قزازة بيبسي!
اتقلب جاي ! اتقلب جاي ماجاو نوم
خاف من قصة تحكيها امو
ومايجيوه نوم وعاين شديد ماجاو نوم
دخن سيجارة قلب الفرشة وشال الحقة ودنقل سفة.... وماجاو نوم
قال ياربي انا مالي لا منجنون ولا عاشق لا متيم ولا مجنون ... ومامهموم
قبل فوق , السما الفاضي دييييييك نجمة وديييييييييك نجمة وديييييييك قمرة
ماجاو نوم , لبس نعلاتو مشى الدكان جاب قزازة البيبسي وشرب البيبسي
قرر قال امكن انوم لكن احسن احوم , جات الكلبة من الجيران بدت تهوهو وطار باقي النوم
مشى للجارة ولف سيجارة ويابو مروة الحقني وين البيت وين النوم ,
وصل الفرشة , مالفرشة اماااااااان, دنقل راسو وهنااااااااك في الكلبه
ماسمع الكلبة تهوهو لكن شاف الكلبة تهوهو ,
المشكلة ماجاو نوم , ابدا ابدا ماجاو نوم
قال نبدا نقرا...... حسى
اجاثا كريستي مارلين مونرو , انشالله (ويرلس كوميونيكيشن )
قلب راسو وجسمو عشان الدم يدتفق كتير في الراس (انتو فاهمني؟)
نسى سيجاراتو الاولى
ولحس العرقي عشان يقدر يطفي سيجاراتو الخمسة
وعمك حس!
مالك ياولد في شنو؟
مافي شي لسع
لكن يمكن يكون في شي ! ماتدس
وداك يالسلك
والكلام بقى بالهمسة
والدنيا لسع بي خيرها بس حسع
في النهاية الاحلام بتتجمع
امكن تكون مرسى
امكن تكون دقسه
بس ارجى الصبح يا كريم
ماتدي الدنيا بي رفسة
بس في النهاية ماقدر يطفي سيجاراتو الخمسة
والكلبة بدت تهوهو المشكلة انو سامع الكلبة
لكن ماشايف الكلبة
الظاهر انها دقسة.
| التوقيع |
|
هوي اقيفن, نورة فيكن؟, نورة حلابة اللبيني , نورة عصارة البطيني, نورة حبي , نورة عشقي , نورة مصباحة الضليمي |
|
العرض العادي
