خيبة امل كبيرة فى منافسة عشاق السودان

صدفة البحر · 05-10-2005, 12:20

الى الان فقط استلمنا خمس اجابات من المتنافسيين
نرجو من الجميع المشاركة بهذه المرحلة والتى وضعت اسئلتها خصيصا بهذا المستوى لتمكن الجميع من المشاركة بها لذلك لم نحصرها فى قصيدة او قصة وا تصميم والخ
فلماذا يا شباب هذا الكسل .. لقد اجلنا انتهاء المرحلة الى يوم الجمعة لذلك نرجو من الجميع الاستجابة لنا
والله الموضوع كدة بقى محبط شديد .. وما كنا متوقيعين الكسل دة .. فارجوكم ايها الفرسان اصحو معانا شوية

**معتز زيزي** · 05-10-2005, 14:02

صدفة البحر ....

المسابقة جميلة والفكرة ممتازة ... المشاركة جاءت ضعيفة وذي ما بيقولوا الغائب عذره معاه وأنا بقترح مد الفترة الأولى أسبوع كمان عشان نضمن مشاركة أكبر عدد من الأعضاء .... من المعروف أن أول رمضان بيكون في حبة جرس .... ولا تنزعجي وطولي بالك

صدفة البحر · 05-10-2005, 15:41

تشكر يا زيزى على مواساتك
وانا عارفة جرس رمضان لكن بالطريقة دى كيف حنمشى لقدام
بنادى اخوانى الموجودين ان يتفرغوا شوية بس للاجابات .. ويجاوبوا على البقدروا على والباقى علينا ههههههههههههههههههههههههههههى
الله يخليكم شاركونا
علييييييييييييييييييييييييييكم الله
شاركو ولو بحل اجابة واحدة
الله يبارك فيكم
ويديكم العافية
ويعرس للعذابى الفيكم
ويقدر المتزوجيين منكم على المسؤولية
انشاءالله تتعلو وما تدلو
انشاءالله كدة ببركة رمضان دة البشارك يفوز بليلة القدر
وتبقى معاه قروش كتيييييييييييييييييييييييييييييييييييييييييييييييي ييييييييرة
واصلو ما يحزن
انشاءالله
وانشاءالله يتحقق الفى مراضكم
عليككمممممممممممممممالله شاركونا

**طارق** · 05-10-2005, 15:47

دعواتك حلوه يا صدفه البحر ...
اللهم امييييييييييييييييييييييييين ...
جمعا ....

**معتز زيزي** · 05-10-2005, 15:52

ههههههههههههه يا بت ربنا يسمع منك هذه الدعوات الحلوات ... بس يظهر إنتي المتجرسة العاوز يشارك يشارك والعندو ظروف نجد له العذر ...

شجراوى · 05-10-2005, 16:14

صدفايه من هنا على الجامع الكبير طوالييييييييييي
هههههههههههههههههههههههههها
ماوريتينى النتيجه كيف ..؟؟
شجراوى (الاخضر)

صدفة البحر · 05-10-2005, 16:39

النتيجة باينة ذى الشمس يا شجراوى بس للبدفع اكتر
وبهناك الحساب
هههههههههههههههههههههى

جمانة · 05-10-2005, 16:40

اقسم بالله رد شجراوي ده كنت حاقولو انا

زيزي يا عزيزي ... اديناهم مهلة كبيرة جدا و بالطريقة دي نحن زاتنا حنكسل و اسبوع كتير
عشان المسابقة مفروض تنتهي قبل اجازة العيد انشاءالله

صدفة حبيبتي استحملي شوية .. و لغاية يوم الجمعة فرصة كافية و الحاضر يكلم الغايب

شجراوى · 05-10-2005, 17:01

أنتن الظاهر عليكن مادايرتننا نحن ألاشتركنا ..... وقاعدات ليكن فوق راياً .....
مرة الثلاته ومرة الجمعه ..... ومره أسبوع .... لدى ما يجوا .... هع وتانى هع ...
نحن مالنا ما بنبقى فرسان .... ولا خايفات النضاره تقع من الحصان .... لا ماتخافن بنلبس عدسات .... العلم إتطور .... وحرم شكلنا كدا بنحرده ليكم .....
بينى وبينكم (النتيجه كيف)
شجراوى (الاخضر)

**معتز زيزي** · 05-10-2005, 17:20

شجراوي يا أخوي الشيخ قال طالما اللجنة كلها (ستات) لازم يكون الحديث من خلف الشباك ... والسؤال المباشر عن النتيجة (تجريح) للصيام .... وبعدين أنا عندي واحده وصيته ... (قبل رمضان) ... وهنا الأمر مباح .... وما تلبس (عدسات) البس (لبس العسكر) ... ولا أقوم أكلم ليك المسافر ... وبالمناسبة بتعرف (طير السقد) ...