موضوع مبالغة وبالجدي يانورس انا من البنات العايزة اعرف شنو الحاجات الما تعجب الولد في البت اما عن الرياضة اذا كنت بتقصد الاندية والاستاد بتاع الكورة انا معاك في شريحة كبيرة من النساء بتحب الكورة وبتمنوا انو يحضروا كورة حية في الاستاد بس من ناحية رياضة رياضة فبالعكس في صحوة جديدة وظاهرة بدت تنتشر في اوساط المراءة السودانية في ممارسة رياضة المشي والرياضة بصورة عامة وعندنا اندية نسائية منشترة في الخرطوم منها النادي الرياضي عندو جناح خاص بالمراءة وفي اقسام كتيرة ما يسعني الذكر الاسماء موجودة منها في الرياض والطائف وامدرمان بتعتني بالنساء وتمارس فيها كل انواع الرياضة من سباحة وتخسيس وبناء اجسام صحيحة وفي شارع النيل وشارع المطال ر ح تلقى صورة حية لفتيات صغار وكبار ونساء وكهول بيمارسو رياضة المشي وح تلقى عنصر النساء هو الاكثر في العددية اما موضوع العادات القديمة بالعكس المراءة السودانية متمسكة بي عادتها واذا عايز تعرف شوف ميزان المطار الكلو حطب دخان وشنط الريحة السودانية وهي بتغزو العالم من شرقو لي غربو واسالو المغتربين هم ادرى ورقيص العروس لما عملو ليها فيديو كليبات وطورناهو وبقى في صالات وفنانات على مستوى بت السودان ما بتخلي عادتا نهائي ولبس الجلابية انا واحدة من البنات بحبو في الراجل لانو بيظهر وقارو وسودانيتو الجميلة بالذات في الاعياد والجمع والعصريات بيعيد من جو العمل اما بالنسبة للتكلف الشديد من قبل البنات في المظهر في بنات بيبالغو وفي بنات متزنات ما بتقدر تعمم الشي ده اما حكاية البوس دي فانا ما بحبها وبالجد مخجلة لما تكون في الشارع العام او وسط الزملاء في الشغل او الجامعة وهي عادة دخيلة على مجتمعنا وحبوباتنا كان بيسلمو بي الاحضان بتحس فيها شوق ظاهر
