اصلى منك ...وجاى ليك ....

وليد حسين · 15-09-2005, 06:13

أصلي منك وجاي ليك

مهما كان سبب الرحيل

بس تغيري انت نهجك

وأفتحي الدرب العديل

خلي نورك يبقي ضاوي

ويرجع الفاتك قبيل

أصلي منك وجاي ليك

ما بتعدي ؟؟

ما بتحسبي كم مهاجر ؟

ولا غيرهم في البديل ؟

ما بتردي علي ليه ؟

ما ملاحظة ...

قل نورك

شح خيرك

وحتي نيلك ماهو نيل

ما ملاحظة ...

زمان مدارسك كان تخرج

وهسة طلبة الفيها ديل...؟؟؟؟!!!!!

حال طبيبك والمعلم

المهندس والبتاجر

الموظف والعميل

ما ملاحظة ...

لمساجدك كان خطيبها

للشوارع والنوادي

حتي سوقك والبنوكة

مرة بس راجعي الدفاتر

وكل غايب يبقي حاضر

اصلي منك

اصلي منك وجاي ليك

أسه فيك أجيال بترضع

خلي نيلك ليها يسقي

لو بترضع راحة منك

خيرها في... والله تلقي

ما قصدته اشيلوا حالك

بس حقيقة كلو قصدي

بس حقيقة كلو قصدي

اصلي منك وجاي ليك

مهما كان سبب الرحيل

بس تغيري انت نهجك

وافتحي الدرب العديل

واصلي منك

وجاي ليك

جاي ليك .....

اشجان البـــ الحديقة ـــت · 15-09-2005, 23:04

ما أروع ماخطت أناملك
كلمات في منتهى الرقه والعذوبه
مشاعر تنطق بالحب الصادق
رونق عذب في جوفه
كــــلــــمـــاتك ....
تحمل من المشاعر والأحاسيس الشيء الكثير

اشجان

وليد حسين · 16-09-2005, 03:52

اختى الجميلة اشجان .... تسلمى على المرور الكريم .... لكى منى التحية والشكر الجزيل ....وارجو ان تنال الكتابات الرضى ....

سمي · 16-09-2005, 15:10

وليد
اعتقد انها
مدينة الخرطوم
وان كانت كذلك فلك المجد يا إنسااااااااااااااااااااااااااااااااااااااااااااااا اااااااان
لان من يكتب عن وطنه انسان بمعني الكملمة وهو يستحق ان يخلد اسمة في الكتب
ويذكر علي مر العصور
فلك الشكر علي كتاباتك الرقيقة العذبة
ودمتن صديقي

وليد حسين · 16-09-2005, 17:22

تسلم اخى الحبيب سمى ( ابن الابيض البار ) .... الخرطوم تجرى فينا كمجرى الدم يا حبيبنا والسودان بكل ربوعه ولكن الذى جبرنا على الاغتراب البؤس الذى حمله الاسلاميين لنا ... رد الله غربة الطيور المهاجرة وادام العافية على بلادى

سمي · 19-09-2005, 13:41

وليد حسين
اجارك الله في مصيبك
والتي جعلتك تترك قلبك المرهف وترحل مع بقية الطيور المهاجرة
رد الله غربتكم جميعا
وادام الله الود بيننا
فلك الحب
والي كل الطيور المهاجرة
وعودا حميدا باذن الله
ودمت

جيفارا · 19-09-2005, 18:52

شكر ا يا وليد
وانت تغازل فينا جزء كاد ان يظلم بين سرادق الغربة وهواجس الرحيل فلتكن الانفاس اطول يا صديقى ولتكن الخيول اطول لنجرى معا واظنك تدرى الى اين ؟؟؟
جيفارا

وليد حسين · 20-09-2005, 06:24

اخى جيفارا ...دوما ستجدنى اقود ذلك الحصان الابيض الفتى لاقطف النجوم ليسعد بها احبائى وارجو فقط ان استطيع ان اكبت مشاعر الحزن التى تلوح فى بلادى... ان استطعت ولو بدواء يرسل او بكلمة حق اقولها نيابه عن اهلى المطحونين فى السودان .. لك الشكر على المرور الكريم ولى قدام اخى

وليد حسين · 20-09-2005, 06:27

الجميل دوما سمى ( ابن الابيض البار) ... عساها تجمعنا فهى لنا ملاذ من حر النهار ودفء من برد الشتاء ... وارجو كما تتمنى اين نعود وكل الطيور المهاجره ولكن...
كيف الرجوع لى زول قنع شايل رفات قلبه الحرق !!!!!!!!

سمي · 20-09-2005, 15:10

وليد
الحب الذي بداخلك سوف يمنعك عن الصمود في الغربة اكثر من ذلك
وقلبك الدافئ الملئ بالمحبة لايمكنه ترك الخرطوم وهي تناديه
واحساسك الدفاق المرهف لن يخذلك ابدا
وسف تعود من اجل من تحب حتي ولو بعد حين
ودمت صديقي