|
بريدك ...... يمه
[poem=font="Tahoma,5,,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
[poem=font="Tahoma,5,blue,normal,normal" bkcolor="transparent" bkimage="" border="none,4," type=3 line=0 align=center use=ex num="0,black"]
[بريد يمه من جواي
وتهتف ليكي كل أعضاي
بريدك والله يا يمه
واحسك جوه في أحشاي
بريدك ...
لما ... ليلي يطل
واريدك لما بدري يهل
واشوفك جوه في جواي
بريدك
وانتي وحدك كوم
بريدك
وانتي خاتيه اللوم
عشم النمه فيك دوباي
وجرس النغمة ليك مشاي
وفيك... يا يمه زينت
حروفي... وكل... غناي
بريدك ..... يمه
زي ... نجمة الضهبان
وزي... همسة محب ولهان
وزي زولا كبر شوقه
عم الحلة والفرقان
وزي نايا يشق الليل
يبكي الهايم السهران
بريدك .... يمه
يا بت..... جدنا الأرباب
ويا بت ...... عزا
وبت..... كرماعم كل يباب
وبحمد ربي يا يمه
ربي المالك الوهاب
رجعتي سليمه يا يمه
رجعتي لينا تاني.. شباب؟
وبس بتمنى بس شوفتك
ويهجد في ضميري عذاب
بريدك يمه .......... والله كتير
وبحلف ليكي ألف كتاب
ولكن يمه حب ولدك
ما بدورلو ..... كتاب
ده حبك جوه في دمي
وفي جواي نمير صخاب
وفي دربي أمل مشرق
يبدد ليا كل صعاب
بريدك يمه عافيني
ودرب الريدة يود جياب
بريدك .....يمه عافيني
ودرب .. الريده يوم ماخاب
بريدك واتمنى بس شوفتك
ويهجد في ضميري عذاب
التعديل الأخير تم بواسطة : الطاهر التاي بتاريخ 21-02-2006 الساعة 23:55.
|
العرض العادي
