جلسة لعشاق السودان

جمانة · 26-09-2005, 17:02

التحية الي

المشرف العام ...
الاخوة المشرفين و المشرفات ...
اخوتي الاعضاء
...

السلام عليكم جميعا ...

بصراحة انا من ما اشتركت و بقيت واحدة من العشاق الرسميين للسودان ..
وانضممت للكوكبة المزهلة ...ما لقيت عنوان لي جلسة ستقام ...افيدوني..

طبعا اكيد قبل كدة اتعملت
بس الفترة طالت ...ولا شنو ؟

وبصراحة برضو انا نفسي اتعرف علي الناس الرائعين دي عن قرب
وكمان نوطد العلاقات الجميلة دي ...بالجلسات و كدة
و يا ريت تكون في واحدة قريب ..
ولا رايكم شنو يا جماعة ...

montasir · 26-09-2005, 17:31

تمااااااااااااااام والله
لكن ما اظن الناس كتار هنا في الخرطوم
وانا معاااااااااااكم طوالي

منتصر

عمران عامر · 26-09-2005, 20:37

الرائعة جمانة لك عاطر التحيات

أولا عذرا للرد المتأخر أو الدخول المتأخر ، حقيقة أنا نفس الشئ على الرغم من عدم تواجدي بالسودان أطمع أن يتم هذا الأمر حتى يتناقش الناس على أرض الواقع فيما يكتبون وحتى ننهض بالمنتدى ، والأهم من كده التواصل وعمق الصلات فمن غير المعقول أن نعرف بعض عن طريق الشاشة الصغيرة هذه ونكتفي بذلك ، بجد لما قابلت الأخ معتز حسيت بعظم هذه المعرفة وكأني أعرفه من زمان مضى .

سهلة بينا الألفة والتعارف من غير اي حواجز كعناق صديقين حميمين فرقت بينهم المسافات . ياريت ناس المنتدى يعملوا بالأمر ده وعلى الأقل يكون اليوم ده معروف لينا نحن ناس الخارج عشان لو في طرح طارئ أو حاجة مستعجلة نقول تناقشوا وأدونا الرأي النهائي.

جمانة · 27-09-2005, 10:59

الاخ منتصر
...

لك كل التحايا ..و آسفة جدا اني ما رحبت بيك عضو جديد و
عاشق من عشاق السودان بس بالجد لي فترة ما دخلت لمنتدي التعارف
و المناسبات فلك العتبي حتي ترضي ...
فاولا: الف مرحب و حبابك عشرة ..بين اخوانك و اخواتك..
و ثانيا شكرا جدا علي المرور الرائع ..الذي اسعدني..
و احتمال فعلا يكونو الناس بسيطين بس ومالو ؟ علي قدر الفي ..
واللي في الخارج سبل التواصل معاهم كتيرة لحين عودتهم ..انشاءالله

واشكرك يا رائع مرة اخري علي المروووووووووور

جمانة · 27-09-2005, 11:09

المزهل ..الذي يضع بصماته علي كل شئ

عمري أنا
..
قبل كل شي حقيقي انا من أشد المعجبين بي كل كتاباتك و حتي آرائك
و نفسي بالجد تقبلني صديقة في واحتك الخضراء ..

صحيح الجلسة بتكون فاقدة الكتيرين لتواجدهم بالخارج ...
بس انتو كمان ممكن تعملو جلسة و تتعارفوا و تكونو اخوة
عشاق لبعضكم و عشاق للسودان....و نحن ممكن
نتواصل معاكم بشتي الطرق..زي ما قلت انت من غير اي حواجز..
و كمان الشاشة الصغيرة لا تكفي..للتعرف علي الرائعين مثلك..

وبالجد الموضوع ده مهم و الزول بيحس زي الفي شي ناقص بدونو

ومشكووووور علي المرور

ودمت

صدفة البحر · 27-09-2005, 11:59

جمانة يا احلى من الخيال

فكرتك جميلة جدا ونحن طبعا ما عندنا مانع وما معترضيين ..
بس الزول كان نفسوا يكونوا معاه كل الرائعيين .. ناس زيزى .. عمرى انا.. طاشر النورس.. والمسافر.. ورويدا .. بس ما باليد حيلة
لكن تعالوا كدى نحلم
انو نحنا ملكنا مصباح علاء الدين واتمنينينا نجتمع كلنا فى السودان (الزمان) ..الللللللللللللللللللله
كلنت حتكون حاجة احلى ..
الله عليك يا جمانة

**معتز زيزي** · 27-09-2005, 12:14

سنلتقي حتماً أن كان في العمر باقي ...
أن لم نلتقي على الطبيعة سنلتقي عبر الأثير... عبر الشفافية ...عبر الإندياح...
فقط إنتظرونا

شجراوى · 27-09-2005, 13:06

جمانه الجميله كعادتك تحبين الرحيل الى الوصول والتلاقى عبر لحظات الفرح .... دمت وانت تقدمين بادرة التلاقى بالوطن .... اتمنى أن يجتمع الشمل وساعتها سنلتقيكم ولو عبر الاثير ..... نحاول هنا أن نبدأ ... ملحوظه صغيرونه (صدفه دى مابيانى عديل) ... ولكن حتماً هى بالقلب غنوه تدعو للفرح
شجراوى (الاخضر)

**طائر النورس** · 27-09-2005, 13:42

الرائعة روعة الظل فى هجير المعاناة جمانة
احييك وانتى تعممى فينا الاحساس بالتواصل وتبدعى فينا بالفكر النير لتخلقى لنا جسر من التواصل يكون ممتد مابيننا وحتى تكون المعرفة عن قرب لكى نشكل ونكيف افكارنا ونحن فى دائرة محيط ملتقى فكرى واحد لكى نسمو بهذه الصلة التى ربطت بيننا الى افاق ارحب وحتى تمتد هذه المعرفة الى ابعد من ذلك حتى تصير معرفة اسرية اى كل واحد منا يعرف اسرة الاخر فنخلق امتداد من التلاحم اكثر واكثر سوف يعود على الجميع بكل الخير بإذن الله لانكم انتم كل الخير ومعرفتكم تجلب الخير ...
انا بقترح كضربة بداية نقوم ننسق مع بعض على اساس انه يكون هذا اللقاء هو افطار جماعى فى احد ايام رمضان المعظم فى اى مكان عام .... منه نخرج باراء وبتحديدات للقاءات بصورة دورية على حسب مانتوصل اليه من اتفاق ...
بتمنى للجميع كل الامنيات الطيبة وربنا يجمعنا جميعاً فى ساعة خير وبقول لحبايبنا المغتربين ربنا يجيبكم لينا بالسلامة ( لدياركم الطيبة طيبين ومرتاحين ) ... ( وبكرة ترجعوا انتوا لينا والفرح يملأ المدينة والبيوتات الحزينة والحبيبة تغنى لينا ) ...
فالنضع جميعاً ايادينا فى ايادى بعض ونمسك بريشة الوان حتى نرسم لوحة الجمال والروعة والتميز والابداع لهذا الوطن الام .
ولحدى ماتجى لحظة التلاقى الجميلة دى حأظل متشوق لرؤياكم من هسى يامدهشين .

جمانة · 27-09-2005, 14:00

صدفتي الاحلي من العسل ....

كويس انك معاي في الفكرة دي و كلنا و الله حنفقد بالجد
حبايبنا الفي الخارج ...

وانشاءالله ربنا يجمعنا بيهم في ساعة خير
...