة تجاوب بس احب اسال لية البنت بتحب دايما تدارى سنها الحقيقى وبتتعمد تصغر نفسها مع ان كل سن ولة رونقة وجمالة ...........................
صلاح نصر

الصريح · 03-06-2007, 04:41

الي جميع الاخوات في المنتدي لماذا لم تجيبو عن الاسئلة التي طرحها الاخوان
البرق وصلاح نصر وسؤالي...
هل السبب ان رأنينا صحيح ونحن اردنا منكم التصحيح فوجدتم ان افتراضاتنا صحيحة
فلم تريدو الاجابة ام ماذا...هل السبب انه لا يوجد جواب...اكيد لا يوجد جواب
ولكنكم ليس لجيكم الجرأة للأجابة نعم...نعم هذه هي الاجابة ليس لديكم الجرأة
الكافية لكي تجيبو عن هذه الاسئلة الواضحة التي تثير تساؤل الاخوان الاعزاء...

تولستوي · 03-06-2007, 11:14

أتمنى ألا يكون سؤالي هذا قد ورد..

في اختيار شريك حياتك على أي أرضية تؤسسين؟

يا ريت الأجوبة المعتادة ما أسمعها .. لأنها في غرارة الأنفس النسائية ، بعيدة جداً.

السمحة · 06-06-2007, 22:30

اقتباس:

المشاركة الأصلية كتبت بواسطة salahnasr

مع ان البنات مش عاوزة تجاوب بس احب اسال لية البنت بتحب دايما تدارى سنها الحقيقى وبتتعمد تصغر نفسها مع ان كل سن ولة رونقة وجمالة ...........................
صلاح نصر

فعلا كلامك صحيح البنت لمن تصل لمرحلة معينة
من العمر بتفضل انها تخفيه بس ما في كل مراحلها
وخاصة لو اتعدت الثلاثين وما اتزوجت ودي حاجة نفسية

السمحة · 06-06-2007, 22:49

اقتباس:

المشاركة الأصلية كتبت بواسطة تولستوي

أتمنى ألا يكون سؤالي هذا قد ورد..

في اختيار شريك حياتك على أي أرضية تؤسسين؟

يا ريت الأجوبة المعتادة ما أسمعها .. لأنها في غرارة الأنفس النسائية ، بعيدة جداً.

اختيار شريك الحياة للاسف غير متاح بالنسبة للفتيات
لاننا دائما مختارات في انتظار الرجل ليقوم بلخطوة الاولي
ويختار الفتاة بمواصفاته هو ..
اما فارس الاحلام فاي فتاة تتمني ان تعثر علي الحب فقط الحب
والامان والاحساس الكامل بالاستقرار والدفء الاسري والتفاهم والفهم
والوعد الصادق باستمرارية الحياة بهدواء وسعادة...
اؤكد لك ان تلك الامنيات في غرارة معظم الانفس النسائية اما الباحثين
علي الفيلا والسيارة فهم شواذ القاعدة...

ميرفابي · 07-06-2007, 01:00

يا شباب البنات ديل بعانو من عدم موضوع تقيل لانو الواحدة اوما هي البتسو اي حاجة وبالتالي عندون سطحية في مايرغبون معرفة بس محتاجين اعرفو الموضة والاغاني الجديدة والشمارات لانو اصلاً ما بحتاجو انون اكون جادات وحقيقة الاسر السودانية بتهمش البنات في حاجات كتيرة واراهم بتكون في حاجات محدودة وانا برا انو وضعون سيء اتمني انو يكون افضل من الناحية الفكرية عشان تصرفاتم فعالة ومنا فايدة مش مجرد تصرفات لفت الانظار والانتباه ومحاولة التميز الغير منطقية

HimOvicH · 08-06-2007, 19:56

فعلا!!!!!!!!!!!

تولستوي · 12-06-2007, 10:22

اقتباس:

المشاركة الأصلية كتبت بواسطة السمحة

اختيار شريك الحياة للاسف غير متاح بالنسبة للفتيات
لاننا دائما مختارات في انتظار الرجل ليقوم بلخطوة الاولي
ويختار الفتاة بمواصفاته هو ..
اما فارس الاحلام فاي فتاة تتمني ان تعثر علي الحب فقط الحب
والامان والاحساس الكامل بالاستقرار والدفء الاسري والتفاهم والفهم
والوعد الصادق باستمرارية الحياة بهدواء وسعادة...
اؤكد لك ان تلك الامنيات في غرارة معظم الانفس النسائية اما الباحثين
علي الفيلا والسيارة فهم شواذ القاعدة...

السمحة

الرفض أو القبول؛ خياران

إجابتك ولدت سؤال آخر، وقبل الخوض فيه .. تأكيدك على أن القاعدة تبحث عن الأمان والاستقرار.. إلخ؛ ودمغ الباحثات عن غير ذلك بالشواذ استثناءاً، لا أويده وأظنه عكس ذلك، فالشباب اليوم عازف عن الزواج، بسبب السيارة والفيلا، وطلبات أهل العروس إن لم تكن العروس نفسها. ولن أجزم بأن هذه هي الإشكالية، ولكني لست مؤمناً بما تقولين، فأغاني البنات دوماً تعبر عن ما يجيش في د