باركو لي جاتني جعلتية

الجعلتي · 01-02-2006, 01:37

الاخوة الزملاء في منتدانا الرائع رزقت امس ببنت الحمد لله وهي الاولى زي ما بقولو اهلنا بكاري او اول طلقة ، طبعا في ناس بسموها (دامة) الناس الجنهم كتشينة انا الحمد لله ما بحبها بلعبها مرات مرات لما القى وقت فاضي، وما تقوم تسميها لينا بت اسود يا نكدنا وانا بفتش لي عن اسم يكون كاااااارب كده، حاليا متعديين باسم الجعلتية لحد ما نلقى ليها اسم، وفزعتكم معانا تقومو ترشحو لينا اسماء كده تكون لائقة
وعقابل ليكم كلكم للما عندو وعندو والعايز يعرس والمعرس جديد وكل الاخوة والاخوات
وتحياتي

مشمشه · 01-02-2006, 01:45

الجعلتي
الف الف الف مليون مبروك
تتربي في عزك يارب

وبنفكر ليك في اسم

ابو اسراء · 01-02-2006, 01:51

اخونا الجعلتى
مبروك والف مبروك
مبروك المولودة الجديد ة... جعلها الله من مواليد السعادة وأقر بها أعين والديها

بارك الله لكم في الموهوبة .. ورزقتم برها وبلغتم أشدها .

فاجئتنا بالاسم بس بنشوف ليك حاجة كدة من الطراز الجديد

**رغــَــد** · 01-02-2006, 02:25

ألف مبرووووووووووك البنية
تتربى في عزكم ان شاء الله
وتشوفوها بأعلى الشهادات وكمان عروس

دموع الشمس · 01-02-2006, 02:36

الف مليوووووووووووووووون مبروك ...تتربى في عزك انشاء الله

وربنا يخليها ليكم وتشوف ولادها واولاد ولادها

شجراوى · 01-02-2006, 03:15

الف مبروك الجعلتى وربنا يجعلها من بنات الوطن الصالحات ويحفظك ليها انت و(ماما )ويحفظه ليك هى و ( ماما )

اقول ليك رايك شنو فى سلمى

وتانى مليون مبروك حبيبناااااااااااااااااااااااااااااااااااا

شجراوى ( الاخضر )

**معتز زيزي** · 01-02-2006, 09:39

الجعلتي

الف مبروك وسائلين المولى أن يبارك لك فيها ويجعلها باره بوالديها

بالنسبة للأسم أنا بقترح أسم (دعاء) .... وخروف السمايه علي...

.................................................. ......................

النكد ... جا · 01-02-2006, 10:33

أوعى بس تكون جات الساعة اتنين و نص بالليل

ربنا يجعلها من المستورات ويخليكم ليها ويخليها ليكم يارب

الاسم ( هبه )

**هشام عوض** · 01-02-2006, 12:25

دار جعل · 01-02-2006, 12:46

اقتباس:

أوعى بس تكون جات الساعة اتنين و نص بالليل

ما بضبحة

اقتباس:

البنية الفنجرية ..
الله ي"يسر " ليها حياتها ..و "يندي " ليها أيامها ..
بت السرور والعظمة ..الله يزينها بي عقل أكبر من " عقل المك نمر " ..وصلابة أقوى من جسارة

هو المك نمر كان ما عندو عقل كان حرق اسماعيل باشا يا ناس السافل.

مليون مليون مبروك

ورايك شنو في اسم ( فاطمة الزهراء )