يا جماعة جاوبـــــــــــــــــوا

الشمشارة · 25-10-2005, 00:38

:

سؤال لكل الاعضاء
ليه المشاركات مما بتتكتب بالسوداني ؟
ما تقولو عشان اي زول من الجنسيات التانبه وكده
لانو لغتنا واضحه ومفهومة بعدين اللغة هي البتبين جنسياتنا

اتمنى ان اي زول عندو راي تاني مايبخل علي .

شجراوى · 25-10-2005, 01:57

ألشمشارة سلامات
لم أفهم مقصدك من السؤال ....
لماذا لانتحدث بالسودانى هل المقصود بالعاميه ؟؟؟ أم بالرطانه ... ؟؟
وهل تعتقدين أن الموجودين بالدول الاخرى التى تقصدينها يفهمون العربية اكثر منا .... لذلك نحاول أن نوصل لهم ما نُريد .... ؟؟
لا أظننا أقل منهم فهماً لها .... وليسوا هم أكثر فهماً منا لها .....
ثم ليس لغتنا سوى لغه العربيه .... ببعض المفردات العامة ...
ويقولون لكل مقام مقال ....
فى الادبى مقال يختلف عن مقال التسالى وهكذا ....
تلك هى فكرتى
شجراوى (الاخضر)

الأسد · 25-10-2005, 09:52

أختنا الجاي مسخنة
أولاً تحياتنا ليك ألف ، ازيك وكيفنك ، وكيف أصبحتي
ومرحب بيك كتير في عشاق البلد
والزيك البيهتم بالبلد وناسو بينفع معانا هنا شديد
لكن كدي براحه براحه .. ما حأضيف كتير كمان كلامي الداير أقولو سبقني بيه شجراوي الله يديه العافيه
نحنا كسودانين لغتنا العاميه فيها كلمات كتيره لو فتشتي عليها بتلقيها أصلاً هي لغة عربية فصحى وما أظن في ناس بيتكلمو اللغة العربية الفصحى أكتر مننا والشي التاني لكل مقامٍ مقال .
وحسي كلامي كله بالعامية صح .. إنشاء الله مبسوطة وشدي حيلك معانا ورينا جديدك طوالي

صدفة البحر · 25-10-2005, 13:55

يا شباب براحة عليها ..ههههه

الشمشارة .. تقصد .. على ما اظن.. انو الناس تكتب بالعامية ..
وافتكر .. قصدها.. عشان يتعرف دة منتدى سوانى .. ذى اللبنانيين والمصريين والخ
صح يا شمشارة؟؟

طيب اولا حسب نوع الكتابة العاوزين نكتبها بتكون اللهجة .. وذى ما شايفة فى كتابات كتيرة بالعامية والردود السريعا كلها بالعامية
ولو خشيتى منتدى الالعاب والتسالى كلها بالعامية الا ما ندر
لكن مثلا فى الخواطر والكتابات فغالبا بتلقى الناس بتكتب ببعض الفصحة .. ودة شى طبيعى لانو نابع من احساس الكاتب
بس المواضيع الهادفة والجادة فنجد ايضا منها الكثيير باللهجة العامية .. مثل طزززززززززز فى لجنات المعاينة .. وعش المصالح المشتركة ..ووووو
يعنى ما مقصود باننا عاوزين نتعالى على لغتنا العامية بس بتجى كدة

وبرضو دى لفتة منك .. اعتبرها .. بارعة جدا
وكلاما صحى والله .. المفروض نكتر شوية من العامية .. خصوصا فى المواضيع الجادة الهادفة للمناقشة

شكرا يا شمشارة ..

الشمشارة · 25-10-2005, 19:18

شكرا جزيلاااااااااااااااا يا صدفه ويا الاسد ويا شجراوي

بـــــــــــــــــــــس انا عارف انو لغتنا قريبه جدا من الفصحى ولكن لمن

يدخل اي زول تاني من اي جنسية على المنتدى ولقى الكلام بالسوداني

اصلا تحس ان اللغة العاميه بتدي حلاوه بتجذب الضيف

بعدين ماتنسى الغربة واثارها في لغتنا يعني اي زول يسافر للبلد تلقى الناس بتعاين ليو كانو بعمل حاجه
غلط وبقولو لو حنكشه (دلوع) ومسطحين وكده