العزيز أبو إسراء ..
الاجابة الثانية صحيحة وهي بالفعل للمحترف النيجيري بالمريخ واسمه بالكامل
" إندورانس إيداهور " وينادى بايداهو .. وقد إنتقل اللاعب في يناير 2006 من الدولفين - نيجيريا -الى المريخ - السودان كمحترف مهاجم .
أما الاجابه عن السؤال الأول ..فهي غير صحيحة 100% بمعنى أن صاحب الصورة فعلاً جعلي لكنه ما ولد دار جعل .. " وممكن كلامك ده يخلي أبوهو ولا أمو يزعلو منك ..عشان كده أخير ليك تعتذر "
والإجابة على صورتك المرفقة فهي لمحترف الهلال " يوسف " أو " محمد يوسف "
يا مان أفتكر اسمو " مين كده نصر " أو " نصر مين كده " ..وهو مساعد مدرب المريخ ..
ده يمكن يكون أصعب سؤال لحدي الآن ..والأسهل منو ..كان تقول مين اللي صور الصورة دي ..؟؟عشان بكل فخر واعتزاز نشير إلى "مراقب برج منتدى العشاق الدولي والسامي "
داركمان ..درووووووووكه .. ..الجديد شديد ....أيمن
إذا جوابي صاح ..سؤالي :
من صاحب هذه الصورة "أبو جلابيه بيضاء مكوية " ده:
الغالي أبو اسراء ..
انا ما زعلان منك ..انا زعلان عليك .. وخايف من زعل الناس التانين منك ..الله يديك العافية ..وأدينا بس رنة نصلك محل ما إنت موجود ..
العزيز فنجان جبنة
المباراة بين الهلال السوداني والأهلي المصري
وانتهت بفوز الهلال بهدف والمباراة أقيمت بالقاهرة وأحرز الهدف مدافع الهلال ريتشارد ..والمباراة كانت سبب في احتراف ريتشارد بالإسماعيلي المصري .
العزيز عبده ...تحية طيبة
احييك عزيزي على الصورة الغالية دي ...
ومحاولتي ما ح تكون ناجحة 100% لأني عرفت الواضحين بس :
الجلوس في المقدمة من على اليمين " جمال كدوس / على ما أظن " , الكابتن مصطفى النقر ، الكابتن جمال أبوعنجه ، المهندس عادل أمين ,ويبدو الكوتش حالياً محمد عبد الله مازدا واضحاً من الخلف ما بين جمال وعادل .. ومن خلف النقر تظهر ابتسامة جعفر عبد الرازق " تقريباً " ..وأعتقد أن صاحب القميص الأبيض الذي يقف خلف الصورة ..هو " المرحوم " سامي عز الدين " احتمال 10% صحيح " أو أحمد الجقر "احتمال برضو 10% " ..
المهم صورتك إبدااااااااااااااااااااااااااااع وحاولت فيها أنشط الذاكرة ... وده كلو بفضلك .. الله يديك العافية
