مسااااطيل .... ( نكات )

**AyMaN** · 12-12-2005, 09:58

تلاتة صقور مسطولين عملوا مسابقة منو البجيب أفضل فريسة، نزل الأول وطلع لعندهم ومعاه فأر وهو شااايف نفسو . ونزل التاني ورجع طلع ومعاهو أرنب مليان دم , وجا دور التالت قام نزل واخد تلاته اربعة ساعات وما طلع ولما طلع كان منظرو شين شنه مبالغ فيها . جسمو مليان غبار و تراب .ٍ سألوهو اصحابو شنو الحصل، قام قاللهم شايفين العمود دااااااااااااااك ، قالوا اي قال اي أنا ما شفتو

**AyMaN** · 12-12-2005, 10:00

اتنين مساطيل سايقين عربية. واحد فيهم بيكورك في التاني : اعمل حسابك..العمود..العمود...العمووووووووووووود.
بعد كم يوم صحو في المستشفى الأول بيقول للتاني : أنا ما قلته ليك أعمل حسابك، العمود قدامك وانت ما شايفو
التاني قال ليهو: لكن أنا اعمل شنو إذا كننت انت السايق

**AyMaN** · 12-12-2005, 10:10

Dear Friday
When I was walking in the Lady first yesterday............I saw a piece of religion of girl........She was egg and sweet.....I said : Ya earth Keep what on You......ahundred evenings on your eyes Ya beautiful....She Said : Poison. I said : poison poison Ya moon....She shouted in me : Yes Yes mother soul.....Do You remember me one of them.......Collect the street I`ll collect the street on you Ya Omar........I said : Your right on me ......It shows on you , You are adaughter of people ......I want you on the book of God and his profit.....The boon on me I write my book on you tonight ......She laughed and said : on your slow on your slow........Write the book one piece ? Not talk on me first ???? I shouted : I die in the cream , Ya thousand white mornings....... I am going to talk on you right now.

عزيزي جمعه
وأنا ماشي في السيده أول إمبارح.......شفت حتة دين بنت ....كانت بيضه وحلوه.....
أنا قلت : ياأرض أحفظي ما عليكي....ميت مسا على عيونك ياجميل...
ردت : ياسم.
قلت لها : السم من أيدك يبقى سمسم ياقمر.
فزعقت في : نعم نعم ياروح أمك !!!! أنت فاكرني واحده من إياهم ؟؟؟؟
لم نفسك بدل ماألم عليك الشارع ياعمر.....
البت دخلت دماغي.........قلت لها : حقك علي ...إنتي باين عليكي بنت ناس...آنا عايزك على سنة الله ورسوله....علي النعمه لأكون كاتب كتابي عليكي الليله دي.
فضحكت وقالت : كتب كتاب حته واحده !!! طيب مش تتكلم علي الأول؟؟؟؟
فقلت : أموت أنا في القشطه .ياألف نهار أبيض...حأروح دلوقتي أهوه أتكلم عليكي.

مشمشه · 12-12-2005, 10:39

ده شنو ياDarkman ده
الاخيره دي قطعت مصاريني

looooooooooool

قلب حنون · 12-12-2005, 13:14

ايه دة
نكتة دى ولا فيلم عربى هههههههههههههه
ايه دة يا دارك بجد

**AyMaN** · 15-12-2005, 11:19

مسطول قاعد تحت القيفة، ولافيها. جاهو بوليس حركة، وقال للمسطول أرح معاي
المسطول عاين للكاكي كده لقاهو بوليس حركة قام قال ليهو :- ماااااالي يا جنابو، لافيها غلط وله شنو

مسطول مرتو قالت ليهو ياخي قول لي كلمة تحسسني بالدفء والحنان.. قال ليها: «بطانية

**AyMaN** · 15-12-2005, 11:19

اثنين بيسطلوا فوق برج عالي, الأول سأل الثاني: لو أقع من هنا, كم وأوصل الأرض, قاله الثانى : 3 أيام... رد الأول: وأموت؟
قاله: طبعا, 3 أيام بدون أكل ولاشرب, أكيد بتموت !!

مسطول بسأل بتاع الصيدلية : بالله عندك شريط بندول
الصيدلاني : أيوه في
المسطول : بالله شغلو لينا عشان نسمعو

**AyMaN** · 15-12-2005, 11:22

مساطيل لافينها في المقابر
بعد شوية جات جنازة
واحد من المساطيل قام قال لي جماعتو : دييشاااااااااااااك...عان ديك لافينها قدر كيف

مساطيل مشو الجامع، الإمام بخطب بي حماس شديد عن البنات العندهن موبايلات قال : أتدرون مع من يتحدثن؟ إنهن يتحدثن مع الحبيب. المساطيل قالوا : صلى الله عليه وسلم

اتنين مساطيل ماشين فى الليل دار حوار بينهم فى القمر احدهم يقول هذا القمر والاخر يقول هذا الشمس فاجاة شافوا لهم زول ماشى قاموا نادوة وسالوة : اسمع يا اخونا الفى السماء دا القمر ولا الشمس وهو زاتو كان مسطول فرد عليهم : انا جديد فى البلد دى

**AyMaN** · 15-12-2005, 11:32

مدرس فيزياء مسطول، كتب في السبورة : مدفع طوله عشرة أمتار ويزن خمسة أطنان، أطلقت منه قذيفة بسرعة 200 كم/ساعة. السؤال : ما إسم الشخص الذي أطلق القذيفة..!!؟؟

مسطول سألوه: ليه بيختو اللبن في الشاي. قال ليهم : عشان التفل يرضع

اتنين مساطيل بيتشاكلو، هل السطلة بتخليك تشوف الزول اتنين وله تلاته. مشوا لي جزار مسطول عشان يحل الخلاف، قال ليهم : والله ده حسب الصنف، بس انتو السبعة جايين ليه

مسطول دخل قفص الجداد، لقى كل جداده مبيضه بيضه واحده، قام مسك واحده من الجدادات وقسما نصين وقال لي باقي الجداد: من باكر، لو كل واحده فيكن ما باضت خمسه بيضات، بقسما نصين زي اختكن دي.
تاني يوم جا لقى الجداد كلو بايض خمسة بيضات إلا واحده بس لقاها بايضة تلاته بيضات، داير يمسكا ويقطعا لقاها بتبكي وبتقول ليهو : استر على ، انا ديك

سودانى · 16-12-2005, 02:33

اقتباس:

المشاركة الأصلية كتبت بواسطة مشمشه

ده شنو ياDarkman ده
الاخيره دي قطعت مصاريني

looooooooooool

مشموشة دي ما اتفاقنا الزووووووووووووووول دة قلنا اديهوا في

راسوا

مش تكبري ليهوا راسوووووووووووو

واو واوا