₪₪ مســــــ للمبدعيـن ـــــــابقه ₪₪

مشمشه · 02-02-2006, 09:03

ازيكم يا فنانين
عاملين شنو؟

الفكره دي جاتني حسي
ايه رايكم لو نعمل مسابقه للتصميم؟؟؟؟

الفكره كالاتي:-

اولاً

هنشوف كم زول عايز يشارك في المسابقه
يلا بسرعه سجلو اساميكم

ثانياً

حنقسم المشتركين لفرق (المشتركين لهم حريه اختيار الفريق) وبعد داك كل فريق يختار اسم للفريق بتاعه

ثالثاً

حنختار صوره نبدأ بيها التصميم
ممكن الاختيار يكون علي فريق كل مره .. او ممكن نعين شخص مشترك او غير مشترك في المسابقه .. تكون مهمته اختيار الصور الحنبداء بيها التصميم

رابعاً

حنحدد مده معينه يجهز فيها التصميم زي مثلاً اسبوع ... وكل فريق يتفقوا فيما بينهم ويحددو منو الحيبدا التصميم واللي بعدو واللي بعدو ... يعني في واحد حيبداء التصميم بس يحاول مايكملو يعني يعمل فيه حاجه بسيطه وبعدين يديه للي بعديه واللي بعديه يحاول يضيف عليه

واخيراً

وبعد انتهاء التصميم ولازم يكون جاهز في المده المحدده
يقوم اخر شخص او ممكن الفريق يكون معين ليه رئيس مسؤل منه
يقوم برفع التصميم علي صيغه jpg او gif
وبعد كده بقيه الاعضاء يقومو بـإختيار التصميم الفائز

الشروط

1- استعمال برنامج photoshop او imageready لتصميم التصميم
2- كل عضو في الفريق يشتغل في layer لوحده ... يعني حاوله بقدر الامكان ماتغيرو كتير في اللي عمله الشخص القبليكم

بس كده مافتكر في شروط تانيه

ممكن لو مافي ناس كتار شاركو في المسابقه نخليها كل زول يعمل تصميم براه
بس ياريت الاغلبيه تشارك لانو بكون احلي لو كم زول اشتغلو في تصميم واحد

في انتظار مشاركتكم
وفي انتظار اي اراء او اضافات للفكره المسابقه

يلا انا اول واحده مسجله اسمي
and everybody is welcomed

في انتظاركم

مشمشه · 04-02-2006, 00:48

Darkman · 04-02-2006, 15:11

موضوع جميل جدا جدا

وانا اول المشتركين

يلا ياشباب شدو حيلكم

abdu_us · 04-02-2006, 18:28

شكرا ليك يامشمشة
واتمنا ان اكون ثاني المشتركين في المسابقة

سودانى · 04-02-2006, 20:00

مشمشة العسل

اولا اسمحي لي اهنيك بالفكرة الجميلة والتنسيق الجيد مما يدل علي خبرتك في مجال المنتديات فعلا اتمنيت اني اعرف اصمم عشان اشارك معاك

ثانيا بعيب علي الاعضاء عدم تفاعلهم الكافي في هذا الموضوع

**معتز زيزي** · 05-02-2006, 11:16

أختنا الغالية مشمشة

وكأنك تقرأين أفكاري ،،، فالفكرة معشعشة برأسي منذ فترة طويلة ولكن لبعض المشاغل لم أنتهي من صياغتها وها أنتِ تمدينا بإقتراحاتك الحلوة والتي سوف أصيغها لكم لتكون أول مسابقة في المنتدى ،،، وسيتم تثبيت المسابقة لتصبح نواة للعديد من المسابقات ،،،

فقط أنتظروني ،،،

،،،،،،،،،،،،،،،،،،،،،،،،،،،،

مشمشه · 05-02-2006, 18:36

ماشي يااولاد عشاق السودان يعني كان
لازم اعمل ليكم فيها زعلانه عشان تقولو حاجه

شكلها الفكره ماعجباكم بس حنيتو علي
عشان التلاته

ديل
لكن
ياولي
وياعبدو
مدام سجلتو اسماكم دقستو بعد ده

مافي طلعه من هنا

هههههه
مشكورييين ياشباب في انتظار المزيد

مشمشه · 05-02-2006, 18:56

اقتباس:

المشاركة الأصلية كتبت بواسطة سودانى

مشمشة العسل

اقتباس:

المشاركة الأصلية كتبت بواسطة سودانى

اولا اسمحي لي اهنيك بالفكرة الجميلة والتنسيق الجيد مما يدل علي خبرتك في مجال المنتديات فعلا اتمنيت اني اعرف اصمم عشان اشارك معاك
ثانيا

lOooooOooooOl
حبيبنا سوداني ماتكبر لينا راسنا
وبعدين انت ماشايف الكلام ده مكتوب كيف هههه وينه التنسيق حسي
بس الالوان دي واحد اتنين تلاته loooool
والله انا كنت بكتب بس اللي بيخطر علي بالي
ماسامع زيزي قال داير يجي يصيغا لينا
دايره ليها قعده ياولدي

والله ياغالي مشكوور علي المشاركه الجميله
وان مبسوطه انو الفكره عجبتك ان بالذات
ولا يهمك مدام مالكش في التصميم حنلقي ليك حاجه تشارك بها معانا
ايه رايك؟

مشمشه · 05-02-2006, 19:00

زيزي حبيب الكل

هههههه سبقت ياحبه لكن مامشكله
انت الكل في الكل

في انتظارك احنا
ماتطووووول علينا

**معتز زيزي** · 06-02-2006, 09:05

غداً إنشاء الله سأضع إليكم مقترحاتي حول هذه المسابقة وبعد ذلك سوف نقوم بتثبيت المسابقة والتي ستعتبر إحياء وتنشيط لمنتدى الجرافيكس ،،،
شكراً ليك يا مشمشة على الفكرة والتصور الجميل ،،،

فقط أنتظروني غداً ...

،،،،،،،،،،،،،،،،،،،،،،،،،،،،،،،،،،،،،،