سيدة العالم تعارض قمة السودان

شجراوى · 22-01-2006, 15:20

قالت الولايات المتحدة الأمريكية أنها تعارض ترؤس السودان لأعمال قمة الاتحاد الافريقى التي ستعقد فى العاصمة السودانية يومي الاثنين والثلاثاء المقبلين.

وذكرت مصادر نقلا عن المتحدث باسم الخارجية الأميركية شون مكورماك قوله أن من الواضح أن هناك تناقضا بين ترؤس السودان لقمة الاتحاد الافريقى فيما تتولى قوة تابعة للاتحاد الافريقى مهمة توفير الأمن لبعض السودانيين وحمايتهم من حكومتهم حسب قوله.

لكن المتحدث الاميركي أوضح أنه يعود لقيادة الاتحاد الافريقى تحديد من يجب أن يتولى رئاسة القمة الإفريقية

شجراوى ( الاخضر )

**هشام عوض** · 22-01-2006, 15:55

سيدة وجمالها فريد ..خلقوها زي ما تريد ..في عيونها وضعو الريد ..
مع احترامي الكبير ..لكل السيدات في العالم ..لكن بفتكر انو أمريكا اتخطت مرحلة انها تكون سيدة ..لي مرحلة أكبر شوية ..وبقت سيدة والعصمة في إيدها " تغلب أجاويدها " !!! وبعد داك فاتت " الرجال " والرجالة اللي ما عندها حدود لي غاااااااااااااااااااااااااادي !!!!!!!!
بي عين تشوف انو السودان ما بيستحق يكون الرئيس ..لانو هو "ذاتو " ما قادر يحل مشاكلو !! فكيف يحل مشاكل الناس التانيين !! وكيف يلم الناس المجتمعين ديل ويخلق ليهم جو نقاش وحوار هادي وآمن ومستقر وبي "برنامج ترفيهي / اليخت الجديد " ..وهو "ناسو " شاردين منو وعايزين يتلمو على بلدان تانية ولغاية ما واجهو الموت "في مصر " ما اتزحزحو عن موقفهم وظلوا مرابطين ومعتصمين ..فالموت واحد لوكان بايدي ومياه الجنود المصريين ولا الآغتيال السياسي بالسودان!!!!
وبالعين التانية بتشوف انو الاتحاد الأفريقي "مخير " في انو يختار اليراسو منو ؟؟؟ لو كان السودان ..ولا العراق وسوريا وايران مجتمعين !!!
والله يا " أنا "..أقصد يا شجراوي ..امريكا دي عمايلها دي ما عمايل بشر ..الله يهدها ..ويهد كل حكومات وسلطات الطغيان ...

الأسد · 22-01-2006, 16:23

ازيكم شباب
أهلاً بكم في مؤتمر الإتحاد الإفريقي في دورته السادسه بالخرطوم والتي ما برحت أن كانت عاصمة للثقافة العربيه هي الآن تحتضن الدول الأفريقية بزعمائها ( المرجو الخروج منها بفوائد للبلد ) ...
لكن الغريب في الأمر أن تقوم الدولة بمنح إجازة عامة لكل الدوائر الحكومية والتعليمية وكل شيء وما فضل غير انهم يقفلو المستشفيات .. وطبعاً ذلك الإجراء ليس لراحة المواطن السوداني ( الشقيان ديمه ) وإنما لإطمئنان الرؤساء الأفارقة بأن البلد آمنه .. وتخوفاً من حدوث أعمال تخريبية تشوه سمعة البلد ( قصدي سمعة الحكومة ) .. ماذا تحسبون ذلك أحبتي ضعف في سياسات الدولة تجاه هذه المواقف أو تخوف من أن يعكس الرؤساء بزحمة الخرطوم أنها غير مؤهلة لتقود دولة واحد دعها من قارة بأكملها .. ؟؟؟
(غايتو أحسن حاجه في القمة ده الخرطوم فيها شوارع بقت سمحه شديد ومساحات خضراء للتنزه العام) ..
الأسد
منتديات عشاق السودان
الخرطوم

المسافر · 22-01-2006, 16:37

لا تزال امريكا تلوّح بالعصا (لقطيع) الحكومات فى العالم
ولا زالت تمارس ضغطا شديدا على حكومة الخرطوم
لتنفيذ سياسات بعيدة المدى تصب فى خانتها...
ولا زالت حكومة الخرطوم تستجيب على نحو يدهش
القادة الامريكان .......!!!!
اذن العلة ليس فى ان امريكا تبحث عن مصالحها
ولكن كيف يتعامل (العسكر) مع هذه الاجندة الامريكية..

رفيقى شجراوى (الاخضر).......عليك ان تغافل (القطيع)
ثم تلقى بحجر حتى تلهينا عن فعلتك....!!او هكذا يفعل
الامريكان.............!!!
مع محبتى......

شجراوى · 22-01-2006, 19:40

ابو الشوش الجميل كما تحب جميلتنا جمانه ان تناديك سادعك تغنى كيف شئت عن جمال سيده وإنفراده ... لانى أعلم كم تبكى بداخلك ( الجوع ) والقهر والفكر ( الواحد ) ... امريكا تمارس ما تمارس لاننا ننصاع خلف تلك ( الجزره ) التى لنا ننالها ولو سرنا ليالى وليالى ولو قبلنا الارجل ووقعنا ( الاتفاقيات ) ...

الاسد الجميل الجمال هنا ( اضع يدى على صدرى ) والصورة التى تراها كجمال لوحة مائيه وضعت فى العراء فى عز ( الخريف ) ... مع اول قطرة تختلط الالوان وتملأ الـــ(خيران ) ليخرجون مرة أخرى يلعنون الذكرى والقادم ( المجهول ) ....

رفيقى معتز امريكا تلعب بنا لانهم ( ساستنا ) أستهانوا بنا ... لن نغافل القطيع فقد جف المرعى وولت الامطار لارض بها الحلم والامل ....!!!

كن هناك لتسقى ( الشتله )

شجراوى ( الاخضر )