انســــــــــــــــــــاكي لـــــــــــــــــو !!!

انساكي لو تنسى السيول مجراها من بعد الغياب

وانساكي لو ينزل مطر يروي المحل من دون سحاب

وانساكي لو ينسى النهر لجرفو في عز التساب

واسلاكي لو يقدر هواك ينكرني ما ألقالي باب

ويجهلني في دنيا الغرام وما ألقى جمبي بلا الخراب

وينسده باب امالي ليك يا الفي هواك اصبح مصاب

ويتحطم الوعد الجميل وينهده بنيان الشباب

لكن ما ظنيت يموت حبا قهر كل الصعاب

واتحدى اقدار الزمان الكاسه في كاسانتا صاب

يا الفي صحاي طيفك معاي يا الظني فيك ما عمرو خاب

هاويكي من دون الخلوق راجيكي لو فضل عذاب

خاتيكي في رمش العيون داسيكي في صفحة كتاب

لا يوم بشر طلاها شاف لا جان قراها ولا الصحاب

واحتارا قليبا نبضو بيك ومنو يقوم دخلتي هتف حباب

ضماكي لامن خف عليك غناكي في حن الرباب

وانساكي لو تنسى الطيور اعشاشه في ليل نجمو غاب

لكن محال انساك انا انساكي كيف وانتي المآب؟!

اصبحتي نوري من الضياع بالرغم انك من تراب!

واصبحت بنورك اسير في عتمة الليل والضباب

لو كان ابرهن ريدي ليك ريدا قليله عليهو حاب

واحترته كيف ارسم هواي واحترته امن راسي شاب!!