أخير تدخل براك في الضو ..!!

عمر احمد · 15-09-2005, 18:47

أجيك جابد طعم حلمي
المشيت بيهو ..
ومعلق بى ملامح زول
ملان وحشة ..
ومخضب نيل
و ليل فاتح غيوم شارع
كما الدهشة
وجات ..
لحظة حضور منك ..
مروق خوفك من العتمة
وكان درب العشم فارِق ..
عشان تمتدَ للآخر ...!!
تعال ميِّل على الممشى
وسيب عينيكَ تتعود
تـنود فيني ..
وتهد جواي
وتتفتق بذور الريد
فرع مجدول ..
مساير شوق بدون تصفيف
اخير تدخل براك في الضو
قبل ما تكوس ..
وكِتْ تاني ، أجيك فيهو ..
واخش زمنك ،
اناغم ليك ... ما ترحل
واحول بينك مسافة وطول

اشجان البـــ الحديقة ـــت · 15-09-2005, 22:56

خاطرة رائعه
بل هية
روعه ما خطته يداك
لقد احسست بصدق العاطفه
دمت لنا
تقبل تحياتى اشجان

جيفارا · 19-09-2005, 23:00

الله عليك يسلم جوفك .. حاول انك ما تحرمنا من ابداعك واوع تقيف اكتب تحت اى ظرف وفى اى حته لى اى زول عارف ليه لانك ؟ لانك من طراز الرجولة الحقة .. نقى كما الماء حين يبداء بالهطول الجيد لذلك انت اشبة بكل السحب لا تيأس ولا تتخاذل
جيفارا[quote]