شخبته في دفتر العمر .......!!!!!!

وليد حسين · 10-09-2005, 18:27

وقالت لي ياحبيبى ... أمشى غادي ما المكان ماهو المكان......
ولا الزمان ياهو الزمان ... حتى انه الناس كمان ......
بتعود تلاقى الحال محال ولو بتسال عن فلان ....
ما زمان هجه ورحل.... ساب البلد والمدينة و المكان.....
ولو بتسال عن ناس حنان .. العايش عايش والمات إنسان ....
وأنا زاتى برجه في فرج قريب ..غايتو طشه لو تغير في خريطة عمرنا ...
رايحه في الزمن بدون دليل ..... والمكان بيرسم خرطته.... والقدر الجبان .....
بتذكر الحلة والعم عثمان ... والسفة والكورة ولمت الجيران وناس ضيفان ....
كنا حنان والناس طيبين وماقاسين ... لكن شقيش تثبت في حال .....
وقدرنا حكومات تمص النيل.. تحرق أحلام أطفال وجهال ... وياهو ده السودان ....
راحت وحده وجاءت التانية ... والحال ياهو الحال ... بس نقصان ....
وعشمنا في بكره اكبر من تصور "فتح" في أخر الزمان .....
بس ...بس لسه فيك الأمل يا إنسان ... انه ترجع تمد لليدين....
ولسه فيك غبش راح تنموا بي ريحت الجروف والدفوف .. ذي بركان ....
وأكيد بيجى اليوم الراجينه ونغنى نقول .... الســـــــــــــــودان.

سمي · 10-09-2005, 19:36

الصديق
وليد حسين
تتغير المواقع الزمان المكان
ولكن الحب هو الحب لا يتغير الزمان ولا المكان
وانما تتغير دواخل الانسان
والاسباب كثيره
ولكن نحن عشاق السودان سوف نبقي ونغني كما قلت
ولن نهون ولن نلين
ولن ندع اي شئ يحول حبنا عن ارضنا عن ارض النيل او عن ارض ترهاقا ولا عن السودان السامي في قلوبنا
نحن احفاد دقنه والنجومي وابناء السودان الاجلاء
فدمت اخي وصديقي

وليد حسين · 11-09-2005, 01:37

اخى سمى .... تسلم وجعلنا الله رفاق فكلماتك جميله وروحك اجمل فدعنا نحلم بالغد المشرق ... وتسلم يارائع

sambaman · 11-09-2005, 10:32

الرائع
وليد حسين
يا ريتنا نقدر نغنى ونقول
السودان ..
اكيد بكرة حيطلع نور الشمس ..
والغبش يتمسحوا
وجلدهم يندى ..
ويلبسوا فوق توب العزة تياب ..
راجين عيونك لو تبين ..
فى روعة مشوارك عصر ..
بلهفة نفرح وليك نقيف
لمن خيال طيفك يمر ..
ما تبقى خوف ..
وإتدفق ..

وليد حسين · 13-09-2005, 17:19

الجميل الرائع سامبامان ... اولا الشوق كتير والغيبة طالت وين فى الدنيا؟ ثانيا شكرا كتير على المرور والتحية الجميله منك شخصكم الرائع... وحنبنيهو ....حنبنيهو ...وطنا البنحلم بيهو ..

سمحه وسمريه · 13-09-2005, 19:33

قالو الغربه تؤكد احساس الانتماء ولكن اصبح احساس الانتماء مفتقد حتى فى حضن الوطن وكثيرا مانتسال اذا ماكان ذاك الحضن حضنا ام مجرد تسميه اطلقناها تمنى

وليد حسين · 15-09-2005, 05:38

عزيزتى سمحة وسمرية ..... اخالج فى كلامك شئ من ياس ... لا والف لا الوطن هو الوطن لكن هنالك من يلوثون حياتنا بمشاكل لم نكن نحلم بها وهولا لا يحسبون علينا لانهم نكرات فى مجتمعنا الذى اعلم تماما انه سوف يعود يوما الى حالته الاولى وان طال الزمن بزوال المسبب ...فقط دعى الياس واجتهدى فى التغيير ... ودمتى