مع منو تتمني تقضي رمضان

جمانة · 11-10-2005, 12:59

يلا يا اخواني
حبايبي ناس المنتدي ...

طبعا نحن فينا المغتربين ...خارج الوطن و في مغتربين داخل
الوطن بعيدا من اهلم لاساب القراية و الشغل و كدة...

دي مساحة صغيره عشان نعرف كل واحد كان بيتمني
يقضي رمضان ده مع منو ؟؟؟

انا شخصيا بتمني اقضي رمضان ده مع امي الحمدلله اسي
انا معاها و اتمني لو ربنا اداني عمر اي رمضان اكون معاها..

واكيد في الداير يقضيهو مع شريك حياتو او زول عزيز عليهو و كدة
يلا نبدا بي اول زول عندي احساس حتكون صدفة ...
...

ومشيناها خطا · 11-10-2005, 13:08

انا شخصيا اتمنى ان اقضى رمضان مع والدتى اطال الله فى عمرها وفعلا معها واشكر الله على ذلك
واشكرك الاخت جمانة ورمضان كريم وكل سنة وحضرتك متالقة وبارعة

حتما سيكون لى عودة

صدفة البحر · 11-10-2005, 13:12

عزيزتى جمانة
فعلا انا اول من ستتمنى ان تجيب على هذا السؤال
لكن اود ان اغير فيه ليكون
مع من تتمنى صدفة البحر ان تعيش كل الايام
وكل رمضان
وكل الاعياد
مع من تتمنى ان ان تتشارك الافراح والاحزان
مع من تتمنى صدفة قضاء كل الزمان؟؟

وطالما ان الصدف فى البحر .. ويصله البحار

اذا البحار
وشكرا على اتاحتك لى مساحة اخرى للبوح
احبك ايتها الـ(برتكانة)

عمران عامر · 11-10-2005, 13:35

انا شخصيا وين ما حللت بقنع بالمكان الذي أنا فيه قناعة شخصية بأن الأمر مدبر من المولى عز وجل .

ولكن رمضان حلو بالسودان في حره وكربه وتجي " الفسحة " القدام البيت تفرش البرش في خطين متوزايين وتجلسوا وتفطروا ويجئ عابر سبيل والكل يكورك ليه كأنه أطرش ولا ما شايف ويجيك الشاي والجبنه من الجيران أو أقرب بيت ده بصورة عامة .

طبعا أنا زول والدتي متوفية لرحمة مولاها وربتنا خالتنا وأخواتي متزوجات يعني بمجرد ما انتهيت من الافطار بمشي بيت ناس خالتي وأرقد في حجرها وتهي تفلل لي في " شعري " طبعا ما كان زي الان وتخت لي الجبنة والشاي وأرقد في هذا الدفء الدفاق لحد ما يؤذن لصلاة العشاء ومن بعد ذلك اقوم منها .

ولكن الأمنية الخالصة أن أقضي رمضان مع حبي " إن وجد " في بيتنا وووووووووووطلة وردة من السور

جمانة · 11-10-2005, 13:46

اخي مشيناها خطا
...

الحمدلله اللي ربنا حقق ليك امنيتك و حمدلله علي السلامة ...

صدفة يا تومتي
...
يا رائعة انتي يا بت ... خجلتينا ... الله يحقق ليك كل امانيك و يتم ليك علي الف الف خير ..

وينو
البحار
..الليلة ..ما ظاهر..

عمري انا ..صديقي للأبد

دائما رائع ..في تصوريك للحياة الجميلة و البسيطة و المريحة...
الله يحققها ليك .. يا رب ...

صدفة البحر · 11-10-2005, 14:13

عمرى انا رحم الله والدتك

**رغــَــد** · 13-10-2005, 01:23