(عمري أنا):" رب أخ لك لم تلده أمك " هذا احساسي تجاه هذا المنتدى - الصفحة 3

رابي · 12-07-2005, 12:07

المتميز عمري انا سلامات جيتك تاني يا ود امي كيف اخبارك مع السخونة الشديدة دي لكن الكرسي بوخوا طالع ربنا يكون في عونك ويبردو عليك.
بس عايزة اسألك سؤال واحد
في حياة كل انسان بتمر فيها لحظات بكون فيها سعيد متى يحس عمري انا بالسعادة تغمره.

عمران عامر · 12-07-2005, 12:21

أهلا روابينا صاحبة الطلة البهية والتي بحروفها تزيل كدر النفوس نسعد دوما باطلالتك لنا اما كلمة التميز فأنتم المتميزين ولست أنا ، في حياة كل انسان ظروف قاهرة تجبره على أن يأتي شيئا يكره اتيناه ولولا الحاجة لما أقدم عليه أما عمري انا فيسعده عندما يقدم عونا لمحتاج ويرى الابتسامة تعلو وجهه ويرفع له يداه بالدعاء " أن ربنا يعطيك العافية " وينزوي عمري انا متلفتا أن لا يراه أحد ففي هذه اللحظة تكسوني ابتسامة عريضة وأنا أشكر الخالق أن جعلني من منّ قضى حاجة غيره .

alrazan · 14-07-2005, 11:21

عمرى انا
كان شفت.. كتاباتك كيف سوت فينا ..سوات الريد فى جميل وبثينة.. كتاباتك وسر الضحكة
زي نيلين اتلاقو فى مقرن
وزي موجتين للشاطي .. بيجرن
وزي عاشقين .اتعانقو سرا

حبابك عشرة فى الكرسى ونسال الله ان يكون بردا وسلاما

جيت اسجل فى دفتر التوقيع لكى احفظ لى مساحة ولكن لى عودة محملة بدولاب من الاسئلة
فقط افسحو لى المجال وليتسع صدركم لى وانا على ثقة بذلك

مساحتى دى محجوزة مافى زول يجى بناحيتها

ويبقى الامـــــــل

عمران عامر · 14-07-2005, 11:44

مرحبتين حبابك يالرزان صاحبة الفكرة وإحيائها من جديد فعلمري هي ما تجعل التواصل ومعرفة الجوانب الخفية من بعضنا البعض ، تسلمي يا رائعة على الإطراء وما أنا بمنه ولكن هي رهافتكم وصدق تعاملكم وبها نكون .
ومرحب بيك

تراب بلدي · 14-07-2005, 14:16

الأخ عمري انا لك مني كل التحية والاحترام ......
وأنت تجلس متألقاً علي الكرسي الساخن وأنت تمطر كلمات لؤلؤية تعطر بها أجسادنا وعقولنا بأرائك النيرة جعلتنا عشاقاً للمنتدى وانت صاحب الكلمة الفياضة والاسلوب السامى الذى تمتلكة اناملك من تعبير فخم المعنى.
حقا كرسيك يستحق الوقوف امامه والاستماع اليك فى صمت وباستمتاع
بالله كيف الكرسي معاك انشاءالله يكون ساخن جد جد ولا كلام ساكت..
يلا اسمع اسئلتي دي كل حته من بلد فالنبدأ:
1. الخدمه التي قدمتها من اجل بلدك وانت في بلد المهجر ؟ كيف عكست الثقافة السودانية هناك.
2.هل الغربة تضيف لعمري انا ام تاخذ من عمره وروحه
3.ما هو شعورك لو قالوا ليك خلاص أنت رجعت السودان ؟
4.ماذا أضاف لك منتدي عشاق السودان وماذا أخذ منك؟
5.المراه ما هي عند عمري وهل هناك اختلاف كبير بين المرأة في الماضي والمرأة والان وهذا شئ طبيعي فالافضل عندك تلك ام الان.
6. ماهو رايك في الوضع السياسي الراهن الان وتصوراتك لمستقبل السودان ما بعد السلام (السودان الجديد).
اتمنى ان تكون اسالتى خفيفه عليكم وملطفه لسخونة الكرسى .

تراب بلدي · 14-07-2005, 14:24

الأخ عمري انا لك مني كل التحية والاحترام ......
وأنت تجلس متألقاً علي الكرسي الساخن وأنت تمطر كلمات لؤلؤية تعطر بها أجسادنا وعقولنا بأرائك النيرة جعلتنا عشاقاً للمنتدى وانت صاحب الكلمة الفياضة والاسلوب السامى الذى تمتلكة اناملك من تعبير فخم المعنى.
حقا كرسيك يستحق الوقوف امامه والاستماع اليك فى صمت وباستمتاع
بالله كيف الكرسي معاك انشاءالله يكون ساخن جد جد ولا كلام ساكت..
يلا اسمع اسئلتي دي كل حته من بلد فالنبدأ:
1. الخدمه التي قدمتها من اجل بلدك وانت في بلد المهجر ؟ كيف عكست الثقافة السودانية هناك.
2.هل الغربة تضيف لعمري انا ام تاخذ من عمره وروحه
3.ما هو شعورك لو قالوا ليك خلاص أنت رجعت السودان ؟
4.ماذا أضاف لك منتدي عشاق السودان وماذا أخذ منك؟
5.المراه ما هي عند عمري وهل هناك اختلاف كبير بين المرأة في الماضي والمرأة والان وهذا شئ طبيعي فالافضل عندك تلك ام الان.
6. ماهو رايك في الوضع السياسي الراهن الان وتصوراتك لمستقبل السودان ما بعد السلام (السودان الجديد).
اتمنى ان تكون اسالتى خفيفه عليكم وملطفه لسخونة الكرسى .

سمي · 14-07-2005, 20:07

الاخ عمري انا كيف حال الكرسي معاك في الجو الممطر دا إنشاء الله تكون المطرة خففت عليك السخانة شويه المهم خليك معاي علي الخط انا عاوز اوجه ليك أسئلة من الغرب اذا كنت مستعد
1- ( جايه من وين وين شايله عودين )؟
2- (تيسي ود الحرام ضبحتو بكرة الصباح قام)؟
3-(أكان شالوه ما بنشال وأكان خلوه سكن الدار)؟
4- تعرف ملاح ام زماطه وبعملوه كيف؟

سمي · 14-07-2005, 20:17

الصديق عمرر انا بتعرف شنو عن الدوبيت
واذا كنت عارف حاجة خلينا نتناقش مع بعض عشان انا داير استفيد منك
واتمني يكون الكلام دا مباشر هسع دي
الصديق عمري انا اود الاتصال بك دوما لكن بوين مع الزحمة الانا شايفها دي
ياصديقي لك كل الود والاحترام من عاشق اللغرب (ود اتلابيض ) ودايرك تشرح الابيات دي من دون مساعده من زول اذا امكن
الشؤم خوخت بردن ليالي الحرة والبراق برق من من نجاب القرة شوفي عيني الصقير بي جناحو كفت الفرة الليلة ام خدود تراها مرقت بره

شجراوى · 14-07-2005, 23:12

alrazan · 16-07-2005, 10:42

عمرى انا

تجينى ويجينى معاك زمن امتع نفسى بالدهشة طبول بتدق وساحات لفرح نور وزين للحزن ممشى مابين الحزن والفرح ممرات تكون فيها الابواب ساعة موصدة وساعة فاردة اجنحتها للتلاقى من اى الابواب يكون الولوج فى تلك الساعات ؟؟
حنينى اليك وليل الغربة اضنانى ماذا تعنى لك تلك العبارة ماذا اخذت منك الغربة وماذا اعطيتك ولما وقع عليها الاختيار لتكون من ضمن مجموعة الطيور المهاجرة ؟؟
مريم الاخرى وعم عبد الرحيم والمسافة ماذا يشكلون فى خارطة عمرى انا ؟؟
لو اتيحت لك سنين العمر الرجوع للواراء ماذا تتمنى ؟؟

فقط هذه قليل من الاسئلة الغير تعسفية

ولى عودة مرة اخرى

ويبقى الامـــــــــــل