(Sit_Elkisra) : إعتدت تقلبات و هيجانات قلبي - الصفحة 3

المسافر · 05-06-2005, 15:28

عـزيــزتــى ســت الكســـــــرة .... سـألتــك بالـذى ركـــز الارض معبــــــــــد ... وســوى الـفاس عليــها مقــام ...
سـألتــك بحشــــــــا الامـــــٌات ودعــواتـــن .... !!!
اولا .. احــيٌى فيــك الـروح الـمـشبـٌعـة تمــامــا بالألــــق .. الـروعــــة .. المــرح .. والحـس الجميــــــــــل...
عــــذرا لــــــهذا الـتـأخـير ولكـننــى تعمــــــــدت الـنـزول فــى المحطـــــــة الاخيـــــــــــــرة حـتى استمتــع بـالـرحـلة وانتظــــــــرت نـزول كــل الشبـاب وسـأتـرك لعــزيـزى النـورس حــق الـوصــول للمحطــــــــة الاخــرى ..
.... ارى الحــياة وكـأنـها ميــدان فسيـــــــح يكتـُظ بالـتنــاقضـــــات والـجـدل ... فهنـاك تنـاقضــات تتنــافــر دائمـــــا .... وفـى المقـابل هنــاك تنـاقــض جميــــــل ومتجــانــس واحيــانا متــداخــــــــل .. فهــل انتـابــك يــومــا الحــس المتنـاقـض والمتجـانـس ... ( ان كنـت تـؤمنيـن بالفكــــــرة )...
واشكـــــرك واشكــر عـزيـزى النــورس علــــى الـدعـوة ....
معــــــــــــــــــــــــــــــتز

Sit_Elkisra · 05-06-2005, 22:26

المسافر ,,, الله يباركك يا ولدي

أكيد أؤمن بالفكرة ..
الحياة أكبر مثال للتناقض المتجانس,, الأنسان أيضا مثال جميل للتناقض المتجانس ..
أجمل تناقض متجانس عندي -قد يكون غريبا و مفتعلاً- هو عقلية المجنون أو دعنا نقل عقلية المرضى عقلياً.. الذين وصلوا مرحلة سيطر فيها المرض العقلي عليهم ..
أحس بتناقض متجانس في حالة المجنون لأني أحسه أقرب الناس إلى إنسانيته
قد تتعجب من حديثي لكن هذه قناعة خاصة لا أفرضها على أحد
أجد المجانين بشريين بشدة أنسانيتهم نقية لا تشوبها شوائب الحياة ..
حتى سماعهم للأصوات عميق .. نقي و مختلف ..
نظرتهم التي من وراء غشاء الجنون .. تعكس لهم عالم جميل قبيح.. ضيق وواسع .. ملون و باهت .. هذا التناقض يعكس تصرفاتهم الغريبة المريضة..
* * *
الإنسان عامة,, كتلة تناقضات تجانست في نفسه ..

أتناقض في تجانس عند إدراكي بالجنون .. و هذياني بالتفاكر..

العزيز المسافر ..
الحقيقة تناقض متجانس... لأنها واضحة فاضحة
..
والطبيعة أيضاً..

SUKKI · 05-06-2005, 23:05

الأخت الغالية ست الكسرة
تدور بنا الدنيا في دائرة مغلقة
لانعلم لها بداية ولا نهاية
وكل يوم نختلط بأناس جدد
بعضهم نستلطفة والبعض الأخر نبتعد عنة
كما هو الحال بالنسبة للجميع
ولكننا نجد انفسنا مضطرين للتأقلم مع الجميع
لأننا سوف نمر بالتجارب الدنيوية مع الجميع
وسوف تكون هنالك مصلحة متبادلة وعامة
سؤالى هو :
اذا وضعت في موقف صعب ولم تجدي أي مخرج سوى الكذب والنفاق . فهل سوف تستخدمين هذا المخرج ؟
وماهي الدوافع التي جعلتك تستخدمينة اذا كانت الاجابة بالموافقة ؟. وهل تتميز الأخت ست الكسرة بالذكاء في المعاملة والاختيار الموفق في حل مشاكلها ؟ وهل تفضلين الصراحة المباشرة أم الغير مباشرة؟ وهل تحسين بمدي مصداقية الذي يتحدث معك أم لا (بمعني هل تعلمين اذا كان يكذب أن يتكلم بصورة جادة)؟
وشكرا لكي أختى الغالية ................
(((يديك العافية)))

Sit_Elkisra · 06-06-2005, 01:21

Sukki ,,,
أصلو شنو هو !!!شغلة؟؟ :P إنت متسلل .. المرة الجاية بنطلّعك من اللعبة

سؤالك كروباوي عديل كده ده .. حكحكت حكحكت..!!!!

****
حجاوب ليك من تحت لفوق .. عشان أقدر أتدرج ليك في الإجابة .. تمام؟
والله يا أخي أنا نوع الناس الذي يعطي الناس مساحة للمبادرة في الحديث في أول مرة ... و ممكن في بعض المرات أن أكتفي بالسماع فقط بدون المداخلة في الحديث .. بس عشان أعرف الزول القدامي ده جادع وين ... يا جادعين سوا .. قدرنا نتفاهم أو جادع بعيد مني و إكتفيت بمعرفته فقط!!
أما إذا لقيتني بادرت بالحديث ,,, ده معناه أنا عندي خلفية و لو بسيطة عن الشخص القدامي
---
الصراحة جميلة ... بس في صراحة قاسية ؛؛ دي بقى ما بتتقال إلا في حالات معينة .. تكون لها مردود إيجابي رغم وقعها المؤلم ... أما الصراحة غير المباشرة ؛؛ في ناس ما بيفهموها ... مع إني بعدمرات بلجأ ليها لما تعتر لي في لساني .. !
---
طبعاً يا سوكي لا أنكر لحظة القنوط الأولى لما تلاقيني مشكلة مستعصية,,, بس بديها صنة كده .. عشان ارتب أفكاري و الله يقدرني أحلها .. إعتدت أحل مشاكلي بنفسي
---
قد أكذب لكن أبداً لا أنافق ... مخرج الكذب ساهل ؛؛ لكن تختلف المواقف .. و تختلف المخارج ..
بعدمرات بكذب عشان أختصر الزول القدامي بس ..
لاني لو مثلا زول سألني كنتي وين؟ ... و انا كنت مشيت حتات كتيرة و حصلت قصص كتيرة ؛؛؛؛
حأضطر أحكي قصص أنا و هو في غنى عنها ... في وكت أنا ما عندي مزاج أسترسل في الكلام..
...
مثالي القلتو ليك ده ما موقف صعب ؛؛ بس دايرة اتخارج من معطة ..
المواقف الصعبة بتحتاج لتفكير .. و صدقني حبل الكذب قصير

alrazan · 06-06-2005, 12:19

ومازل البابور مدور والصاج مولع

ست الكسرة مابين الرسم الهندسى والكيبورد حروف وارقام وتصاميم هلا حكيت لنا عنها شيئا؟
للسفر فوائد وللغربة مرارات مابين المتعة والالم جوانب ماهى حصيلتك منها ؟؟
لو لم تكن المسطرة ماذا تمنيت ان تحمل يداك ؟؟

( خلى روحك رياضية )

ويبقى الامـــــــــــــــــــل

Sit_Elkisra · 06-06-2005, 13:02

إنت يالرزان ,, بالتتشوي بيهو الكرسي بتاعك ده ؛؛؛ أصبري لي لكن ... كراع البقرة جيابة ... و بلاقيك بالدرب بس أفضى من العواسة دي..

صديقتي الرزان ,,,
هو مشوار صعب ..
حلومر رمضاني ... عمله صعب و مرهق,, و زمنه طويل؛؛ بس نتيجته حلوة و مفيدة
ممتع جداً ... في نفس الوكت محبط
علمني حاجات كتيرة فيها الكعب و السمح ...
بقيت كائن ليلي خفاش ..بيكتفي بساعات قليلة من النوم .. و بيمارس نشاطه ليلاً
و بآزر اليوم الجديد حتى يرزق بأول بصيص من أشعة الشمس ...

التفاصيل المعمارية علمتني التفصيل و التدقيق على كل المستويات
كونه طريقة للتفكير أكثر من هندسة و فن ... خلاني أدمن ذلك..
....
------
رغم إني لم أتغرّب كثيرا و أتذوق طعم الغربة كما البلبل المغترب ,,, و لا أعيش محلقة سفرا و هجرة كما طائر النورس ,,, و لا أدمن الرحيل كما المسافر ... و لا هجرتي حياتي كما المهاجر ........
إلا أنني وجدت شيئا في السفر و الغربة و الهجرة و التحليق بعيداً ... و جدت نفسي و جدت إعتباري و قدر كرامتي ...
وجدت ألما يسمى الفراق .. الفقدان .. الحنين
وجدت أضداد.. قشور.. خبرات مختلفة
؛؛؛
فشكراً للسفر ... رغم خبرتي بيه التي لم تتعدّ مرحلة الطفولة
----
لولم تكن المسطرة .. كنت أتمنى أن أحمل ريشة ألوّن بها سواد الحاضر ..و المستقبل
قلماً يسطّر تاريخ غير مطموس العوالم .. و أهديه لأولادي
مصباحاً أنير به عقول سحاسيح اليوم يقولليهم ((إتقوا الله في حق أنفسكم))
كنت أتمنى أن أكون أستاذة في مدرسة ثانوية ..
لازالت هذه الرغبة القوية تلازمني ...

الرزان كترتيها عدييييييييييل

alrazan · 06-06-2005, 13:26

طائر النورس الله يديك العافية

قبل ما الصاج ده يبرد بلف وبرجع ليك اخد لى طرقة طرقتين

بعد انتهاء هذا الكرسى اطالب بحماية مشددة

المشرف خليك شاهد على توعدات ست الكرسى على

ويبقى الامــــــــل

Sit_Elkisra · 06-06-2005, 13:32

بما إنك صاحبة الفكرة .... إبحثي لي عن هؤلاء

ود أم بعلو

الأسطورة

alrazan · 06-06-2005, 14:00

الخريف لو طال غيابو الطيور ترجى ارتحالها

حتما سيعودو وانا على يقين بذلك

وانا طال الغياب سوف نجد فيما سطروه بصمات تعلن عن وجودهم معنا

وبقولو الغايب عزرو مع وفى غيابك يامنشيل اللوم
مرت لحظات وكمان ساعات طالت وحياتكم منتظرين
ولووشوش صوت الريح فى الباب يسبقنا الشوق قبل العينين

حتما سوف ابحث عن هؤلاء

ويبقى الامــــــــــل

رابي · 06-06-2005, 14:39

ست الكسرة ما عارفة اقول ليك شنو والله
اسم جميل ووسوداني اصيل وحقنا يدل على سودانيتك التي احببتها فيك منذ ان شاركت في هذا المنتدى.
لك طعم رائع ونكهة جميلة سودانية مية المية وعواستك كلها تمام ما اي طرقة مقصوصة او مكسورة مع انو الزرزرة كانت كتيرة الا انك يا ست الكسرة عوستيها كويس وجاوبتي عليها تمام ما شاء الله عليك .
اجباباتك حاضرة وفيها سرعة بديهة كانك كنتي منتظرة الاسئلة او متوقعاها وده بدل على انك رائعة.والله ما لقيت اي حاجة تاني اقولها ليك بس يديك العافية
ولي عودة