ربنا يتقبل يا شجراوي...

**معتز زيزي** · 07-02-2006, 22:39

صديقي العزيز والحبيب (شجراوي)

والذي يتواجد حالياً (بمكة المكرمة) لأداء مناسك العمره نسال الله أن يتقبل منه ومنا صالح الأعمال ،،،
حقيقة إفتقدنا طلتك هذه الأيام يا رائع ... بس ما تنسانا بالدعوات ....

عمره مباركة يا أخضر ...

،،،،،،،،،،،،،،،،،،،،،،،،،،،،،،،،،،،،،،،،،،،،،،

وليد حسين · 07-02-2006, 23:05

حبيبنا زيزى .... والمجاورين تقبل الله منكم السعى والطواف ... وتقبل الله من الحبيب الغالى ( شجراوى الاخضر ) وحقق امنياتنا بالقدوم اليكم فى سعى واجتهاد فى العباده وغفر لنا ولكم....وماتنسونا من صالح الدعوات دايما

مشمشه · 08-02-2006, 07:03

تقبل الله منك اخونا شجراوي
ومن كل الطائفين
ويارب اوعدنا بزياره الحرم وكل اللي نفسه يزور تلك الاراضي المقدسه

ترجع لنا بالسلامه

عوض مجذوب عبدالماجد · 08-02-2006, 09:55

تقبل الله منا ومنك صالح الأعمال .....

ترجع بالسلامه ان شاء الله .

تولستوي · 08-02-2006, 12:25

ربنا يتقبل

ولا تبخل علينا بدعاءك

**AyMaN** · 08-02-2006, 22:15

بإذن الله .. عمره مقبولة يا شجراوي

ابو اسراء · 10-02-2006, 17:47

شجراوى
مبروك العمرة مقبولة بأذن الله

**هشام عوض** · 10-02-2006, 20:31

يا زيزي .. غايتو انا لو كنت مكان جمانه كنت اتنازلت ليك .. عن الاشراف / والمراقبه المميزه ... بالجودة .. والمتابعة .. والدقة .. دايماً بتكون .. الايقاع .. وتجي هي تبقى الصدى .. وتكشح العسسسلللللل ...واللذلذلة .. وتخم الشباب ...غايتو ما علينا .. انا وطل ختيناك فووووووووق وما حنقبل بأي ديمقراطية تجيب لينا ناس "كده " .. وتديهم حق الميز ..اقصد حق التميز .. اليومين دي عارفني عزابي .. وبهضرب مع ونسة ناس الجمعية وعزابة السوق وعزابة الكوشتينه ..وبغني :
حنانك .. حبيبي وين حنانك ... حنانك ..حبيبي وين مكانك ....
نقطة سطر جديد :
الزول ده غريب " الغراب النبيه " عديل كده..عمرك يا حبوب شفت ليك زول مقيم بيعمل عمره وزوغه ؟؟؟؟ الزول ده " بالاغ " جنس مبالغة.... وأحسد من هنايتو الحاسده ديك .. اوعا تكون انت كمان داقس وقايل اسمها سلمى .. زي المغشوشين في المنتدى داك ...زول " حويط " و " غويط " زي ما بقولو المصريين .. ما بتعرفو في الدمام ولا الرياض ولا جده .. لو في اي حته من ديل ولا في السودان ..واااااااااااااااااااااااااااااحد .. يجيك وزي الموية ما بيتمسك .. وقبل ما تروى يروح .. وكأنه مدمن يسمعنا نغني ليهو " فايت مروح وين ..ما لسه الوقت بدري ..".. وهو قاعد معاك يبدأ طابور التمام : اها انت وين .. مع هشام ..هشام منو .. ووصلت ليهو متين ..ح تتاخر ..طيب يالا بسرعة ..بس عندي مشوار للشغل .. ياأخي الشغل ملحوق وما بيكمل .. وتعال لي يا البلال .. ووووب علي .. وقبل ما يقعد يتنفض عشان يمش ..وتاني .. عمره وزوغه ...
الله يقبل .. وانشاء الله تعرسو ..عشان " تتكسر " تقعد في البيت .. وخلي " اشعب الأكول "
دي تشبع بيك ....!!!!!!!!!!!!!!!
وبعد ده كلو .. ياريت تكون دعيت لينا معاك .. وأوعا تكون وصتك .. وقالت ليك ما تدعي لي زول معانا ..كده تكون كملت الحساده كلها ...
مع وافر الحب

**معتز زيزي** · 10-02-2006, 22:18

شكيت محنك يا هشام ،،،
قلنا (نهنئ) الأخضر مش نفت الشماراات

الشمارات دي خليها لمن نتلاقى بكره ،،، بس انا زعلان منكم أنا لي 5 ساعات من ما وصلت الرياض لا خروف ولا ترحيب نرجع حائل يعني ،،،،

وفي إنتظارك يا أخضر

،،،،،،،،،،،،،،،،،،،،،

**هشام عوض** · 10-02-2006, 23:56

وانا أقول الكتاحة الفي الرياض دي قصتها شنو؟؟؟
ما تقول لي انك شرفت الرياض .. ووقفت الكتاحة ..طبعاً في ناس كده قايلني ح اقول انت سبب الكتاحه اللي كانت معكننة الجو عندنا كم يوم كده لغاية ما جيتنا يا نسمتنا ..يازيزي يا همبريبنا ..
ويا ضلنا المرسوم على رمل المسافة وشاكي من طول الطريق ...