سأغيب عن المنتدى لمدة أسبوعين ...

**معتز زيزي** · 16-09-2005, 14:58

نسبة لإرتباطي بسفرية عمل لتجهيز أحد المعارض الخاصة بالشركة في الفترة ما بين الأحد 18/9 إلى السبت 1/10 سوف أغيب عن دخول المنتدى وعن عشاق السودان الحلوين ... ولكن يبقى الأمل في العودة يوم 1/10 أي قبل رمضان بيومين وبجيب ليكم معاي (الأبري) عشان فطور رمضان ... ومن الأن يا جماعة أول يوم الفطور معااااااااااااي ما في واحد يرتبط ..... ولنا عودة بإذن الله

دمتم (معتز زيزي)

سمي · 16-09-2005, 15:02

زيزي
ليه ماشي علشان قلت ليك داير توقيع
خلاص خليتو
بس ماتمشي
خليك معانا
تعودنا عليك
وتقوم تمشي ماحرام عليك
ياخ حن علينا شويه
ماممكن تخلينا كدا
ربنا يرجعك لينا بالف سلامة وتلقانا تامين ولامين
ودمت صديقي

شجراوى · 17-09-2005, 00:58

يا زول خلى يشتت
خلينا نستفرد بالجماعه شويه
ترجع بالسلامه
شجراوى (الاخضر)

**AyMaN** · 17-09-2005, 07:43

تمشي و ترجع لينا بالسلاااااااااااااااامة يا المعتز
نحن في انتظارك بفااااااارغ الصبر و أول يوم عندك
لكن كلام زي ده ما بقولوهو قدام شجراوي

شجراوي الحبيب :: اذا انا في محلك ما بفتح خشمي
و صوري ماليه المنتدى
ههههه

**معتز زيزي** · 17-09-2005, 09:09

أخي الحبيب (سمي) توقيعك اليوم سوف يكون جاهز لكن بدون (قونقليز) لا تشيل هم....
شجراوي... دي فرصتك بس انا عندي (ثلاثة) حلوين بالمنتدى لا تقترب منهم...
(رجل الضلام، سمي ، وأنت يا عسل) أبقوا عشره لحدي ما أرجع (عذابه سااااااااااي) ما تصدق دا تمويه ....

darkman لا أوصيك ... وياريت تتجسس تشوف لينا شجراوي الأيامات دي شابك الماسنجر مع مين؟ ليهو كم يوم كدا غائب .... ولمن يدخل المنتدى زي (ود المويه) يرد ليهو في موضوع واحد ويطلع ،،، نظام ( أضرب وأهرب)

**AyMaN** · 17-09-2005, 09:21

ما توصي حريص ،، ان خايف لمن ترجع لينا بالسلامة بإذن الله
تلقى الجماعة طفشوا

من ورا راس عمنا البنفسجي داك
انت شفتو قال شنو للعضو الجديد عمر البشير زاتو

؟؟؟

اخير نسكت مافي داعي ،، اقرا براااااااااك

شجراوى · 17-09-2005, 12:56

والله جنس شمارات لكن ..... يازول ياضلام كلمت زيزى ..؟؟؟ أنشاءالله جيت الاول .....وبعدين تعرف أنت لو قعدته من هسى ولى بكره ما بتعرف أخوك شايت وين الايام دى ... و أحسن ليك تقيف فى صفى الايام دى .... ولا خلاص أنت إمتحنته وماعاوز زول يشرح ليك ....
ولا أقول ليك حاجه ما تقيف معاى ولا حاجه أنا جمانه بتقيف معاى ولا ماكدا ياجمانه ياعسل يابت بحرى .....
شجراوى (الاخضر)

جمانة · 17-09-2005, 14:37

انا كان ما وقفت مع شجراوي حاقيف مع منو
وما انا براي ...بحري كلها معااااااااااااااااي

صراحة ...كدا

شجراوي ده ما بنرضا فيهو

بعدين معتز يا لزيز
تسافر كيف تخلينا و شوقنا وزكري ماضينا
وكيف بعدك يكون الحال
وكيف تصبح ليالينا

يا سيدي امشي و تعال بالف سلامة ..
تلقانا نحن يانا نحن

جمانة · 17-09-2005, 14:40

يا زيزي

ماشي بدون ما تعمل لينا التواقيع ؟؟؟
كويييييييييييييييس ..ما مشكلة .. بلقي البعمل لي التوقيع

كراع البقر جيابة

**AyMaN** · 17-09-2005, 14:42

شجراوي ما تحاول تطمن نفسك
مافي زول في صفك ،، جمانة مع زيزي

انت خليك مع جماعة الماسينجر ديلك ،، انا خايف يكونوا مدقسنك زي ما انت قالب بيهم هوبه

دي فيها كاريكاتير قوي خلااااص ( ولا رايك شنو يا المعتز )
هههههههه