على غير العاده .. أكتب هذا الموضوع ...والخاص بتهنئة نفسي .. بالترقية ... وزيادة النجوم .. مع انو كان تكفيني نجمة واحده أعتز بيها طول عمري .. وهي نجمة الانتماء لهذا الصرح الشامخ .. الله يزيدو ويقويهو .. وطبعاً ممكن يكون في جزء من الناس مستغرب إني بكتب الموضوع ده لي نفسي وما انتظرت الناس تكتبو ليه ؟؟ ده لو " كان ح تكتبو " فعلاً؟؟؟
وبصراحة في أسباب منها انه وصلتني قبل كده رسائل خاصة في المنتدى والموبايل انو الناس زعلت مني يوم ما طلبت من الناس وبكل أريحية إني خلاص قدمت وبقيت ما محتاج لي ترحيب وانا بقيت سيد بيت ومش محتاج لي موية ليمون ولا هزة كانون ...وتاني زعلو مني يوم ما كتبت وطلبت من الناس انو تتلفت لمواضيع أهم من المواصلة في تقديم التعزية .. عندما شاركني العزاء العديد من الأعضاء والمشرفين ..وفي نظري كانت المشاركة "فرض عين " قام به الجزء الذي يعفي الكل من المسئولية .. واللوم ..واتقمعت .. واتلومت تاني .. وما اتفهمت صااااح .. قلت أها الليلة انا أكتب لي نفسي براااااااااااااااااااااااي ... وقبل ما زول يبارك لي .. بعد المشرف العام ..قلت النبارك لي نفسي ... وأي زول ما ح يكتب حيكون عندي فيهو رااااااااااااااااااااي ..
وبرضو من الأسباب إنو علاقتي بمشرفة المناسبات ما على قدر كده ..والمكضب يشوف هي نبذت بتي ..طل .. كيف .. ولأني عارف انها حتى لو صلحت العلاقات "بعد ده " ..ح يكون ردها متأخر ..عشان يادوب ح تجي بكرة تقرأ وتكتب ..وساعتها تكون " القراصة الأفرنجية " بتاعت الاحتفال بقت " من الأمس " وعمر الجزلي يكون لحقها " أمات طه "..
المهم ده تكليف صعب ..وتشريف اعتز بيهو وأتمنى إنو ربنا يقدرني عليهو ....
مع كل الحب

الف مبرووووووووووووووووووووووووك هشو