سرقة وجبة سودانية - الصفحة 3

**معتز زيزي** · 04-03-2006, 16:46

دا مشروع لإبتكار مثل شعبي

(ما تعمل لينا من اللازانيا شرموط ) .....
بس ياريت مشمشة تجيب لينا محتويات اللازانيا ...
وأخونا هشام عوض يجيب لينا محتويات ملاح الشرموط ...
ونعمل مقارنة ولو طلع في إختلاف دون الفطيرة طبعاً سوف نعتمد هذا المثل ...
وسوف نقوم بتسجيله لحفظ حقوق الملكية ...
أها رائكم شنو يا شباب ...

تخريمة - يا عابر سبيل كيف عرفت أنه عباس ريري الأيامات دي كل يوم بي يفطرنا (بوش) ..؟

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،

**طارق** · 04-03-2006, 19:00

يازيزي ..
مثال كويس جدا ومقارنه جميله جدا .. ياريت لو كان في مقارنه
بي تصميم كمان .. عشان الكل يعرف الفرق صوره وخيال كمان ..:

تفحيط ..

اذا كان رب البيت بالطعميه ضاربا .. فشيمة اهل البيت اكل البوش ..
ودمتم سالمين

**هشام عوض** · 04-03-2006, 20:23

مداعبات على الطائر :
والله يا زيزي أي زول بيقرأ كلامك الفوق ده ..بيعرف طوالي أنك اليومين دي " مهري " فول .. ده كلام زول في الحصة الثالثة والدنيا شتاء والوش مرسومة في نصه خريطة بي زيت السمسم ..والعيون داقسة ..والريا.....ه سايله ..قال اللازانيا شرموط .. بكره تقول على الربيان قرمووووووووووووووط ...
لكن يا عابر سبيل .. لقيتك في العضة دي .. " ختري " ... بس بكره ما تنط وتقول .. ما كل البيتشهى أكاااااااااال ..على وزن .. وتنكر الموضوع زي حكاية " الجيركي " في عرس أختنا رابي ...
عباس ريري .. قلت لي وليد مالو ؟؟؟؟ ...
غايتو كفاية بس ..إنو مشمشة في صفي ...نحنا كده انتو ناسكم كيف ؟؟؟؟؟؟؟

وعد اللقيا · 04-03-2006, 20:37

دي طريقة الازانيا باللحمة \
كلغ لحم مفروم
ثلاثة أكواب بصل مقطع
أربعة ملاعق كبيرة زيت زيتون
ملح وفلفل أسود حسب الرغبة
مغلف ماجي أسرار خلطة البشاميل
ثلاثة ملاعق صغيرة ثوم مقطع ناعماً
كلغ طماطم مقطعة
نصف ملعقة صغيرة إكليل الجبل
ملعقة صغيرة زعتر مجفف
مكعب مرقة دجاج ماجي مذوب في 2 كوب ماء
إثنا عشر طبقة رقائق لازانيا
ثلاثة أكواب جبنة تشيدر مبشورة

الطريقة

. لتحضير حشوة اللحم، يحمر اللحم المفروم وكوب من البصل في زيت الزيتون الساخن، ويضاف الملح والفلفل
. تحضر ماجي أسرار خلطة البشاميل كما هو محدد خلف المغلف. تغطى وتوضع جانباً
. لتحضير صلصة الطماطم يقلى ما تبقى من البصل والثوم بالزيت. تضاف الطماطم وإكليل الجبل والزعتر وتحرك جميعاً بملعقة خشبية
. يضاف مكعب مرقة دجاج ماجي المذوب وتغلى جميعها، ثم تخفف الحرارة وتترك على نار هادئة لمدة 20 دقيقة حتى تتكاثف الصلصة
. يدهن قاع طبق الفرن بالزيت
. توضع أول طبقة لازانيا بالطبق وفوقها صلصة الطماطم واللحم وصلصة البشاميل والجبنة
. تكرر العملية، ثم تغطى آخر طبقة بصلصة البشاميل وفوقها الجبنة المبشورة
. يغطى الطبق بورق الألمنيوم ويوضع في فرن حرارته 220 درجة مئوية لمدة 15 دقيقة، ثم تخفف الحرارة إلى 180 درجة لمدة 30 دقيقة أخرى
. يرفع الغطاء خلال آخر 10 دقائق لمنح الجبنة سطحاً ذهبياً مقرمشاً

وعد اللقيا · 04-03-2006, 20:40

ودي صورة للـlasagne

**هشام عوض** · 04-03-2006, 23:08

ينصر دينك يا وعد اللقيا ...
أها لقيتني كيف ؟؟؟
أنا بدعو لتكوين حزب العضه الراقية .. الرئيس وعد اللقيا .. السكرتير العام مشمشة .. هشام عوض خبير التجارب " على وزن فار التجارب " ..ومن كل وجبة قرمة ..همم هم هم هم هممم ..

الله يسألك يازيزي .. في وجه شبه بين اللازانيا والشرموط ؟؟؟
أمانة في زمتك .. الجاب دي لي ده شنو ؟؟؟
لاحظت إني أنثت اللازانيا .. لأنو فيها رقة ونعومة " الحنان " .. وذكرتّ الشرموووووط .. لأنو جمب اللازنيا بيبقى زي حبني جمب هيثم مصطفى .. !!!!!!

عاين فيهو واتمعن !!!!!!!!!!!!!
على فكره ..انا لمن أحب أزوغ وأمش للعزابه " في وجود الحكومة " حنكي بكون " لازانيا " في العشاء وطوالي " الباب يطلع ... " . لأنها زي الأفيون يوم ما تأكلها بتجيك رغبة تأكل " ملطم " منها .
أخخخخخخخخ انا ما زعلان إلا لأني ما سمعت كلام فنجان جبنة للآخر ..لأنو كان عاوز ينظر ..!!!

المهاجر · 05-03-2006, 13:28

كلام بالله .. هى دي اللازانيا ...
مرات باكلها وماعارف اسمها شنو ؟
رزقا تكوسوا .. ورزقا يكوسك ..؟
بالهناء والشفاء .. معتز زيزي ....

عابر سبيل .. بوشا يكوسك .. ولا لازانيا تكوسك .!؟

**معتز زيزي** · 06-03-2006, 11:28

وعد اللقيا ....

دي مكونات اللازانيا وطريقة التحضير بس المكونات ناقصه (الويكه) ....

عابر سبيل

اقتباس:

اذا كان رب البيت بالطعميه ضاربا .. فشيمة اهل البيت اكل البوش ..

دي أسال منها (عباس ريري والكتيابي)

هشام عوض ...

اقتباس:

الله يا زيزي أي زول بيقرأ كلامك الفوق ده ..بيعرف طوالي أنك اليومين دي " مهري " فول ..

أها دي عرفتها كيف ...؟؟ حاوي أنت .....؟؟
أها برضو تقول لي اللازانيا ما شرموط ....

.................................................. ....................

abu marwa · 06-03-2006, 16:59

العزيــــــز / معتـــــــــــز زيزي

انت عارف قصتك دي زكرتني قصه واحد اخونا دخل مطعم شامي ( لبناني ) ,,, وشاف قائمة الماكولات لقي حاجة اسمها بابا غنوج ,,,, فعجبوا الاسم وطلبها . الجرسون جاب ليه سلطة اسود ... أكلها وبقي منتظر بابا غنوج

الله يكون في عونا نحنا السودانيين مشكلتنا مابنعرف نسوق ولا نقدم أشياءنا ...رغم انو الاكلات السودانيه مافي زيها وبشهادة كل الاتعاملوا مع السودانيين وضاقوا اكلهم ,,,,