من نوادر اغانى مصطفى سيد احمد فهل من مساعد على ايجادها....؟؟؟؟

وليد حسين · 29-07-2005, 15:29

وجدتها صدفة وهى من نوادر ما غنى مصطفى سيد احمد فارجو المساعده على ايجادها صوت
اخر شعاع.....
الليله مات آخر شعاع ..
شفناهو .. من نور الامل ..
و وقفت فى نص الطريق..
والليل خلا السكه انسدل ..
وسطى رياح ..وعميق جراح..
واشباح تقول لى ما بتصل..
كيفن تصل وسط الضياع ..
حتى الشعاع منك افل ...
كيفن تصل ..
والليل طويل .. وعليك تقيل ..
زى الجبل ..
وسحابه حجبت النجوم ..
و كست ظلام كل القِبل ..
فى اللحظه ديك شفت الضياع ..
واللوعة فى القدر النزل ..
وشعرت بى موجه وجع.. آه
قلبى انصدع..
دمعى انبهل ..
شفت الخيال لوح بعيد ..
عبر الظلام.. صاحبى وجل ..
قال الوداع ..
قال الضياع ..
كيف الوداع ..
بعد الحصل ..
والليله مات آخر شعاع ..

قافلة الصبر · 05-08-2005, 05:17

التحية ليك يا عزيزي وليد حسين ... عندما قرأت اسمك وقرأت اسم المكان الذي فيه الرابط أصابتني الدهشة ... ولكنها الدنيا ... يخلق من الشبه أربعين ... فهو يسمى وليد الحسين ... هل أنت وهو شخص واحد ؟!!!

وآخر شعاع وأكثر من 75 أغنية لمصطفى سيد أحمد هنـــــــــــــــا

وليد حسين · 09-08-2005, 18:36

تسلم ياحبيب ..وان تشابهت الاسامى فكلنا نموت عشقا فى المغرد دوما ابو السيد ولك الشكر الجزيل ياغالى ولى عوده....

الدكتورة · 11-09-2005, 23:27

تسلم يازعيم على اثارة هذا الموضوع فكلنا نهيم عشقا فى هذا الفنان الراحل المقيمالذى تغنى فى داخل السودان وخارجة فاشجى واطرب الملايين وحانساعد بعض فى جمع نوادر ماغنى ويبقى موعدناالرسائل

وليد حسين · 13-09-2005, 01:43

شكرا على المرور الجميل الدكتورة ويبقى مصطفى فينا لحنا يغنى الى الابد... بس سوال طبيبة ولا شى تانى ؟؟؟

اشجان البـــ الحديقة ـــت · 05-11-2005, 19:19

ما عارفة اقول ليك شنو حقيقة دى اول مرة اسمع الاغنية دى
واستمتع جدا بالكلمات الجميلة بل الاكثر من رائعة
دمت لنا

wadasia · 24-03-2006, 15:06

مصطفي سيداحمد,.,( فلتةزمان ) لن يجودبها الزمان مرةاخري...هذا ليس تقليلا من شأن الاخرين لكنها في اعتقادي حقيقة لا يختلف عليها(واحد) وليس( اثنين )من محبي هذا الفنان الانسان