مسابقة تصميم شعار الصندوق الخيري...!!!

**معتز زيزي** · 20-10-2005, 14:57

أخواني وأخواتي

السلام عليكم ورحمة الله وبركاته،،،

قال الله تعالى: ((أُوْلَئِكَ يُسَارِعُونَ فِي الْخَيْرَاتِ وَهُمْ لَهَا سَابِقُونَ)) [المؤمنون : 61]

قال رسول الله صلى الله علية وسلم (إذا مات الإنسان انقطع عنه عمله إلا من ثلاثة أشياء من صدقة جارية أو علم ينتفع به أو ولد صالح يدعو له)

وحسب ما جاء بالفقرة (2) بالفقره من المسوده الأولى للصندوق الخيري ونصها
ب‌- اعتماد التسمية والبدء في تصميم شعار خاص بالمشروع، ويكون الباب مفتوحاً لجميع المصممين للتنافس في تصميم أفضل شعار.

نعرض عليكم هذه المسابقة (تصميم شعار الصندوق الخيري لعشاق السودان)...

*** الشعار المطلوب بأسم : الصندوق الخيري لعشاق السودان
***ويجب ان يعبر الشعار عن أهمية العمل الخيري واترك لكم الفكرة والتصميم ،والمقاس المطلوب متوسط المقاس بحيث يوضع على خطابات الصندوق والمستندات الرسمية.
*** الجائزة: جهاز جوال مقدم كهدية مني للفائز بالمسابقة

وفقكم الله لكل خير،، وفي إنتظار مشاركة الجميع
.................................................. ..........................

**معتز زيزي** · 20-10-2005, 16:51

كما يمكنكم الإستعانة بأحد المصممين في تصميم الشعار أن لم يكن لديك الفكرة في التصميم حتى نتيح الفرصة للجميع للمشاركة معنا والمساهمة في هذا العمل الكبير....

ونرحب بإرائكم وملاحظاتكم ،،،

،،،،،،،،،،،،،،،،،،،،،،،،،

وعد اللقيا · 22-10-2005, 15:42

سلام من الله عليكم
ليتني اجيد التصميم حتى اشارك معكم في هذا المشروع الخيري
اتمنى لكم التوفيق فيما ترمون اليه

**معتز زيزي** · 22-10-2005, 16:26

وعد اللقيا حضورك الينا يكفينا ... وبرضو بقول ليك ممكن تستعين بمصمم وتنزل التصميم بأسمك وهذا حتى نضمن أكبر مشاركة في المسابقة

.................................................. ...

**طارق** · 22-10-2005, 16:56

على بركة الله يا عزيزي ..
ونسأل الله ان يثيبك على مبادراتك الجميله دي ...

**معتز زيزي** · 22-10-2005, 17:24

يعطيك العافية أخونا عابر سبيل ،، ووفقنا الله وإياكم لما فيه الخير ويرضى ... بس أهم حاجه أنك تكون أول المشاركين معنا في هذه المسابقة عشان تشجع لينا الناس النائمين .....

.................................................. ............................................

Temon · 23-10-2005, 11:04

سلام زيزى !!! والله الناس دي نايمة نوم العافية !! كان مافى زول نط وختا ليهو تصميم قلت احتمال الناس دى تصحى بعد اول تصميم ..دي حاجة كدة بسيطة عشان الناس دى تصحى !!
ولك تحياتى

**معتز زيزي** · 23-10-2005, 11:46

temon يا راااااااااائع شغل حلو بالجد تصميمك متناسق وجميل ويحمل البساطة ومعبر لأبعد الحدود
يعطيك العافية ،،، وربنا يجعله في ميزان حسناتك يارب ... وفي إنتظار مشاركات الجميع ....
ويلا يا شباب ،،، الا يوجد أحد ينافس temon

.................................................. ............................

Temon · 23-10-2005, 12:58

تسلم يا زيزى بس انشالله الناس دي تصحى معانا !! .. ولى عودة !!

الأسد · 23-10-2005, 15:17

يا زيزي زمان قلت ليك أعمل لينا دروس في التصميم عشان نخش المسابقة ياهندي جات .. حسي نشارك كيف ؟ أضعف الإيمان حأعمل حاجه في البور بوينت وأجيكم .. بس مافي زول يضحك فيه ..