إحصائية العضو

مجموعة اغانى لعبدالعال السيد

(*) حبان قساى نسو وعلى قليبى قسو
والريح مشت من غير تشتهى نفسى
واصبحت زى شدرا الخريف منسى
عدمان صفق لا موجود لا فيهو ضل لا عود
الناس تصابح العيد وانا بالحزن موعود
سديت دروب الريح راجى الليالي تعود
رسلت ليكم ناس حملتهم اشواق
وتحية من قلباً لى قلبكم مشتاق
وهديه من إنسان حساس مشاعرو دقاق
ده من هواكم يوم ما شغلتو الارزاق .

(*) كلما سألت عليك بقولو مشغولة
آيه شاغلك عنى ورينى يا زولة
ما السكة لى دربك طوالى مقفولة
وان تهت فى حبك تبقى انت مسئولة
رسلت ليك انسان جاب ليك جاب منى
وضحت فيهو كتير وشرحت كيف إنى
محتاج ومشتاق ليك يا ملهمة فنى
رد الخطاب ما جاء خيبت لى ظنى
ما انت من اهلى ومن جيرتى وناسى
شمتى فينى الناس جرحتى احساسى
كان العشم القاك بس قلبك القاسى
جرّح على قلبى واجج نفور ناسى .

(*) افتقدتك يا صبا عمرى وشبابى
افتقدتك لما زاد الشوق عذابى
افتقدتك فى غيابى وفى اغترابى
وافتقدت الإبتسامة والعيون الساحرة
يوم يسحر كلامها يا حبيبة عمرى فى الدنيا وزحامها
اكتبى لى عن سنينك كل يو وايام تمر بتزيد حنينك
اكتبى لى عن مشاغلك قولى لى عن أى شئ فى الدنيا شاغلك
وأى زول فى الدنيا لو سألك علىّ قصدو يعرف آيه علاقتك انتى بيه
قولى باكر ايوه راجع جاى ليّ .

إحصائية العضو

إحصائية العضو