من اشعار التجاني حاج موسي

عاشقة الصمت · 20-12-2005, 12:43

والله ايام يا زمان
---------------------
والله أيام .. يا زمان
ببكى وأتحسر عليك
وما بقول العشنا .. كان
وأرمى حبة لومى فيك
ولسة راجيك يا زمان
بحبة الذكرى .. المعاى
عايشة فى وجدانى .. جوة
ولسة بتدغدغ حشاى
يمكن الحبيتو .. مرة
يلقى فى كلمات غناى
فاصلة بتصحى المشاعر
ويمكن الطوّل سهادو
تغشى ليلاتو البشاير
ويمكن الفرح الزمان
لسة أصداهو .. بترن
غنوة حاضناها .. الضفاير
جايز الأيام تحن
وتصحى فيك نبل المشاعر
ويمكن المجروح يئن
وتغشى ليلاتو البشاير
ويمكن الفرح الزمان
لسة أصداهو بترن
غنوة حاضناها الضفاير
والله أيام .. يا زمان

******************
من بعد ما فات الاوان
---------------------
من بعد ما فات الأوان ،

الليلة جاى بتعتذر ...

بترجع أيامنا الزمان ،

من وين نجيب ليك العذر ؟؟

وفرحت بيك .. مديت دروب الريد سماح

وغزلت ليك ، طيبة مشاعرى غطا ووشاح ..

لكنى وآضيعة رجاى

رديتنى مكسور الجناح ..

وسقيتني بعد الحلوة مر

من وين أجيب ليك العذر؟؟

يا البى غرورك كم قسيت

كان ظنى فيك تكون حنين ..

غالبت أحزاني ومشيت ..

فى سكة الشوق بالسنين

وبراى بالنار انكويت

وصليتني بعد الفرقة بين

لحد ما كمل الصبر

من وين أجيب ليك العذر؟؟

سمي · 20-12-2005, 19:58

الصديقة
عاشقة الصمت
كل من يذكرنا بالشعراء
الفطاحلة من عمالقة الفن السوداني
فله كل التحية والاحترام
لانهم من خيرة من كتب
في مجال الشعر
ونحن علي دربهم سائرون
شكرا صديقتي
علي هذه الكلمات التي
كانت من وحيهم والهامهم
وواصلي عزيزتي
ودمتي

عاشقة الصمت · 21-12-2005, 11:27

يا هلا بيك سمي ...
وتشكر علي التشجيع وانا من اشد المعجبين بشعر التجاني حاج موسي و الحلنقي و الحردلو
وبديت بالتجاني حاج موسي و ياريت تواصلو انتو معاي ...

تباريح الهوى
--------------
دة الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتي أو حتي في عز المنام
ويبقى إسمك هو الغنا
هو البخفف لي عذابات الضنى
ما الشفتو منك يا منى الروح يا أنا
وصفو بصعب ياجميل .....
وبعدت عنك ولما طال بى النوى
بقى لي أسيبك مستحيل ........
بشكي ليكم يا مظاليم الهوى
أصلي مجروح مرتين
يمكن ألق الزيى فيكم
ضاق جراح الحب ومتعذب سنين
يمكن ألقى وصفة تنفع ....
ولا يمكن القى حاجة تخفف الجرح القديم
حاجة تنفع
دة الجاني منك ومن تباريح الهوى
وصفو بصعب ياجميل
وبعدت عنك ولما طال بى النوى
بقى لي أسيبك مستحيل،،،

عاشقة الصمت · 21-12-2005, 12:07

يا راجياني
---------------------
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني
لمّ سحابة تلاقي سحابة
وتنزل منها دمعة عشاني
لمّ تلاقي مسافر عايد
تمشي وتسألي عن عنواني
وانا عنواني عيونك انتي
وأي مكان تمشيهو مكاني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني
ياالفرهدتي فرح جواية
أنا جملتك بألواني
أنا علمتك تاخدي المعنى
من إحساسي وتدي معاني
أنا سافرت عشانك انتي
وسبت البلد الما ناسياني
كم حاولت أصارحك ياما
إلا العزة بقت مانعاني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحداني
إستنيني ولو حاولت تصدي حناني
إستنيني ولو حاولت تصدي حنيني
ياما حتشقي ماظن تلقي
حِنيّن زيي يريدك تاني
ألأيام وانا قربك انتي
مهما تطول محسوبة ثواني
إنتي جمالك ياهو جمالي
وانتي زهورك من ريحاني
الأفراح بعرف ميعادا
وأي زمان تلقيهو زماني
يا راجياني وما ناسياني
ياما الغربة بتتحداني
وانا بتحدى الزمن الجاير
لو في بعدك
يتحدانى

رويدا · 21-12-2005, 18:33

عاشقة الصمت

حلاوووووووووووة والله

كمية من التذوق يقف من خلفها

احساس مرهف

الكل يتمني ان يمتلك احساسك

يا رائعة انتي

سمي · 21-12-2005, 20:13

الصديقة
عاشقة الصمت
هم اهل الروعة والفن الاصيل
هم اهل الذوق الرفيع
والكلمات التي
تنساب علي الاذان كانها نغم طروب
تتمايل مهعه كل الغصون
لا حرمنا الله منك
ولا منهم
ولا من كلماتهم الجميلة
ودمتي

عاشقة الصمت · 26-12-2005, 10:11

رويدا الجميله تشكري و الصديق سمي هم اهل الفن الاصيل بالطبع و نحن من نستمتع بهذا الفن الاصيل

عاشقة الصمت · 27-12-2005, 10:12

التجاني حاج موسي ..

----------------------------------------------------
تباريح الهوى
------------

دة الجاني منك ومن تباريح الهوى
وصفو بصعب يا جميل
وبعدت عنك ولما طال بي النوى
بقى لي أسيبك مستحيل
تبقى سيرتك هى الكلام
وتبقى صورتك هى الرؤى الحلوة البعيشها
فى صحوتي أو حتي في عز المنام
ويبقى إسمك هو الغنا
هو البخفف لي عذابات الضنى
ما الشفتو منك يا منى الروح يا أنا
وصفو بصعب ياجميل .....
وبعدت عنك ولما طال بى النوى
بقى لي أسيبك مستحيل ........
بشكي ليكم يا مظاليم الهوى
أصلي مجروح مرتين
يمكن ألق الزيى فيكم
ضاق جراح الحب ومتعذب سنين
يمكن ألقى وصفة تنفع ....
ولا يمكن القى حاجة تخفف الجرح القديم
حاجة تنفع
دة الجاني منك ومن تباريح الهوى
وصفو بصعب ياجميل
وبعدت عنك ولما طال بى النوى
بقى لي أسيبك مستحيل،،،

عبده خالد · 02-05-2006, 19:04

يااخت البدر سناء وسنى

رحم الله زمانا اطلعك