حيوا معي الكتيابي

**معتز زيزي** · 04-03-2006, 13:42

حيوا معي أخونا (الكتيابي)
العضو الجديد بعشاق السودان ...
وللمعلومية أخونا الكتيابي شهد معنا جلسة عشاق السودان الكبرى بالرياض الأسبوع الماضي والذي قام (بكشح) جك العصير لمرتين على التوالي مما أثار غضب أخونا (فنجان جبنة) والدخري ... (الكتيابي وعباس ريري) لهم مني الشكر والتقدير لإستضافتهم لي هذه الأيام بدارهم العامرة بالرياض والجدير بالذكر أن الكتيابي مسئول (الميز)....

لك التحية أخي الكريم
وفي إنتظار مشاركاتك

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،

عوض مجذوب عبدالماجد · 04-03-2006, 14:13

الكتيابي ... ايها الهادئ الجميل لك كل التقدير وملايين التحايا...
واكتملت سعادتنا بوجودك بيننا بالمنتدى ... وكشح هناك وهنا
ويلا لقدام

البـــ الحديقة ـــت · 04-03-2006, 17:30

الكتيابى
اشرقت الانوار
اهلا بك فى عشاقنا نورت المنتدى بقدومك
اتمنى ليك اقامة سعيدة بين اهلك وناسك
بس العصيبة ليه؟

معتز ما قلت لينا ليه كشح جك العصير ؟

مشمشه · 04-03-2006, 18:08

هلا هلا بالكتيابي (كتكوت)
هههههه
منووور ياحبيب

بس خلي الرجفه والكبكبه
كان كشحت جك تاني
بعد ده فنجان جبنه مابسكت

نورت المنتدي اخوونا

**طائر النورس** · 05-03-2006, 19:55

مرحب بيك حبيبنا الكتيابى
كل المساحات ممتدة اليك وتستقبلك بالترحاب فى هذا المنتدى العامر بتواجد نخبة من شوامخ العقول النيرة والتى اتمنى ان تكون انت اضافة حقيقية لها ... وانا اختلف مع اختنا مشمشة فأنا اطلب منك هنا فى المنتدى ان تواصل الكبكبة وتكشح لينا كل الابداع والتميز المختزل جواك حتى ننتشى بروعة تواجدك بيننا ...
وياالا منتظرين منك الكثير من الكشيح

مشمشه · 05-03-2006, 20:48

وليد حسين · 06-03-2006, 02:10

حبابك يا كتيابى وسط العشاق ... وانا عارف انك اساسا معاهم فى الميز وحبابكم اهل الرياض زيزى ورفاقه الرائعون ويدوم التواصل ...ومستنينك يا كتيابى ...

عباس ريري · 06-03-2006, 10:43

الف مراحب يا شيخ الروح وسيدها
درويشك في الجوف مستني شادي الطار داقي النوبة
راجي حضورك يا شيخ الروح وسيدها
راجي عيونك وفي ايدك سبحة اللالوبة
الف مراحب بيك يا سيدي
بالرغم من انو كل خططي فشلت في اني ما اخليك تسجل هنا في العشاق خوفا علي من الانبهار والاندهاش لكن برضو بحييك وبقول ليك خلاص البقت بقت ومرحب بيك يا سيدي

**هشام عوض** · 06-03-2006, 11:11

الكتيابي ... اجتمع معنا مرتين .. وفي المرتين كان " كشاااااااااااااح " وهو ما ناكر كده !!!
لكن كعبين النكرو الإتكشح شنو ؟؟؟ ....
غايتو المرة الأخيرة دي " الله يسألني ما عصيييييير " .. شربوووووووووت عديل كده .... وأخير هو كشحو في السجادة ..لكن كعبين الكشحهو جو بطنهم .. وبعد داك ..طشو ..وما عرفو الدرب ؟؟؟ وكعبين الخلو الدورة وناااااااااااااااااااامو .... !!! وكعبين الحمتهم وصلت درجة حرارتها ألف .. وهضربتهم زادت .. وكعبين الختو
" البزة " في أضان الدخري !!!
كفاية لغاية هنا ..عشان الناس دي ..ما تمنعني أمش معاهم تاني !!!
بس يا الكتيابي .. نحنا عايزينك تتفوق ..وتبدع .. وتفوت الشباب لي غاااادي .. واوعا تفتكر إني قاصد " عباس الدغيل " لأني عارف أنو تخصصك .. ما ..زي.. ريري ..وزيزي ..
مع وافر التقدير ..وعميق السرور ..باجتيازك حدود الهدنة ... ومنتظرين تفجير الألغااااام ...

**معتز زيزي** · 06-03-2006, 11:45

هوووووووووووي يا هشام ...

قلنا حيوا الكتيابي .... الشمشرة ليك شنو ....؟؟
أنت من ما (الحكومة) سافرت بقيت تهدرب وبقيت تكوس للشمارات ....

والمثل بقول اللي في بطنوا حرقص براهو .......
أها تاكل البوش ولا نجيب لازانيا ....
ولو حاب تداقش بجيب (ريميكس) يفحط بيك ...

أها بتحي معانا الكتيابي ولا نتصل على الحكومة ....

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،