صرخة من بير ألخيانه

شجراوى · 14-10-2005, 03:54

محاولة بسيطه للدخول فى عالم القصيده القصصيه ورايكم بهمنا شديد
أأناس .....
آآآناس .... عيييييييييييييييييييييييييييييييييييييييك
آناس ألحله ألفوق
آناس حلة عباس
حامد مات
حامد مامات عيان ....
حامد ما مات جيعان
حامد ماهو جبان ....
حامد آآولاد الحله مات ولــــــــهان
بت ود احمد كتلت حامد ....
بت ود أحمد طعنت حامد...
بت ود أحمد قالت لــــــــع .... بصوته الجامد ...
زينة ألحلة ألبت ألسمحه ...!!!!
بت ألحلة الحلوه ألنايرة ...!!!!
بت ود أحمد سـ سـ سـت .....!!!!
آآآآناس
بت ودأحمد كضبة كبيره ....
جوة ألعين السمحه عيون عميانه ....
وتحت الشعر الاسود راساً فاضى ...
حتى ألبسمة تشوفه تقول فرحانة ...
عِلـها بي ممزوجة خباثه ...
ألقلب آآخوانا تقول مصنوع ...
جامد مافيه مشاعر يضخ فى الدم
تقول بس طرمبة ناس عباس ....
حامد شاف ألوش من بره
حامد شاف ألشعر ألموجة
حامد شافه .... شاف ألدنيا ....
حامد يوم بسمولو براهو ... قال ألبت بتموت فى حامد ....
صار آآآخوانا شغلة الشغال بت ود احمد
نزل السوق ..
شمر ساعدو ...
وجرى الترعه ....
زرع ألحوض ....
وكمان إتــأجر ....
حامد ساب آآخوانا ألسفه ...
جدع ألحقه ...
أليوم وألتانى وراها ألعلبه ....
حامد ساب بيوت أللعبه ....
حامد صام لله ورتل ....
حامد قال فى نفسة وكل دعاهو...
(بت ود أحمد لى وبس) ...
حامد قال لامو : تعالى أفرحى ...
ألليله وليدك ناوى يعرس ....
ألليله وليدك ناوى يكمل نص ألدين بى بت ود أحمد ....
ألحجه كمان فرحانه خلاص ...
طقت زغرودة ...
لمت ناس ألحله ...
قالوا خلاص ..
مبروك لآحامد ... مبروك آآحامد ...
بس مين ألفايزه بى أسد الحله ...
قالوا : قالوا دى أمنه بت ود أحمد ...
ألناس إنخلعت ...
حبه إنسحبت ...
ومن بين ألناس طلعت طفله حليوه ....
(( الافراح ألله بذيده .....
لانو ألليله بت ود أحمد جاله عريس من البندر وباكر ألدخله ))
وفجأة من جووووووه ....
من وسط أللمه ...
جات سكيبه .....
وووووووووووووووووووب حامد مات ...
مسكين آآآآآحامد
مسكين آآآخوى آآحامد
ألناس ماعارفه أنها يوم قالــتك كلمة .....
دايراك آآحامد ...
أعمل وأشقى ....
جيب لى قروش
بس دايرالى قروش ....
مسكين آحامد
كاتم سرك لامن مته ....
ما إتكلمته حتى فى سرك ....
ما إتلومته حتى فى سرك ....
ما إتلومته فى بت ود أحمد ....
جاتك يوم ألحجه بتسال
وين آآحامد القلته حصدتو ...
وين آآحامد تعب أيامك ...
قلتله يمه ألمال موجود
أبداً ماضيعت السر
أبداً ماقلتله المال عن أمنه ....
خايف ألحله تقول حامد جنه ....
تعب أيامك ماسكاهو بنــيه ....
وفى ألاخير ...
بت ود أحمد غدرت بيك
وباعت سرك
وغرست فيك خنجر مسموم ....
مسكين آآخوى آآحامد
مسكين آآخوى آآحامد
أمرق نوح آآنايح ألحله .... أمرق نوح وذيد فى نوحك ..
حامد مات
حامد مامات بالتخمه
حامد مامات جيعان
حامد ما مات عيان
بت ود أحمد كتلت حامد
حامد آآآآآ خوانا مات ولهان

شجراوى (الاخضر)

**معتز زيزي** · 14-10-2005, 17:02

تملك انــــــامل داله على التفنن بالحرووووف

لديك قلماً بارز بعـــــالم " عذب الكلام "

يخط حروفاً تجعل من يقراها يعيش بعالم من الابداع

ويجبره يعود مرارا وتكرارا لا سستنشاق عطوره

والبحث عن جديد هذا القلم ,,,,,

وشكرا لك هذه الروائع ,,,

دمت بــــــود وسلام ,,

>>>>>>>>>>><<<<<<<<<<<<

الخلا · 19-10-2005, 21:07

شجراوى الاخضر

جميل منك هذه القصيده

لقد افتقدنا هذا اللون منه

بالله عليك امتعنا به

شجراوى · 19-10-2005, 21:17

العزيزان زيزى والخلا فى البدء لكم الشكر على المرور وعلى تلكم الكلمات الطيبه وأعدكم أن أواصل معكم فى الكثير من المفردات التى أحاول أن أجمعها لعلها تجد القبول لديكم
ولكم الحب
شجراوى ( الاخضر )

عاشقة الصمت · 20-10-2005, 14:28

الغالى شجراوي و الله اتحفتنا و لى قدام......

جمانة · 23-10-2005, 13:26

رااااااااااااااااااااااااااااااااااائع يا ولد يا

شجراوي
..

و بالمناسبة سيب التواضع ..
فانت ملم و مدرك بكل معالم سحر الاحرف ..
و تملك تطويع الحروف ..و سحب الجمال من الكل ...

و آمنه ..عسل

تسلم يا
اخضرنا
و يلا ..اتحفنا

صدفة البحر · 23-10-2005, 16:49

شجراوى الاخضر .. يلا اظهر

لا يليق الاندهاش لسحر وجلالة ما كتبت .. فليس غريب على اهل الفكر والابداع .. خط الجميل

يديك العافية .. ونتلاقى فى اندياحات كثيرة انشاءالله

لكن بينى بينك كدة .. ود احمد بشجع فريق الشجرة ..ههههههههههههههى

الأسد · 23-10-2005, 17:09

شجراوي معليش كنت عايز أعلق كتير ( بالجد تحفة )
بس بعد الشر عليك عيان ما قادر افتح حتى عيوني وصايم

كسلاوية · 25-10-2005, 19:30

[movet=up]محاوله جادة وحلوه كتر منه لانه شعبي وسمح شددددددددددددددددددددددددددددددددددددددددددددددددد دددددددددددددددديد[/movet]

شجراوى · 25-10-2005, 19:39

عاشقة الصمت الجميله جداً مرورك فقط يعطينا دفعه لكى نحاول المواصلة
دمت لنا
شجراوى (الاخضر)