بدايتا السلام عليكم
في أول ممارسة كل زول للحياة الجامعية تكون هناك كمية من المواقف الغريبة الناتجة من شعوره بأنه مقبل على بعبع أسمه الجنس الآخر كان محميا منه طوال فترة حياته السابقة مبدوئتا بدراسته الأبتدائية آسف أقصد الاساسية مرورا بالمرحلة الثانوية وفجئتا يجد نفسه وجها لوجه مع الجنس الآخر أو ماأسموه بالنقيض (البيضة والحجر وما الىذلك) المهم في بداية المرحلة البرلومية يحاول كل واحد ان يجد النصف الآخر الذي حرم منه طوال حياته السابقة ويبدأفي أختيار من تناسبه ولأن التعامل في بدايته يعتمد على تعامل كل الأصدقاء مع تلك الشخصية وفي لمة حلوة في الداخلية براحة يجيب أسم زولتو الفي بالو ويلم خلاصة الآراء ،ففي موقف مشابه مرا بي زاتي (والمشكلة كانت في أنو الزولة دي كانت لجنا وعندها مشكلة حقيقية مع الجيم وكم حرف كده اها الناس ختت في بالا أنها متكبرة وحاجات كده وجا راي الزملا أنها متكبرة المشكلة أني كتا أتعاملتا معاها وعرفتها كويس وقدر ماحاولتا أشرح ليهم رفضو تماما الشي الزعلني أنو كل الناس بقت ماعندها شغلا غير متابعتا لامن تنطق حرف الجيم وهاك ياضحك لامن خلوها تغمت مع الجيم دي وتتعب جدا ومن نص المعمعة دي جات :
صغيرتي
كلمتني صغيرتي في ظهر يوم#### ببعض خواطر أسكن فيها
تقول وقولها خمر محلى ####يسكرني فيرقص قلبي تيها
حديثها حين تنطق في دلال ####ترانيم وأنغام لديها
قال بعض الحاسدين علي عنها ####يخل النطق بالافاظ فيها
رددت عليهم لا تسالوني#### فإني أعشق الأخلال فيها
تراها حين تنطق حرف جيم####يعذبها فغمض مقلتيها
فويلي من عيون عذبتني####أذا ماأغمضت دلا وتيها
يظلم يومنا والشمس بكر####فضوء الصحبح معتمد عليها
ويرتاد التوهم كل شيء####وكسو الشمس ظل يعتريها
ويخبو الكون يسكن في أناة#### تلفه ظلمة اليل هنيها
فأن حسرت جفونها في حياء####أضاء الكون منها مايليها
يغافل سهم مقلتها عيوني#### فترتاد الفؤاد بناظريها
وتلقى حبها فيه عظيما####يفوق الوجد فيه مالديها
فيرجف قلبي الملهوف###عشقا ويبكي مسهدا شوقا أليها
تطمئن روعه حينا وحينا####تهدهده على كلتا يديها
سألت الله أن يرعاها دوما#### ويبعد عن هوانا حاسديها
سألت الله أن يرعاها دوما####ويكتال التراب لحاسديها
Mr.Left
فكرة مبتكرة وكــلام جميـــل والأجمـــل أن ترى عيـــوب من تــحب بأنـــها أحـــلي مافيه...
واني في انتظار المزيد من يراعك
مع تــــحيــــــاتي
شكرا جدا يا رغد عللى الكلام الرقيق دا بس ماتكتريهو أقوم أصدق أني شاعر وراسي يكبر.
(والأجمـــل أن ترى عيـــوب من تــحب بأنـــها أحـــلي مافيه)
بس ما عارف يمكن أنا بختلف معاك شوية في الحتة بتاعة الحب في الجامعات دي صراحة أنا بعد تجربتي دي بعتقد أنو الواحد مفروض ما يضيع زمنو ويخلي هدفو الرئيسي لي حاجات يمكن تكون أشبه بالأوهام منها بالواقع لأنك أذا حبيت بي أخلاص حتصاب غصبا عنك بصدمات كبيرة وأذا كنت غير كده حتكوتن كذاب .غايتو أنا أحسن علاقات لي في الجامعة كانت العلاقات الأخوية مع الجنسين . ولا رايك شنو؟؟؟؟؟؟؟؟؟؟؟؟!!!!
مستر لفت
لا ادري من البعبع في الجامعات الاولاد ام البنات ام كليهما لبعض ....؟؟
*****
عبث هنا ما جاء منهم
وكنت انت هناك ..
لتوقف عبثهم ..
كلمات ولا اروع لحن جميل وانيق ونبيل
والله مسألة البعبع دي بتكون لي كل واحد على حسب جنسو لأنو الحجز كان واقع على الطرفين وماعارف شكل القارية حيكون أحسن لما تكون الدراسة مختلطة من البداية على سبيل (إن جوك جوك أخير كتلوك) وتبقا المرحلة الجامعية مرحلة بناء ذات خالصة بإعتبار أنو (الرتوش دي) الواحد إتعاطاها زمان ،ولا شنو؟؟؟؟؟؟؟؟؟!!!!
الصديق
مستر لفت
ماخليت التعارف
لكن الناس هنا فيامدرمان والخرطوم
جارية العندو امتحانات والشغال
والناس جاريه
لكن اذا اراد الله
حنتلاقي
وشكرا
مستر لفت
ودمت
والله يا لفت انت عسل والجماعه ديل صعبوها معاك شديد صدقنى حب الجامعات ده حقيقى لكن المسأله ما تكون خيارات و مفاضلات.. غير كده عامل الخبره فى المعرفه ودقه المعرفه
كتابات برلومية
ــاتي
العرض العادي
