اظلم من الظلم

احلى عيون · 05-02-2006, 13:32

أظلم من ظلم

كم شفت من مجهول مصير

وشفت ياما شفت كم

انا شفت ناس ظالمين كثير
بس أنت أظلم من ظلم

انا تانى ما بندم عليك

اصلو الندم بيفيد شنو ؟!

ولمتين انا اترجى فيك

الزيى كان رادك منو ؟!

لكن طباعك يا ضنين

لكن طباعك ما بتلين

جفوة ونفور وعذاب وسنين

وعمرو قلبك ما رحم

انا شفت ناس ظالمين كثير

بس انت اظلم من ظلم

**

يا دنيا ياما فيك ناس

بتقابل الريد بالجفا

يا دنيا ياما فيكى ناس

اتعلمت قل الوفا

ويا دنيا ياما فيكى ياما

وياما فيكى وبس كفى

آه من جفاك .. خليت شنو

انا شان رضاك

يا العمرو قلبك ما رحم

انا شفت ناس ظالمين كثير

بس انت اظلم من ظلم

الشاعر الكبير التجاني حاج موسى

الطاهر التاي · 19-02-2006, 00:50

ياأحلى .... ؟
هذا شاعر متفرد .... في صياغته .... وفي صوره
وفي بلاغته .... ,هو أمير من أمراء شعراء الأغنية
السودانية .... في تلافيف حروفه وكلماته ... وجع
دفين ..... وأسى جياش ..... ونغم طروب ؟
أدمن ... الإبداع .... وأترع دواخلنا بروائعه .
ألف شكر ... على هذه الهدية الرائعة ... والتي
أعادتنا ...الى زمن جميل .... مضى ؟؟؟؟

ولك كل الود