الفكرة الخاطئه عن السودانين

الشمشارة · 22-11-2005, 15:10

السلام عليكم ورحمة الله وبركاته
اما بعد

والله يا جماعه الموضوع انا سمعتو كتير من الناس وبقو يطلعو نكت علو

وهو انو السودانين (كساله) يعني ما بحبو الشغل ولا التعب يعني تلقى

الواحد عايز راحه من الراحه مثلا النكته البتقول انو كان في واحد وولدو راقدين

قامت جات الام ودقت الباب قال الاب لي ولدو افتح الباب قال الولد افتح انت

قال الاب لي مرتو امشي انتي طالق

ما تبخلو بي رايكم

جمانة · 22-11-2005, 15:53

ههههههههههههههههههههههههههههههههههههههههههههههه

لزيزة

بيرم · 23-11-2005, 00:21

السلام عليكم ورحة الله وبركاته
موضوع السودانيين كسالة موضوع عايز ليه بحث لانه موضوع كبير وهام لان هذه التهمة لزقت فينا وما حنقدر نغير من افكار الناس الا بالعمل على نفيه ليس بالكلام ولكن بالفعل .... وهذه التهمة انتشرت كانتشار النار في الهشيم وخاصة في دول الخليج كما ذكرت الاخت الشمشارة لدرجة انت بقوا يتندروا بكسل السودانيين في النكات واصبحنا مضرب الامثال بالكسل ......... ولا ادري من اين اتت هذه التهمة ولكن قد سمعت بعض الاقوال بان الاخوة في شمال الوادي هم من نشروا هذه الفرية في السودانيين لينشئوا السد العالي في مصر بدلا من شمال السودان فقالوا ان السودانيين كسالة لا يقدرون على عمل مثل هذا المشروع الضخم .... ولكن عزائنا الوحيد ان لنا خصائص كثيرة يضرب االامثال بالسودانين مثل الامانة والكرم والشهامة اتمنى من كل حادب على مصلحة السودان ان ينفي هذه التهمة بالعمل وليس بالقول وان يكون مثال للنشاط والهمة وخاصة في دول المهجر لنكون خير مثال للسودانيين
ولكم التحية

nitrogen · 23-11-2005, 06:33

الأخت الغالية الشمشارة
لك التحية على هذا الموضوع المهم ....
صراحة اتفق مع اخي بيرم
وفعلاً السودانيين ما وصلوا للصمعة الطيبة دي الا باعمال وبمواقفم وياما سمعنا من مواقف لسودانيين مع امراء سعوديين ترفع الرأس وتخليك تفخر فعلا بانك سوداني
فالمطلوب مننا انا نعمل على تغير هذا الفهم الخاط اولا بالفعل ...ثم القول
وانا في رايئ ان النكت هي السبب الرئيسي في نشر الفكرة دى يعني النكتة بتكون واحد كسلان بيقوم بدال كسلان يقول سوداني ...وبتتنشر كده
انحنا روحنا رياضية بنقبل النكتة ..واصلا مافي شعب ولا فئة من الناس ما بينكتوا فيهم ..لكن لازم نحاول اننا ننفي عننا هذا التهمة
وبالمناسبة النكتة حلوا جدا
ويما انك كتبتي لينا الموضوع دة في منتدى النكات والألغاز والتسلية
فدي مجموعة من النكات عن السودانيين

................................
................................

................................
................................

+سوداني كسلان جداً جاهو حمار النوم.. نومو جنبو!

+ سوداني كسلان جداً مشى يحلق رأسو قعد في الكرسي ودنقر راسو الحلاق سألو: رأس ولا دقن؟ قال للحلاق: رأس، الحلاق قاليهو: طيب أرفع رأسك. الكسلان قاليهو: طيب دقن يا اخ!

+ سوداني كسلان داخل الاختبار. وقع منه القلم، سلم الورقه

+ سوداني كسلان معرس ليهو واحده كسلانه، قام اتثاءب قالت ليهو مادام فاتح خشمك نادي معاك الولد!!

+ أثنين سودانين عاوزين يركبوا لمبة قلووز , وكل واحد يقول للتاني قوم ركبة انت , بعد زمن كدا اتفقوا انو واحد يشيل التاني في كتفة والتاني يركب المبة القلووز قام الفوق الماسك المبه قال للشايلو طيب مادام انا حا اركب المبه,انت لف.

+قالوا واحد جاب ليهو تلاتة سودانيين شغلهم في معرض اثاث ينوموا ليه في السراير عشان يوروا الناس انو السراير مريحة قاموا الجماعة ناموا تلاتة يوم ورا بعض لمن صحوا قالوا ليهو : حرام عليك ليه تشغلنا 72 ساعة بدون راحة ؟؟

+ سوداني سألوه قالوا ليه بعد تصحى من النوم بتعمل شنو قال بمشي أرقد شويه

+ أخيراً قالوا لو في سوداني صحى من النوم في السودان بيعمل إنقلاب

كلاسيك · 23-11-2005, 20:06

ههههههههههههههههه

المفروض الموضوع ينقل للنقاش الجاد. أو للقسم العام

بصراحة انا معاك اختي شمشارة.. ولكن طبعا ً هذا من باب المزاح
ولكن في الحقيقة فيه بعض اللي يشتغلون بالسعودية من السودانيين
تلقى المحل حقه مظلم.. ومشغل محمود عبدالعزيز على الكمبيوتر.. ونايم
وإذا جاه الزبون مايعيره أي اهتمام...
"" بالله لوسمحت وين مكان الدفاتر""
السوداني "" بيجاااااااااي""
""وين ياخخي؟؟ ""
السوداني " ياخخي انتا ماتسمع.. أقول ليك بيجاي"

فيضطر الزبون انه يطلع ويخلي المحل..

وفيه سبب ثاني خلا الناس تعتقد بكسل السودانيين.. وهو وجود سرير
في مجلس الرجال.. والنساء.. وطبعا ً عندكم هالسرير عشان يرتاحوا
فيه الضيوف..
وإلا بالعكس.. دائما ً أخوي معتز وصديقي ريميكس.. وباقي الشلة
نتكلم أنا وياهم عن السودان.. يقولون لي إنه محد يجلس ساكت في البيت
لازم يطلع ويروح ويجي.. إما يروح الشغل.. أو يتمشى او يتقضى أغراض وغيره

ولكن مقولة إنه السودانيين كسالى من باب المزح.. وإلا فيه سودانيين أنشط
بكثيرر من غيرهم.. ومعروفين بالقوة والتحمل تحت اشعة الشمس الحارة.. لطبيعة بلدهم

دمتم بخير
كلاسيك

ابو اسراء · 23-11-2005, 20:17

الشمشارة
اشكرك كثير الشكر على هذا الموضوع الذى صار فى متناول جميع الناس عامة وفى الخليج خاصة عبر رسائل الجوال للاسف الشديد ،،والسودانيين براءة منه .
لكننى اقول:
اذا كان هذا هو عيبنا
او صفة من صفاتنا
الحمد للة على ذالك
لان عيوبهم وصفاتهم اكبر من ذالك!!
وزمان قالوا الجمل ضحك من رقبة الزرافة وهو ما شايف عوجة رقبتة.
واخيرا هل تعلمون معنى كلمة (عربى ) فى اروبا ودول اميركا وايضا عند الاسيوين اترك لكم الخيار ؟
لان نفسى لا تسمح لى بكتابتها!!

REMIX_2006 · 24-11-2005, 16:37

اختي الغاليه جدا الشمشاره....

ليه انتي زعلانه من الكلام دا والله انا ما شايف فيهو اي حاجه

لأنو النكت ما طالعه على السودانين بس

بالعكس دي طالعه على كل الجنسيات

الخليجيين, اللبنانيين , والمصريين , .........الخ

واصلا القصه لوفيها زعل مفروض المصريين اكتر ناس يزعلو

لأنك اذا دخلتي اي قسم للنكت في اي منتدى مستحيل ما تلاقي ليك نكت على المصريين

غير كدا القصه كلها ضحك في ضحك

عشان كدا خلي روحك مرحه

وما اي كلام ينقال تاخديه على محمل الجد

وزي ما بيقولو الكلام ما بقروش

ولا انا غلطان ؟؟؟

REMIX_2006

اشجان البـــ الحديقة ـــت · 25-11-2005, 17:05

شمشور الحكاية دى انا زاتى تعبت منها والله تعرفى يوم كنت بكلم مصرى على النت فىالشات ققال لى انتو مشهورين بشى خايف اقولو تزعلى قلت ليهو لا قول عادى وانا كنت عارفة حيقول لى الكسل
قلت ليهو رغم انى عارفاه بس حابة اعرفو منك قال لى الكسل قلت ليهو ما جبت شى جديد
يعنى انتشر زى ما قلتو فى جميع البلدان انا ما عارفة سببو شنو ؟ رغم ان السودانيين نشيطين جدا فى القيام بدرى وبعدين ما الكسل بس فى التاخير عامتا ربنا يصلح الحال

الشمشارة · 27-11-2005, 03:11

شكرا ليكم والله انكم جد رائعين واتمنى
دايما ان السودانين يكونو احسن الناس

وتسلوا