لم تكن غيبة التحكم فيها تحت اليد
السلام عليكم
لا اسف بعدين السلام عليكم
لالا السلام عليكم بعدين اسف
والله ماعراف ابدا كيف
لكن الايام د ي انا زي بص الجريف
مرة اشتغل ومرة اقيف
وماتحسبوا اني واحد غير ملتزم لكن دايما العوامل الحولك بتكون هي السيطرة عليك
اول شي ليكم احلى تحيات مني وماشالله عيني باردة جدا , لكن الموقع بقى حاجة ماحصلت ابدا
وبي صراحة يازيستي وحمادة وطائر النورس انتو دايما تستاهلو كل الكلام دا, وماكنت متخيل ابدا الكمية الكبيرة دي تكون شاركت معاكم , الحاجة التانية اللي عايز اقولها الظاهر انو ربنا حب مجتمع سودابست دا عشان كدا حباكم بي ناس مشاركين هم قمة في الاداء والذوق العالي الرفيع جدا جدا , اخجلونا بي صراحة بي قلمهم اللي الواحد يغير منو تماما. اقول ربنا يوفقكم ودايما للامام.
الحاجة اللي عايز اقولها هل دايما ثمن التنمية غالي كدة .
وهل كل الامم اللي حصلت ليها طفرة تنموية ورفاهية مستحدثة مرت بي مرحلة عنق الزجاجة كما يسموها
السؤال دا سالتو لانو لا حظت انو في ضغط هائل جدا جدا على المواطن السوداني وحاسي انو البلد في حالة مخاض بل بلاحرى في حالة ولادة قيصرية وحتى الولادة لا احد يعرف على ماذا تنتهي ولا حتى الطبيب التخصص, ارتفاع هائل في قيمة سعر صرف الدينار مقابل الدولار مما يعن ان هناك مشكلة حقيقية في الاقتصاد وقد يتضرر من هذا الارتافع المؤسسات والشركات والمستثمرين الخارجين وحتي المغتربين خارج البلاد , وهذا ادى الى غلاء طاحن في اسعار المواد البنائية والاستهلاكية والمعيشية وايجارات المنازل ودائما صار الطلب اكثر من العرض اذا هناك ارتفاع في ناتج الدخل القومي على حساب الدخل الشخصي , يعني بالعربي الفصيح كدا انت عندك قروش وعشان تملي عربيتك بنزين دي مشكلة
برضو حصل انعدام في الجاز , وقلة شديدة في الغاز وارتفاع خيالي في سعر الغاز والسكر , انخفاض حاد في توليد الكهرباء تغير شاسع في التعامل ما بين المواطنين .
اي انك اذا دخلت في غيبوب من قبل عامين و صحيت الان لن تفهم ابدا هذه البلاد.
السؤال هو قد صار من الواضح ان البلاد لم تعد تحت سيطرة احد ولم يعد هناك من يستطيع التحكم بها ابدا
لانها قد صارت اكبر جاذب للعملة الصعبة في افريقيا وصاحبة اعلى معدل دخل سياحي في المنطقة (تفوقت على مصر واسرائيل) السؤال هل هذه البلاد تتجه نحو الشاطي الغني الهادئ المسالم
ام تتجة نحو زوبعة اكبر من اعصار كاترينا, وهل هناك من يستطيع قراءة السودان بعد عام.
وهل يجب علينا ان ندفع ثمن التنمية غاليا هكذا , وهل مرت كل تلك الشعوب بذات مرحلة عنق الزجاجة؟
ودمتم
| التوقيع |
|
هوي اقيفن, نورة فيكن؟, نورة حلابة اللبيني , نورة عصارة البطيني, نورة حبي , نورة عشقي , نورة مصباحة الضليمي |
|
العرض العادي
