كيف ترفع ضغط مشرفين المنتدى ؟؟

REMIX_2006 · 03-09-2005, 19:26

كيف ترفع ضغط مشرفين المنتدى ؟؟

=====

عزيزي العضو عزيزتي العضوه اللي عايز يرفع ضغط المشرفين

يتبـع التعليمات التالية وسيجد نفسه مطرود مع التحية

أولا

أدخل آي منتدى واكتب أي موضوع <--- الموضوع في وادي والمنتدى في وادي اخر

مثال ---> اكتب موضوع رياضي في المنتدى الأدبي

ويفضــل لو تكتـب عليه (( ارجــوا التثبيـت )) يكون لها طعم أحسن

ثانياً

اخـد ليك موضـوع جـديد من أي منتدى ---> انسخـه واكتبـه باسمك مره ثانيه في نفس المنتدى

ويفضــل تكتب عليـه ((( فكــره جديدة )))

(( هنا المشــرف حيـدوخ.... ماحيعرف وين المكـرر عشــان يحــذفه ))

ثالثاً

لا تشارك في أي منتدى وما ترد على اي موضوع

وبعدين أطلب من الإدارة تخليك عضو فعال وكل يوم أرسل رساله ( تظلّم ) إذا ما اشتغلو بيك ؟؟

مشرف مشاغب <========

صدقني إذا ماقالوا ليك انت مطرود يا فرده ... اضمن ليك انهم حيرقوك إلى ( عضـو لايوق)

رابعاً

شوف ليك مشرف أو مشرفه وإلصق فيه ... كل يوم رسل ليه رسائل خاصة تقـول ليه

شنو رأيك في الموضــوع داك .. أحـس انه باااايخ احذفه عليك الله .. ولا داك الموضـوع رهيـب ثبته عليك الله

((( هنا المشـرف حيكره اليوم اللي خلـوه فيه مشــرف )))

خامساً

دقق في إملاءات المشرفين ... ورد عليهم فقط لتصحيح الإملاء وما تجيب سيره عن الموضوع

سادساً وأخيراً

عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها شغله

(( دي حتغنيك عن كل الوســائل الفاتت ))

تحياتي لكم : REMIX_2006

اشجان البـــ الحديقة ـــت · 04-09-2005, 02:56

هههههههههههههه الخوف يطردوك انت زاتك فى كتابتك دى
انت بتحرضنا ولا شنو خلاص ابتدى انت ونحنا بوراك طوالى
ما عندك اى مشكلة

**AyMaN** · 04-09-2005, 15:24

هي يا Remix ،، ما قريت لوائح و قوانين المنتدى و بالتحديد النقطة 199.45 لعام 3005 بتقول ليك اذا حرضت واحد من الأعضاء على المشرفين دقست و اتلحست يا فردة ،، يمل يدخلوك سجن عشاق السودان الدولي سجن انفرادي

ــــــــــــــــ

كويس انك قلت مشرفين المنتدى ،، ما مراقبين المنتدى .. يعني انا بررررررررة
هههههههههه

ــــــــــــــــ

الله يجازي محنك يا Remix ياخي
هههههههه

REMIX_2006 · 05-09-2005, 20:53

ما مشكله يا شباب عادي لو دخلت سجن عشاق السودان انا لاقي؟؟؟؟
بالمره نعمل زياره لباقي المساجين خخخخخخخخخخخخخخ
ويا دارك مان انت اللي مزعلك شنو انا قلت المشرفين مش المراقبين وعادي لو دخلت السجن انت واسطتي
===========>> لصقه

REMIX_2006 · 05-09-2005, 21:00

يا اشجان انتي فهمتي الموضوع غلط انا قلت الصقي في مشرف مش الصقي فيني
عشان ترسلي لي الكلام ده :
شنو رأيك في الموضــوع داك .. أحـس انه باااايخ احذفه عليك الله .. ولا داك الموضـوع رهيـب ثبته عليك الله
ولو عايزه ترفعي ضغطي اتوسطي لي عند اداره المنتدى عشان يبقيني مشرف بعدين نفزي الخطوات الاربعه الفاتت على راحتك ههههههههههههههههههههههه

المهاجر · 06-09-2005, 17:53

موضوعك ده زاتو محذووووووووووووووووووووف ...
اها رايك شنو يا ريمكس ....... !!!!!!!!!!!!!