|
عمري انا كيفك بخير ان شاء الله زين انا تمام كيفك انت وكيف الايام معاك
أشكرك يا اخوي على الطلة وما تنقطع عليك النبي وما تحرمنا من شوفتك
والله يا ود امي البورة بقت شديدة خلاص كان من البنات ولا الاولاد اعداد العنوسة بقت مخيفة وكلو يوم زايدة من اليوم القبليه وربنا يستر بنياتنا ووليداتنا لو اتحيت لي الفرصة بقرر
1- بحاول اوفر شغل لي الاولاد والبنات مع بعض علشان يشاركوا بعض لانو ظروف الحياة بقت صعبة وبي كده يختصروا الطريق على بعض ويساعدوا بعض في تكاليف العرس.
2- احدد المهر والمال والحاجات البجيبوها لي العروس برقم معين ويكون بسيط والقرار ده يمشي على الاثنين الغني والفقير الغني بعد ما يسوق مرتو بعد داك ما في مشكلة ان شاء يسوي السبعة وزمتها والفقير ح يمشي وهو مبسوط طبعا لانو لقى في المرادوا واكيد ح يكون ده املو من الدينا وبعد داك كلو شيئ بيجي وتزوجوا فقراء يغنيكم الله.
3-اوفر سكن حتى لو بسيط لي الشباب البادي حياتو يا داب علشان اسهل عليهم من هموم العرس وهموم بعد العرس واملكهم السكن بتقسيط بسيط وما يكون كثير علشان الحياة ما تصعب عليهم اكثر.
بس ان شاء الله قراراتي دي تعجب الناس ما يجو يقولو لي التحكيم فاشل زي ناس الكورة لما الفريق البشجعوه ما يفوز برموا اللوم على الحكم ويقلوا التحكيم فاااااااااااااااشل.
الدايرة تقرا دي بخليها لانو في غيرها كتار ما دايرات يقرن او خلصن ودايرات يتسترن ولا حبكت بس الزول يكون البتقرا دي بس اذا بقى كده فينتظره لما تخلص وما مشكلة طالما هو عايز كده ولا ايكم شنو؟
اما بخصوص قرارات النسوان بقرر الاتي:
1- اي مرة عايزة تعرس لي بتها ما تكتر من الطلبات ومن دايرة ودايرة واي مرة تكتر الطلبات نعرس لي بتها مجانا وبعد داك التسوي الدايراه.
2- اي بت تختار صاح وما توقع واطة ساي تختار الزول المسئول وبقدر يشيلها وما يخليها تحتاج لي غيرو.
3- البنات يوفرن شوية ويقللن الطلبات ويرشدن الاستهلاك من حاجاتن الخاصة علشان يسهلن على الوليدات.
اها دي قراراتي وان تعجب الجميع .
| التوقيع |
|
|
|
.gif)
العرض العادي
