اَاَاََََََََََََََََََاَاَاَاَاَأاَأَأه يا بلـــــــدي ...!!!؟؟؟؟؟؟؟ - الصفحة 2

عمران عامر · 11-10-2005, 13:21

طبعا ردي السابق مغاير للموضوع ولكن حبيت أن أرد على ما دار بمخيلة الغالية جدا جمانتنا وحبيت أقول ليها ما بتحسي بعظم النعمة التي انت فيها رغم مرارتها الا بعد أن تفارقيها ، فلمة صحاب وطلوع رحلة وخروف شايل هم السكين وجلسة على الشاطئ، وتمشي الخرطوم للعمل تركب يا عم لحد ما تصل ، والنعال التي تنتعلها أصابها الغبار وتجلس ليك في صفيحة عليها كرتونة جنب ست الشاي وبتاع الأورنيش بكل مهارة يعمل في ازالة ما علق من غبار الطريق وتسمع طرطشة كلام من هنا وهناك . وتسمع ليك كم شمار طايش وتجي بنت تقدل امامك ماشه العمل أو الجامعة وتتحول كل الانظار تجاهها لحد ما تجي أخرى ويبدأ الموال من جديد وهكذا .

الله الله الله والله لحد الواحد لما يذكر الاشياء دي تجري دمعه على عينه تتذكر نفيسة وهي تدس ليك جمادة اللبن ولما تشوفك يتهلل وجها فرحا بأن قد قدمت لتشرب شاي الصباح باللبن من يدها وتخت ليك لقيمات تدسهم ليك في كيس تجدهم مرطبة وعليها السكر عامل ندى تأكلها وتنبسط وهي تنظر لك في كل فرح بالمناسبة "نفيسة " هذه مرة تعدت سن الخمسين ولكن تحبني حب أم لولدها لأني بعطف عليها ، كذلك يجئ فلب بتاع الاورنيش ويحتج على اللبن لانه قاعد بالقرب منها في فراشه على الارض ويقول ليها انا هسه ما قلت ليك عاوز شاي لبن قلت لي خلص ، وتمشي للمكنيكي يصلح ليك عربية الشغل التي تمتطيها وبلاش من غير قروش محبة فيك ايضا وتجي للمغسلة يمسكها منك ابراهيم ويقول ليك تعال بعدين أخذها ويخليها ليك عروس في حلة زفافها ، والله العظيم كل ما ذكرت كنت اعيشه واقعا ملموسا ولكن أصبح في عالم الذكريات وما مضى لن يعود .

وتجئ راجع العيلفون المغرب تلاقي الشباب قاعدين منتظرين قدومك في بيتكم تصوري انا ما في وهم بالبيت كأنهم هم أصحاب البيت والله هنا في الغربة أهلك قرايبك لما تدخل عليهم تحس بأنك غريب لانهم يعاملوك بكل برود أولا يحجزوك براك في حته كأنك تحمل مرض معدي لا الأم ولا البنات يجوا يسلموا عليك تشرب مويتك وشاهيك ويلا شتت على طول من غير ما تسلم لانهم ضاربين بينك وبينهم حجاب ساتر من الجدران وتلاقيهم في السودان ماشين موضه وعينهم تطرح يمين وييسار ولكن يكتسبوا عادات ليست من حقنا عشان كده بسال "رويدا" عن سر هذه المعاملة ، فنحن معروفين بالبساطة والوضوح يعني اختك تستقبل أصحابك وهي بالفستان ولا واحد ينظر ليها نظرة فيها سوء وانما كله احترام في احترام .

المهم تجي تدخل البيت وتلقى الشباب منتظرين ويأتي شاي المغرب بالموجود اذا وجد من لقيمات أو بسكويت أو يمشي واحد من صحابك يدخل المطبخ ويجئ قابض ليه رغيفة ويقول ليك انا جعان اليوم ، المهم تكورك للجيران احسان وام سلمة وحاجة ستنا وسمية عوووووووووووووك كيفكم ويقولوا ليك تعال اشرب الشاي تقولي معاي اصحابي يقولوا ليك جيبهم وتعال وده السودان . وحاجات كثيرررررررررررررررررة رائعة تخلي العين تدمع ويا جمانة انت في نعمة ياريت تشكري عليها وهي وجودك بالسودان وإنك سودانية وعضي عليها بالنواجز لاننا رحماء في بلد الرحماء

جمانة · 11-10-2005, 13:35

صدفة يا جميلة

بتجيبي الكلام ده من وين ... يا الكممملتي بلاغة اللغة ...و جمال المعني

حقا انتي رائعة

عزيزي عمري أنا
..

فعلا الغربة معاناة ..و انتو بتدفعو ثمنها غالي جدا.. شبابكم ..و عمركم..فرحكم ...
و ضحكتكم المن الاعماق
... بس زي ما قلت السبب الهداكم ليها ..لقمة العيش
لقمة العيش ... لقمة العيش ...
لقمة العيييييييييييييييييش ....

هنا مافي زول بيموت من الجوع..
باكل ....
... مع اي زول باكل ... مع الجيران باكل .. مع الحبان باكل ...
الصحبات باكل ...
لكن في حاجات تانية انت مفتقدها
حريتك ...راحتك المادية ..في انك تعيش فيها مرتاح من جميع النواحي
عشان تقدر تديها بقدر ما هي بتديك
و المفروض علي حكومتك انها تراعيك..و علي السلطة انها تريح الفرد..مننا
مش يهلكوهو و يكرررهوهو في بلدو و يخلوهو يفتش عن راحتو في بلد تاني ....؟؟

بعدين ما قلت ليك ...عروسك علي و ما تشيل هم ..بس انت تعال

رويدا · 11-10-2005, 22:00

يااااااااااة مالي حق امووووووت في السودان اذا فيهوا ناس بالقلوب الكبيرة دي في الاول تابعته الموضوع دة واتحسرت انوا الردود كانت ضعيفة فيهوا واليوم لمن لقيت الناس اتكلمت وطلعت الجواها والله فرحه فرح كبير جدا الله لا يحرمنا من السودان طالما فيهوا ناس بالشكل دة ولا يحرمنا من ناسوا وناسوا هم انتم .

الساحرة · 12-10-2005, 03:37

ما كفايه بعادنا عنك يا وطنا وما كفايه دى كم سنين من اغتربنا الليالى تمر طويله بدون محبه والشهور عدت وكم عام انتظرنا فى بعادك يا بلادى بعيش غريب فاقد المحنه وفى بعادك يا بلادى انا ما لقيت ارضاا تسعنا ..........
منقول
يا جماعه انا اقول ليكم حاجه السودان حب يجرى فى العروق يعنى حياتى ما شفت السودان الا وانا كبيرة يعنى اتربيت هنا فى الغربه ما لعبت بتراب بلدى وما اتشمت بشمسها حاجات كتيرة انا محرومه منها لكن لمن مشيت يا الله عليها وعلى حنيتها وحبها الـــــــــــــــــــــــلــــــــــــــــــــــــ ــه عليها
يا جماعه اى زول ماشى السودان بس يختنى فى شنطه هدومه
لكم حبى واحترامى
الساحرة

**طارق** · 12-10-2005, 11:04

السلام عليكم ورحمة الله وبركاته :

التحيه موصوله الى الاخوان والاخوات : رويدا وصدفة البحر ومعتز زيزي
وعمري انا والساحرهوتراب بلدي ورحاب ...

كنت اتكلم مع احد الاصدقاء عن السودان فقال لى .. السودان تراب البلد
وطبيعته كما هي ؟؟!!
الا ان النفوس اتغيرت وطبائع السودانيين الاصيله اصبحت في ضيق من
الاخلاق وسعة الصدر وكرم الاخلاق المعهود في السودانيين ....

لماذا يشتكى عمى وتكون اجازته شهران , فعند الشهر الاول يسخط
على هذا الوطن ... او قل حكومة هذا الوطن بطريقه يقع تراب البلد هو
الضحيه الاولى والاخيره .... لماذا اشتكى العضو (ثامر) من السودان ,
واختصر اجازته من 6 اشهر الى شهر واحد بعد غيبه امتدت الى 10 سنوات
.. وغادر بعده الى بلد الغربه !!!!
لماذا المغتربون , مغتربون الى الان .؟..؟؟؟ ولماذ حلم العوده اليهم صعب المنال ...
لماذا يصر من اعرفهم من الشباب وغيرهم من ابناء السودان ,
ان يغادر حدود الوطن ..

اعزائي :
اصبحت المفاهيم مختلطه علينا , بين مطرقة الظروف المحيطه و سندان
الوطنيه والوطن امور اصبحنا نقيس بها نظرتنا الى السودان , فليس
السودان هو لمة الاهل والاجتماعيات فقط , صحيح هنا يوزن المغترب
عقله بين كفاف الغربه ومنحنى العيشه في السودان .

فيختار منحنى العيشه بمعنى انه سيرجع حتى يواصل عمله
الذى قوت يومه . ولكن يجب ان يكون السودان هو كرامة الانسان
نفسه , لاتكفى فقط القياس بمقاييس الحياة اليوميه البسيطه .
لاستحضار السودان في مخيلة من يعيشون خارجه .

يجب ان تكون كرامة الانسان وظروف معيشته هى المعيار التى
يحدد موقفه من البلد كثيرون يهاجرون سنويا الى الولايات المتحده
واوروبا وكندا , فهل غابت عليهم كباية الشاي باللقيمات وقعدة الاصحاب
وحضور الحفلات وحق المواصلات .
اعتقد انهم فروا للاستقرار بمعيشتهم , لان المعيشه هى استقرار الوطن
في نفس المواطن .

اشكركم الاحباب على المشاركات القيمه ...
ويكون لنا في سوداننا املا طويلا .....

صدفة البحر · 12-10-2005, 12:46

كلام مؤؤسس

بس اضيف
اى زول فينا محتاجة يسأل نفسو
هو عاوز شنو
الوطن رغم الخراب
ولا الراحة .. و تعب البال؟؟
بعدين بنقدر نحدد بالضبط
ملامح وحدة نتلم عليها

ولا رايكم شنو؟؟

مريم الاخرى · 12-10-2005, 13:17

نيلك ارضك زرعك ناسك اصلك فرعك

بحبك مما قمت وبحبك حتى الان بحبك

يا سودااااااااااااااااااااااااااااااااااااااااااااااا ااااااااااااااااااااااااااااااان

لى اخر العمر

رابي · 12-10-2005, 13:59

ياما فيك نحن انظلمنا وفرقتك بكتنا ياما
ولسه برضو بندعي ليك تلقى في دربك سلامه
وتلقى ناس يدوك حنانهم واصلو ما يدوك ملامه
مافي عاشق عادي عاشق كان بشيل الابتسامه

ويا سودان

يا ريتنى لو أقدر أقول

فيك الكلام الما انْكتب

واجلى المقاطع بالدهب

وافرد صباح حُسنك وشاح

يمسح عذاب عمرى المسطرّ باللهب

صدفة البحر · 12-10-2005, 15:17

انا سودانى انا
انا سودانى انا