(رويدا) : فالتفاؤل هو طريقنا وهو املنا في الحياة - الصفحة 3

رويدا · 08-08-2005, 00:14

تحياتي لك من جديد ديمون

ياخي انته بتخجلنا معاك باسلوبك الرائع بجد انا سعيدة بيك وبمشاركتك معاي

واضيف ان الحزن فيهوا الحزن الشجي من الشجن .

والشجن هو الحزن المحبب الجميل !!!!

حزن الحب حتي الحزن في الحب ياخذ شكلا اخر!!!!!!!!!!!!

اليس الحب رائع عزيزي دايمون نعم هو كذلك .

alrazan · 08-08-2005, 09:01

الغالية رويدتنا جينا ليك والشــوق دفــرنا

كل الطيوب الحلوة يامولاتى والجيد الانيق

بعدد حروف الاسم تكون الاسئلة

حرف الراء : رؤى واحلام وامنيات منها ماتحقق ومنها مازال فى كنبة الانتظار ماذا تعنى لك ؟؟
حرف الواو : وبقيت اغنى عليك غناوى الحسرة والاسف الطويل متى كانت وماذا خلفت ورائها ؟؟
حرف الياء : يا انتى يا اغرق متى يكون اللجوء الى هذا النص ؟؟
حرف الدال : دى الحلوة بريدها وخافى بريقها والحلم الرافد يبقى حقيقة مساحة حرة لك فيها ماتشائين !!
حرف الالف : الشعر والخاطرة وليدة اللحظة ام وليدة الصدفة هى جميلة اليمة هل كانت لك اوقات محددة للكتابة ام الكتابة هى التى تختار اوقاتها !! مابين الشعر والخاطرة خيوط ممانسجتها رويدا وماذا طرزت منها لكى تكتمل همزة الوصل للوحة المرسومة ؟؟

كده كفاية عربية الشرطة ماتجينى

لك التحية اختى رويدا ومتعك الله بالعافية

ويبقى الامــــــــــــــــــــــــل

dyab8 · 08-08-2005, 12:35

الاخت رويدا تحياتي لك

هل تعتقدي ان الحب وحدة يضمن حياة زوجية مستقرة؟؟؟؟؟؟؟؟؟؟؟

رويدا · 08-08-2005, 14:45

يا غالية يا نبع الحنان
خليني جنبك ياحبيبة
قلبي مات ماتقولي الوداع
خليني انسى عذاب سنيني
قضيتو من هم وضياع
خليني اشعر بي وجودي
وانسى ايام الضياع

الرائـعةالرزان

منذ صغري بحلم اني اكون محبوبة بين الناس واحاول اسعد الناس الحوالي والحمد لله وفقني الله في بعض الحالات وما تبقي من الاحلام وما ذال في كنبة الاحتياط الكثير وما علينا الي ان نسعي الي تحقيق هذة الامنيات وبمشئة الله ربنا بحققها .
وطبعا الاحلام ما تحقق منها وما لم يتحقق تعني لي الكثير فهي الامل في الحياة والهدف المراد الوصول الية هو الذى يدينا الدافع للحياة وحب الحياة فتصوري اختي الرزان انك تكوني ماشة لمكان معين وما عارفة انتي ماشة عشان شنو المهم بس انتي ماشة ح يكون مشيك دي ما ليهو معني اما اذا انتي عارفه ولك اهداف معينة دايرة تحقيقيها بكون عندك دافع وبتكون مشيتك دي ليها معني وهكذا
( ما تحقق وما لم يتحقق من احلام وسعينه لتحقيق اهدافنا في الحياة مخليه الدنيا عندنا ليها معني . )

يا سلام عليك الرزان ورحم الله المبدع مصطفي سيد احمد ويا انتي يا اغرق متي اللجو لهذا النص ؟؟؟
من يلجاء الي هذا النص اولا بكون انسان غير عادي في حبة وتقديرة لمن يحبة وانا بلجاء للنص هذا اذا كان من احبة لا يعرف مدي حبي واخلاصي له فالجاء الي هذا النص عسي ان يتطمئن ويضع في بطنة بطيخة كبيرة (صيفي).
مساحة حرة لكي فيها ما تشائين

والله كتر خيرك خليتيني اجر نفسي شوية اشكرك انتي علي اسئلتك الرائعة وعلي اعادة الكرسي لينا تاني واشكر استاذنا الرائع طائر النورس علي فكرتة الرائعة دي.

الشعر والخاطرة ما هي الا متنفس لرويدا وواحة في طريق صحراوي اقيل فيها واستعد لموصلة المشوار بالنسبة للكتابة بتكون مع الاحاسيس والمزاج فمرات لا استطيع ان اكتب حرف ومرات بخربش زي ما انتو شايفين .

رويدا · 08-08-2005, 14:48

عزيزي دياب

سؤالك مختصر لكن من الممكن ان اكتب فيهوا مقالات طويلة عريضة وهو سؤال كبير احييك عليهوا

الضمان في كل شي معدوم مافي أي بشر بقدر يضمن شي معين ان يحدث او لا يحدث اما بالنسبة للزواج عن طريق حب بتكون هنالك ارضية صلبة يقف عليها هذا الزواج وهي الحب فبالحب بنتعلم نسامح ونتجاوز عن الهفوات البسيطة وبه بنتمسك بعش الزوجية فهو مهم في الزواج لانة يساعد علي حياة زوجية سعيدة ومستقرة.

albakaash · 10-08-2005, 01:24

center]سلام بالكوم لصاحب الفكرة
وسلام اكوام اكوام لست الكسرة
دحين انا عضو جديد
وقلت اشاركم النضمى والسعولات
يا ستو فى واحد صاحبنا فى بلد الغربة البعيدة ديك عزم اصحابه غدا ووعدهم انه - المين ديش - يكون كسرة بمفروكة
وحرمه المصون جهزت كل لوازم عواسة الكسرة علا ما لقت قرقريبة لانه البلد الهم فيها لا عندهم زعف ولا سمعوا بيه
اها المسكينة ما لقت الا كروت الكتشينة فى الدرج وما عزلت ليك الا الجوكر - اظنى عجبتها التصاوير الفوقه – وعاست ليهم فى امان الله
وبعد الغدا قالوا يلعبوا ليهم عشرة حريق
وانتى عارفة الجوكر اهم شئ فى الحريق
وطبعا الجوكر المسكين من نار الكسرة ما فضلت فيه روح
الامر الذى ادخل صاحبنا فى حرج بالغ امام اصدقائه
وصب جام غضبه فى الغلبانة وتطورت الشكلة وقررررب الشيطان يفرق بيناتهم لو لطف الله وتدخل الاصدقاء
سعوالى هو
لو كنتى فى بلادا ما فوقها زعف ولا قرقريبات زى العندنا فى السودان بتسخدمى شنو غير الكوتشينة؟؟؟
وتسلمى[/color]

رويدا · 10-08-2005, 01:58

albakaash

ياخي الف مرحب بيك ونشيلك انشاء الله فوق راسنا وباين عليك زول بتاع غلبة والله يقدرني علي سوالك دة رغم انو موجه لست الكسرة التي ادت دورهاعلي اكمل وجة وانت من هنا اديتني الفرصة ان احيها وانا وست الكسرة ورابي وعمري انا واي عضو في المنتدي اسرة واحدة ويد واحدة وقلم واحد وانا من هنا ارد عليك اوكي .
ولا دقيقة ,,,,,,,,,,,,,,

انا شايفة اني محتاجة اتصل بصديق او تديني خيارات والا والله اعوسة ليك باقرب حاجة جنبي
اها رائك شنو ..........؟؟؟

اري في قلمك تميز وابداع فلا تحرمنا منك اوكي

وليد حسين · 10-08-2005, 04:46

الرائعه رويدا ....تحية اجلال وتقدير ازفها لك من ارض المهجر ... سيدتى اسف اننى لمن اتمكن من اكون من اوائل المنضمين فى هذا الركن الشجى ولكنى كنت متابع للردو الرائعه والاسئلة الجميله من العشاق ... عزيزتى رويدا غردتى فاشجيتى.... كتبتى فافصحتى ... ليس هنالك وصف لعنفوان قلمك وبريقه الخلاب ..ساكنت ارض الحرمين وبنت الشعبية الغالية لكى من التحية والاحترام وارجو ان يكون منتدى عشاق السودان فاتحت معرفه بشخصك الكريم ولو الكترونيا عبر هذا الجميل الكمبيوتر( حتا ناتيكم محرمين) .... الرائعه رويدا واصلى العطاء فانت اهل له واجعلينا اخوانك الذين يرتون من نهل قلمك ويقفون معك دايما ..دمتى

رويدا · 10-08-2005, 14:42

الرائع وليد حسين

صاحب القلم البرمائي اذا صح التعبير وليد حسين ابهرتني بكتابتك وعرفت انك ستفعل من الترحيب بيك في عودتك مرة اخري فنرجوك ان لا تمل منا وان تكون معنا فانت فعلا لك اسلوبك الخاص ونكهتك المميزة وبرمائي لانك تلج كل البحور والاراضي الجدباء فتحيلها لنا خضرة فقلمك يتنقل بنا بين الاشعار والقضايا الساخنه والخواطر فيصح لنا ان نقول عنة برمائي.
ادامك الله لنا قلما منيرا معنا تدفع مسيرة المنتدي الي الامام كما فعلت مسبقا هل توعدنا ارجو ذلك .
لكي جزيل شكري في ما قلته في حقي من كلمات رائعات فان منكم وانتم املي وارحب بيك ويسعدني ان اعرف انسان مثلك ودمت لنا .

albakaash · 10-08-2005, 17:10

اقتباس:

المشاركة الأصلية كتبت بواسطة رويدا

albakaash

ياخي الف مرحب بيك ونشيلك انشاء الله فوق راسنا وباين عليك زول بتاع غلبة والله يقدرني علي سوالك دة رغم انو موجه لست الكسرة التي ادت دورهاعلي اكمل وجة وانت من هنا اديتني الفرصة ان احيها وانا وست الكسرة ورابي وعمري انا واي عضو في المنتدي اسرة واحدة ويد واحدة وقلم واحد وانا من هنا ارد عليك اوكي .
ولا دقيقة ,,,,,,,,,,,,,,

انا شايفة اني محتاجة اتصل بصديق او تديني خيارات والا والله اعوسة ليك باقرب حاجة جنبي
اها رائك شنو ..........؟؟؟

اري في قلمك تميز وابداع فلا تحرمنا منك اوكي

رويدا العسل شكرا على الرد والمجاملة
فى تقديرى انو الاتصال بصديق بالنسبة لحالتك ما بفيد
عارفة ليه؟
لانه اسمك ده اسم حناكيش وطبيعى انه كل اصحابك ح يكونوا زيك
تتصلى على منو فيهم بس
وشن عرف الحناكيش بشؤون العواسة واللاغاويص
عشان كدا بدل الاتصال بصديق بديك خيارات وهى
1- الامتناع عن تلبية رغبة الزوج واصحابه لعدم توفر وسائل الانتاج
وفى الحالة دى زوجك ح يطلقك لانه فى كتيراااات فى بلاد الغربة بتصرفن بطريقة او اخرى فاشمعنى انتى؟
2- تستخدمى نفس الوسيلة (كرت الكوتشينة)
وفى الحالة دى برضه طالق لانه الراجل ينقص مصروف بيته ولا ينقص ورق كوتشينته