المساطيل في نعييييم

ايهاب نميري · 03-12-2005, 11:00

اسمعو دى جديييييييدة لنج واحد (طبعا مسطول) جابو للقاضى وهو لسسسسسسسسسه في باقي خرمه قال ليو لو قلت لى عشره حاجات بتعملا من الصباح بتبدا بى حرف با بخليك قام بسرعه شديدة قال ليوبجيبها بختها بفتفتها بلفها بولعهابشربها بتكيف بتسطل بطفيها بنوم

جداده مسطوله انتـحرت كتبت في وصيتها خلو ماجي تنفعكم

مسطول شييييييييييين
خطب ليهو واحدة وقاعد يشرح ليها في ظروفو
- انت عارفة انا اعتمدت على نفسي من صغير
كنت بشتغل وبقرا
وفي الجامعة برضو
وبعد داك بديت شغل في السوق بامكانياتي
وما اعتمدت علي اي زول
يعني باختصار
خلقت نفسي براي
قامت عاينت ليهو من فوق لي تحت وقالت
(انا ذاتي قلت دي ما خلقة ربنا)

ادرووووووب مسطول سايق تاكسى فى الصين كل ما يأشر ليهو صينى يقول ليهو هسة دى مانزلتك

وكمان واحد شايقي مسطول سألوهو الخروف عملتوا فيهو شنو ؟ قال: اللحم أكلنا والراس عملنا باسم والكرعين كوارع والجلد مصلاية ... وكان في طريقة (باااااع) زاتا كان عملناها نغمة للموبايل

وحده مسطوله بايركس شديد.. ماشة في السوق في اتنين بيبيعوا برتكان بيقولوا «برتو.. برتو».. اختصاراً لبرتكان.. برتكان.. المرة اتلفتت عليهم وقالت ليهم: هم جونا.. وانحنا ابينا

مساطيل قاعدين في شقة، كل اسبوع يطردوا واحد منهم ليه؟ لانهم بلعبوا ستار اكاديمي

كمسرى مسطول ماشى فى جنازة بيقول يا جماعة الجنازة فضيا قدام

سباك مسطول مشى عرس حلف مافي زول ينقط

في اثنين محششين واحد منهم قاعد يسمع شريط فاضي قال له المحشش الثاني بعد ما تخلص سجلو لي

شافع مسطول قال لي صاحبه : قول اتنين ؟؟ قال صاحبه : اتنين !! قال : عربية ابوك مقربعه

واحد مسطول صايم اتصل على ما يطلبة المستمعون قالو له بتحب تسمع شنو ؟؟ قال لهم مقطع من اذان المغرب

واحد مسطول مسكوا ناس الامن وسالوه,انت شارب؟
قال ليهم انا زول مؤمن وحافظ القران والحمد لله
قالوا ليهو:طيب سمع لينا سورة النمل؟
المسطول بعد ما حك راسه سالهم ياتو فيهم ابو ريش والا عادى؟

مسطول سالوهو شنو الفرق بين الرقشه والكارو؟
قال الكارو:الحمار بي بره ..
والرقشه: الحمار بي جوه