|
اذا خلصت النوايا فلا مستحيل تحت الشمس
الأحباب سلام من تاني
حبيبنا النورس المدهش ده كعادته يأتي دوما بالمفيد وخلاصة الحواصر فقد أبدى رأيا مناسب وهو قدوم شهر رمضان المبارك أعاده الله علينا وعليكم بالخير والبركات ، وتصوموا وتفطروا على خير ، وربنا يعيده علينا وعليكم أعواما وأعواما عديدة ، ويقدرنا على الصيام والقيام فيه يا رب . ونقول بصورة عامة ويعطي كل سائل سؤله ، وتتعدد الحاجات وإن كان الزي ده مقصده معروووووووووووووف هههههههههههه.
زي ما قلت ليكم طائر النورس قال يوم في رمضان وده بالمناسبة قمة الاختراعات وأروعها تتلاقوا في الحدائق العامة ويكون إفطار جماعي وأهو تشوفوا عواسة "ست الكسره" رد الله غربتها عن المنتدى وهل هي مبدعة أم إعلام ساكت وتتفاكروا بعد التعارف وتتناقشوا في أمور المنتدى بس ما تعملوا شلليات كل مجموعة أو اثنين ينفردوا ، يعني تقعدوا وتتحكروا في النجيلة وتخطفوا العصيدة من ايادي بعض والحلو مر ، وووووووووووووووو وآخ يا سودان طال البعاد عنه . وياريت تعملوا إفطار جماعي على مستوى البيوتات يعني تحددوا لكل منكم يوم للافطار عنده ويكون معرفة على نطاق الأسر .
بالمناسبة أنا يمكن قبل كده في البوست ده نفسه حكيت وصورة حالي لما لقيت معتز ووالله العظيم انا بتصل عليه عشان يورني موقعه وين في المعرض ولما حصلت وكان لاول مرة نلاقي بعض يعني حتى الصور ما حصل تبادلانها على طول وبفطره كل منا ضحك في وجه الثاني وتعانقنا لحد ما كل الصالة بقت تعاين فينا وكان منظر بحق عمق في دواخلي الكثير جدا والله . عشان كده أنا بصر على التلاقي وياريت زي ما قلتم يمتد على الأسر وتكون قمة الروعة .
علينا أن لا نجعل الحياة تأخذنا في ركاب الجري وراء هم المعيشة وهم بكره فللامر رب كفيل به علينا أن نعيش حياتنا بعيدا عن تعقيدات الحياة كأننا نموت غدا ، يمكن اذا صح التلاقي والتواصل نعمل زواج جماعي من داخل المنتدى ولا شنو رأيكم ؟ .
| التوقيع |
|
وأوصي عيوني تحكيلك .. عسى تقدر توفيلك ..
ريدة زول صبح عايش ..
مناهو وحلمو بي إنتي ما غيرك ..
مناهو تقدري وتوعي لنظراتو .. وتصاويرو .. وتعابيرو ..
مناهو تكوني في ليلو .. نجم ساطع يضويلو .. emran_38@hotmai.com |
|
.gif)
