|
حبيبة قلبى
سلام عليكى يا هدايه يا ضوايه يا خاله
سلام من بُعد
سلام من دنيا ظالمه وفانيه غداره
سلام من قلب فاقدك جد
سلام من روح
سلام من أعينى الباكيه دمع فايض وما ليو حد
سنه وللحول من فارقتى دنيتنا
ولمتنا
وقعدتنا
وجيرتنا
وضحكتنا
طريتك انا
طريت طيبتك...
طريت نُصحك...طريت عطفك
طريتك انتى عقد الُدر...طريتك انتى عطر الفُل
طريت محياك لما يطل
طريتك يا شجرة الضُل...طريتك وانتى لامه الكُل
مكانك انتى يا خاله....لا ينقاس...لا ينعد...ولا ينسد..ده درباً خالى ممدود مد
حزنى عليكى يا خاله فى قلبى دوام عمرى...وانتى معاى ان طال او قصر دربى
سلامى عليكى فى مثواك
سلامى عليكى يا حبى
الِف رحمه.. الِف غفران ينزل ليكى من ربى
| التوقيع |
|
[motr]بالله ليه يا فراش؟![/motr] |
|
سلامات
العرض العادي
