errors during load. refer to 'f \ اسم السيستم\forms5.log' for details

تحيه بقدرهذا العطاء ابعثها اليك انت demon
سررت جدا بترحيبك لي في منتدى البرمجه
وزاد سروري بهذا الرد الذي بعثته لي وأرجو ان
يستفيد منه كل الذين واجهو نفس مشكلتي
وسوف اقوم بتطبيق الحل إنشاء الله وإنشاء الله
الامور تتيسر.

demon
والله انت شكلك حتتعب معاي شديد وانا غايتو شويه كده وحأخجل منك تاني.. مع انو مفروض ما يكون في خجل لكن العطاء لمن يجي كثير كده بتحصل الحاجه دي(شوية خجل)
وشكرا لكونك كتبت انو شكلي (ممتازة) في الفيجوال مع انو الكلام ده ما حاصل اضف إلى ذلك اني ما بنت لكن رجل يعني انشاء الله في يوم اكون الكلمه القلتها دي لكن بدون التاء المربوطه
اول حاجه انا عايز اوضح ليك انو انا جربت العمليه بتاعت الحذف والاستيراد دي وما عملت حاجه وعموما هي الرساله ما بتوقف السيستم لكن انا كنت عايز اعرف ليه بتجي من الاساس طال ما المسار صاح ..الحاجه الثانيه فيما يختص بالكرستل ريبورد انا أزلت الخيار بتاع الحفظ او الصاح لكن الشي الانا استنتجتو انو الكرستل فيه مشكله في المسار بالرغم من تعديل المسار من الفيجوال لكن الظاهر إلا يتغير من الكريستل زاتو لانو لمن تجي تنشيء الريبورت بتحدد المسار بتاع قاعدة البيانات والجدول البتطلع منو البيانات دي انا بصراحه ما عارف بعد ما تعمل الريبورت تجي تغيرها كيف وانا فعلا زي ما قلت شاغال قاعدة البيانات بتاعتي بالاكسس لكن حافظها في الفولدر بتاع السيستم زاتو وفي النهايه انا بفتكر انو الفيجول ده لغه جميله لكن غايتو عمل فيني عمايل غريبه وما منطقيه بعد ما ننتهي من المشكله حابقي اوريك صاحبك بعمل شنو معاي .